កីឡា និងបច្ចេកវិទ្យាបាល់ទាត់

«រន្ទះជើងឥតមេត្តា»របស់ ថូម៉ាស មូល័រ (បាយឺន)

កីឡាករ ថូម៉ាស មីល័រ (Thomas Muller) កំពូលខ្សែប្រយុទ្ធ របស់ក្រុម បាយឺនម៉ូនិឆ ( – អាល្លឺម៉ង់) ត្រូវបានអាជ្ញាកណ្ដាល ដកកាតក្រហម បណ្ដេញចេញពីការប្រកួត បន្ទាប់ពីកីឡាកររូបនេះ បានលើកជើងដ៏ខ្ពស់របស់ខ្លួន ដើម្បីទទួលបាល់ តែបានទៅប៉ះក្បាល​កីឡាករ «Nicolas Tagliafico» របស់ក្រុម អាហ្សាក (Ajax Amsterdam – ហូឡង់)។

ហេតុការណ៍បានកើតឡើង នៅនាទីទី៧៥ នៃការប្រកួតរវាងក្រុមទាំងពីរ ក្នុងជុំចុងក្រោយ វគ្គជម្រុះ ក្របខណ្ឌដណ្ដើមជើងឯកអ៊ឺរ៉ុប «Champions League» កាលពីយប់ថ្ងៃពុធ ទី១២ ខែធ្នូ ឆ្នាំ២០១៨នេះ។

រូបភាព«យឺតៗ» ដែលបង្ហាញ​នៅតាមកញ្ចក់ទូរទស្សន៍ មានសភាពគួរឲ្យព្រឺរោមណាស់ នៅពេលដែលសន្ធឹកជើង របស់កីឡាករ អាល្លឺម៉ង់ បានទៅប៉ះនឹងក្បាលកីឡាករខ្សែការពារ របស់ក្រុម អាហ្សាក់។

https://twitter.com/FdeJong_fr/status/1072968286294421505

ជាកាយវិការប្រកបដោយគ្រោះថ្នាក់ បើទោះជាគេមើលដឹងថា កីឡាករ មូល័រ មិនបានមើលឃើញកីឡាករ «Nicolas Tagliafico» ដែលនៅខាងក្រោយខ្លួន ក៏ដោយ។ សំណាងល្អ សម្រាប់ក្រុម បាយឺន ដែលទទួលបានលទ្ធផលស្មើ «៣-៣» ជាមួយក្រុម អាហ្សាក់ ហើយនៅតែរក្សាចំណាត់ថ្នាក់ទីមួយ របស់ខ្លួន នៅក្នុងពូល «E»។

នៅលើបណ្ដាញសង្គមវិញ រូបភាពចំអកជាច្រើន ចំពោះកាយវិការខាងលើ របស់កីឡាករ មូល័រ ត្រូវបានបង្ហោះព្រោងព្រាត។ អ្នកខ្លះ ថែមទាំងយករូបភាពលើកជើងដ៏ខ្ពស់ របស់កីឡាករ យកទៅប្រៀបធៀបនឹងរូបសញ្ញា របស់ក្របខណ្ឌប្រកួតអាជីព «» របស់ប្រទេសអាល្លឺម៉ង់នោះផងទៀត៕



You may also like

កីឡា និងបច្ចេកវិទ្យា

Champions League៖ រៀល និងឆែលស៊ី បានត្រឹម​ស្មើ ១-១ ជុំទី១

ក្រុមយក្សពីរនៅអ៊ឺរ៉ុប​បានបញ្ចប់ការប្រកួត វគ្គពាក់កណ្ដាលផ្ដាច់ព្រ័ត្រ ជុំទី១ ដោយលទ្ធផលស្មើ ១-១ ក្នុងយប់​ថ្ងៃអង្គារ​​ទី២៧ ខែមេសា ឆ្នាំ២០២១នេះ។ ជាការប្រកួតរវាងក្រុម រៀលម៉ាឌ្រីត (Real Madrid – ...
កំសាន្ដ

អុកឡុក​ការប្រកួត​ផ្ដាច់ព្រ័ត្រ ដើម្បី​ផ្សាយពាណិជ្ជកម្ម​ឲ្យ​គេហទំព័រ​«កូនជ្រូក»

ខណៈការប្រកួតផ្ដាច់ព្រ័ត្រ ក្របខណ្ឌ«Champions League»កំពុងប្រព្រឹត្តិទៅ ក្នុងយប់ថ្ងៃសៅរ៍នេះ រវាងក្រុម លីវើភូល (Liverpool FC) និងក្រុម ថូថែមហាម (Tottenham FC) ស្ត្រីម្នាក់ដែលស្លៀកពាក់បិទបាំង ...
កីឡា និងបច្ចេកវិទ្យា

ក្រុម​អ្នក​មានបុណ្យ ឈានជើង​មួយចំហៀង​ឡើង​ដល់​​វគ្គ​ផ្ដាច់ព្រ័ត្រ

តាមពិតទៅ ក្រុម​អ្នក​មានបុណ្យ ឬក្រុមបាសឺឡូន (Barcelona FC – អេស្ប៉ាញ) មិនសូវ​មាន​សាច់បាល់ ក្នុងការគ្របទៅលើគូប្រកួតទេ តែក្រុមអ្នកមានបុណ្យមួយនេះ បាន​ឈាន​ជើងមួយចំហៀង រួចជាស្រេច ទៅវគ្គផ្ដាច់ព្រ័ត្រ ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...