កីឡា និងបច្ចេកវិទ្យាបាល់ទាត់

Champions League៖ បាយ៉ឺន បំបាក់មុខ បាសឺឡូន ៨-២ ចាស់ដៃ

មិនធ្លាប់មានពីមុនទេ រាប់ពីឆ្នាំ១៩៤៥មក នៅក្នុងប្រវត្តិសាស្ត្ររបស់ក្រុម បាសឺឡូន (FC Barcelonne – អេស្ប៉ាញ) ដែលរងការ«បំបាក់មុខ» ដោយទទួលគ្រាប់បាល់ ពីគូប្រកួតរហូតដល់ទៅ ៨គ្រាប់។

ក្នុងយប់ថ្ងៃសុក្រនេះ ក្រុម បាយឺន (Bayern Munich – អាល្លឺម៉ង់) បានផ្ដល់មេរៀនយ៉ាងចាស់ដៃ ដល់ក្រុមអ្នកមានបុណ្យ ដោយគ្រាប់បាល់ ៨គ្រាប់ ទល់នឹង២គ្រាប់ ក្នុងការប្រកួតវគ្គ ១/៤ ក្របខណ្ឌដណ្ដើមជើងឯកអ៊ឺរ៉ុប «Champions League»។

ពីរគ្រាប់របស់ក្រុម បាសឺនឡូន មានមួយគ្រាប់ ត្រូវខ្សែការពារក្រុមបាយ៉ឺន ទាត់បញ្ចូលទី​ខ្លួនឯង នៅនាទីទី៧ និងមួយ​គ្រាប់ទៀត រកបានដោយខ្សែប្រយុទ្ធ កីឡាករ ល្វីស ស្វារ៉េស (Luis Suarez) នៅនាទីទី៥៧។

បំបាក់មុខ ជាប្រវត្តិសាស្ត្រ…

ផ្ទុយទៅវិញ គ្រាប់បាល់របស់ក្រុម បាយ៉ឺន រកបានសឹងតែដូចគ្រាប់ភ្លៀងធ្លាក់ – ៤គ្រាប់​ក្នុង​ពាក់កណ្ដាលម៉ោងដំបូង និង៤គ្រាប់ទៀត ក្នុងពាក់កណ្ដាលម៉ោងទីពីរ៖

  • នៅនាទីទី៤ ដោយកីឡាករ «Thomas Müller»
  • នៅនាទីទី២២ ដោយកីឡាករ «Ivan Perišić»
  • នៅនាទីទី២៨ ដោយកីឡាករ «Serge Gnabry»
  • នៅនាទីទី៣១ ដោយកីឡាករ «Thomas Müller»
  • នៅនាទីទី៦៣ ដោយកីឡាករ «Joshua Kimmich»
  • នៅនាទីទី៨២ ដោយកីឡាករ «Robert Lewandowski»
  • នៅនាទីទី៨៥ ដោយកីឡាករ «Philippe Coutinho»
  • នៅនាទីទី៨៩ ដោយកីឡាករ «Philippe Coutinho»

គ្រាប់បាល់ទាំងអស់ខាងលើ បានធ្វើឲ្យក្រុម បាសឺឡូន ជ្រុះចេញពីការប្រកួត ក្របខណ្ឌ «Champions League» ឆ្នាំ២០១៩-២០២០នេះ តាមច្រកទ្វាដ៏តូចមួយ។ បរាជ័យរបស់ក្រុមអ្នកមានបុណ្យ ក៏បានធ្វើឲ្យប្រទេសអេស្ប៉ាញ អស់មានតំណាងខ្លួន នៅក្នុងការប្រកួតដណ្ដើមជើងឯក ក្របខណ្ឌអ៊ឺរ៉ុប សម្រាប់រដូវកាលនេះដែរ។

ចំណែកឯកក្រុមបាយឺនវិញ បានឡើងទៅវគ្គ ១/២។ ក្រុមនេះ នឹងស្គាល់គូប្រកួតរបស់ខ្លួន ដែលចេញពីការប្រកួតរវាងក្រុម មេនឆេស្ទ័រស៊ីធី (Manchester City – អង់គ្លេស) និងក្រុម លីយ៉ុង (Olympic Lyonnais – បារាំង) នៅយប់​ថ្ងៃសៅរ៍ស្អែក៕



You may also like

កីឡា និងបច្ចេកវិទ្យា

បាសឺឡូន សង្គ្រោះការប្រកួតខ្លួនដោយយកស្មើ ណាប៉ូលី

CHAMPIONS LEAGUE ៖ រកគ្រាប់បាល់បាន ក្នុងការប្រកួត នៅខាងក្រៅផ្ទះរបស់ខ្លួន ទល់នឹងក្រុម ណាប៉ូលី (SSC Napoli) បានផ្ដល់ទឹកមាត់ឲ្យ ក្រុម បាសឺឡូន ...
កីឡា និងបច្ចេកវិទ្យា

ចាប់ឆ្នោត ដណ្ដើមជើងឯកអ៊ឺរ៉ុប – មេនស៊ីធីជួបស្ពួរ ខណៈមេនយូជួបបាសា

លទ្ធផលនៃការចាប់ឆ្នោត សម្រាប់ការប្រកួត ក្នុងវគ្គ១ភាគ៤ផ្ដាច់ព្រ័ត្រ ក្របខណ្ឌ ដណ្ដើមជើងឯកអ៊ឺរ៉ុប «Champions League» ឆ្នាំ២០១៨-២០១៩ បានចេញមកហើយ។ ក្រុមអាហ្សាក់អាមស្ទែដាម (Ajax Amsterdam – ...
ក្រុមជូវេនទូស អបអរជ័យជំនះខ្លួន បន្ទាប់ពីយកឈ្នះក្រុមអាត្លេទីកូម៉ាឌ្រីត។ (រូបថត UEFA)
កីឡា និងបច្ចេកវិទ្យា

បីគ្រាប់​របស់ រ៉ូណាល់ដូ ជួយ​ក្រុម​សេះបង្កង់ឲ្យ​បំបាក់​ក្រុម​អាត្លេទីកូ

កំពូលខ្សែប្រយុទ្ធរបស់ក្រុម ជូវេនទូស (Juventus – អ៊ីតាលី) កីឡាករ គ្រីស្យាណូ រ៉ូណាល់ដូ (Cristiano Ronaldo) បានព្រមានជាមុនរួចហើយ នៅមុនជំនួបជាមួយក្រុម អាត្លេទីកូ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...