កីឡា និងបច្ចេកវិទ្យាបាល់ទាត់

អាហ្សាក់​អាមស្ទែដាម បន្ត​យកប្រៀប​ឡើងទៅ​ផ្ដាច់ព្រ័ត្រ

ក្រុមបាល់ទាត់ អាហ្សាក់​អាមស្ទែដាម (Ajax Amsterdam) របស់រាជាណាចក្រ ហូឡង់ កំពុងបន្តក្ដីសុបិន្តរបស់ខ្លួន ក្នុងការដណ្ដើមពាន់ជើងឯកអ៊ឺរ៉ុប បន្ទាប់ពីបានយកឈ្នះ ១-០ នៅក្នុងផ្ទះរបស់ក្រុម ថូថេនហាម (Tottenham FC) របស់អង់គ្លេស ក្នុងយប់នេះ។

ក្ដីសុបិន្តដែលក្លាយជាការពិត សឹងតែទាំងស្រុក ព្រោះក្រុមបាល់ទាត់ ដែលសម្បូរដោយកីឡាករវ័យក្មេង ដែលពោរពេញដោយទេពកោសល្យមួយនេះ បានជម្រុះក្រុមជើងឯកឆ្នាំមុន (ក្រុមរៀលម៉ាឌ្រីត – Real Madrid – អេស្ប៉ាញ) និងក្រុមជើងខ្លាំងអ៊ីតាលី (ក្រុមជូវេនទូស – Juventus) នៅតាមផ្លូវរួចមក។

១គ្រាប់បាល់ របស់ក្រុមអាហ្សាក់ ដែលចេញពីការប្រកួត«ទៅ» វគ្គ១ភាគ២ផ្ដាច់ព្រ័ត្រ ក្របខណ្ឌ «Champions League» ក្នុងយប់ថ្ងៃអង្គារទី៣០ ខែមេសា ឆ្នាំ២០១៩នេះ បានធ្វើឲ្យក្រុមនេះ មានទឹកមាត់យ៉ាងច្រើន សម្រាប់ការប្រកួត«ត្រឡប់» នៅសប្ដាហ៍ខាងមុខ លើទឹកដីខ្លួនឯង។

បាល់មួយគ្រាប់នោះ រកបានដោយខ្សែបម្រើ កីឡាករ «Donny van de Beek» នៅនាទីទី១៥។

សម្រាប់ក្រុមស្ពៀរវិញ បានរៀបការវាយលុកខ្លាំង នៅពាក់កណ្ដាលម៉ោងទីពីរ តែនៅតែរកគ្រាប់បាល់មិនបាន។ នេះ គេត្រូវត្រឡប់មកនិយាយ ពីកីឡាករ «Jan Vertonghen» ដែលរងរបួសនៅត្រង់ក្បាល ហើយបង្ខំចិត្ត ត្រូវចាកចេញពីការប្រកួត តាំងពីនាទីទី៣៩។

យ៉ាងណា ក្នុងការប្រកួត«ត្រឡប់» ក្រុមថូថេនហាម អាចនឹងមានកីឡាករខ្លាំងៗរបស់ខ្លួន វិលមកប្រកួតវិញ។ ក្នុងយប់នេះ កីឡាករខ្លាំងៗ របស់ក្រុមអង់គ្លេសមួយនេះ មិនបានចូលមកប្រកួតទេ ដោយមូលហេតុរបួស និងទទួលបានកាតលឿង កាលពីការប្រកួតមុនៗ៕



You may also like

កីឡា និងបច្ចេកវិទ្យា

Champions League៖ ៨ក្រុម​ចុងក្រោយ សម្រាប់​រដូវកាល២០២០-២១

បន្ទាប់ពីជ័យជំនះ​របស់ក្រុមបាល់ទាត់ចំនួន៤ នៅក្នុងការប្រកួត​​យប់ថ្ងៃអង្គារ និងថ្ងៃពុធ សប្ដាហ៍នេះរួច ខាងក្រោម​ជាបញ្ជីក្រុម​ទាំង​«៨ក្រុម​ចុងក្រោយ» សម្រាប់រដូវកាលឆ្នាំ២០២០-២០២១ នៃក្របខណ្ឌដណ្ដើមជើងឯកអ៊ឺរ៉ុប «Champions League» (សរសេរជូន​ជាអក្សរឡាតាំង) ៖ (ឈ្មោះក្រុមបាល់ទាត់ និងឈ្មោះប្រទេស ...
កីឡា និងបច្ចេកវិទ្យា

មេនស៊ីធី លត់ សាលកេ០៤ យ៉ាង​ជូរចត់ និងដើរឆ្លងវគ្គយ៉ាងងាយ

ក្រុមមេនឆេស្ទ័រស៊ីធី (Manchester City – អង់គ្លេស) ខ្លាំងជាក្រុម សាលកេ០៤ (Schalke 04 – អាល្លឺម៉ង់) ឆ្ងាយណាស់។ ក្រុមបាល់ទាត់ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...