កីឡា និងបច្ចេកវិទ្យាបាល់ទាត់

Champions League៖ បាយ៉ឺន បំបាក់ លីយ៉ុង និងឡើងទៅជួប ប៉ារីស

គ្មានការភ្ញាក់ផ្អើលទេ! ក្រុម បាយ៉ឺន (Bayern Munich – អាល្លឺម៉ង់) ជើងឯកអាល្លឺម៉ង់ បានប្រកួតឈ្នះក្រុម លីយ៉ុង (Olympique Lyonnais – បារាំង) ក្នុងវគ្គ១/២ផ្ដាច់ព្រ័ត្រ នៃក្របខណ្ឌ «Champions League»។

ជ័យជំនះនេះ ធ្វើឲ្យក្រុម បាយ៉ឺន ទទួលបានសំបុត្រ ក្នុងការឡើងទៅជួបក្រុម ប៉ារីស (Paris Saint-Germain – បារាំង) នៅវគ្គផ្ដាច់ព្រ័ត្រ ដែលនឹងប្រព្រឹត្តិទៅ ក្នុងយប់​ថ្ងៃអាទិត្យ​ខាងមុខ។

ផ្ទុយពីក្រុមបាសឺឡូន (FC Barcelonne – អេស្ប៉ាញ) ដែលចាញ់ក្រុម បាយ៉ឹន ២-៨  ក្រុម​តោបារាំង ដែលស្ថិតក្នុងចំណាត់ថ្នាក់ លេខ៧ ក្នុងក្របខណ្ឌ «Ligue 1» របស់ប្រទេស​បារាំង បានទប់ក្រុម បាយ៉ឺន ដោយទទួលគ្រាប់បាល់ ពីក្រុមយក្សមួយនេះ ត្រឹមតែ​៣គ្រាប់ ទល់នឹង០ ប៉ុណ្ណោះ។ 

ក្រុម លីយ៉ុង ថែមទាំងបានឆ្លៀតវាយបក ទៅលើក្រុម បាយ៉ឺន បានជាច្រើនដង តែការវាយបកទាំងនោះ មិនមានប្រសិទ្ធិភាពទេ។

យ៉ាងណា នៅក្នុងក្របខណ្ឌ «Champions League» រដូវកាលនេះ គេមិនអាចទ្រាំ មិនសរសើរក្រុមតោបារាំង ដែលបានឡើង មកដល់វគ្គ១/២នេះឡើង។ នៅតាមផ្លូវ ក្រុម លីយ៉ុង បានជម្រុះក្រុមយក្សធំៗ នៅអ៊ឺរ៉ុប ដូចយ៉ាងក្រុមសេះបង្កង់ (Juventus Turin – អ៊ីតាលី) និងក្រុមមេឆេស្ទ័រស៊ីធី (Manchester City – អង់គ្លេស) ជាដើម។

ខាងក្រោមនេះ ជាគ្រាប់បាល់ទាំង៣ ដែលក្រុម បាយ៉ឺន រកបាន ក្នុងប្រកួតយប់នេះ ទល់នឹងក្រុម លីយ៉ុង៖

  • គ្រាប់ទី១ នៅនាទីទី១៨ និងគ្រាប់ទី២ នៅនាទីទី៣៣ ដោយ​ខ្សែប្រយុទ្ធ-ស្លាប កីឡាករ «Serge Gnabry»
  • គ្រាប់ទី៣ នៅនាទីទី៨៨ ដោយខ្សែប្រយុទ្ធ កីឡាករ «Robert Lewandowski»៕


You may also like

កីឡាករក្រុម លីយ៉ុង (បារាំង) អបអរជ័យជំនះរបស់ខ្លួន បន្ទាប់ពីប្រកួតឈ្នះក្រុម មេនស៊ីធី នៅវគ្គ១/៤ក្របខណ្ឌ «Champions League»។ (រូបថត UEFA)
កីឡា និងបច្ចេកវិទ្យា

Champions League៖ មេនស៊ីធី ហាលអាវ​​ក្រោម​ថ្វីជើង លីយ៉ុង

ក្រុម មេនស៊ីធី (Manchester City – អង់គ្លេស) ដែលល្បីថាចាយលុយ ដូចក្រដាស បានបញ្ចប់ក្ដីសុបិន្តរបស់ខ្លួន នៅត្រឹមវគ្គ១/៤ បន្ទាប់ពីត្រូវក្រុម លីយ៉ុង (Olympique ...
កីឡា និងបច្ចេកវិទ្យា

អាហ្សាក់​អាមស្ទែដាម បន្ត​យកប្រៀប​ឡើងទៅ​ផ្ដាច់ព្រ័ត្រ

ក្រុមបាល់ទាត់ អាហ្សាក់​អាមស្ទែដាម (Ajax Amsterdam) របស់រាជាណាចក្រ ហូឡង់ កំពុងបន្តក្ដីសុបិន្តរបស់ខ្លួន ក្នុងការដណ្ដើមពាន់ជើងឯកអ៊ឺរ៉ុប បន្ទាប់ពីបានយកឈ្នះ ១-០ នៅក្នុងផ្ទះរបស់ក្រុម ថូថេនហាម (Tottenham ...
កីឡា និងបច្ចេកវិទ្យា

ណីម៉ា បន្ទោសអាជ្ញាកណ្ដាល ខណៈ ម៉ាគីញ៉ូស ថាជាពេលត្រូវ«ឆីលាមក»

«ពេលដែលត្រូវ… ឆីលាមក» – ក្ដីសុបិន្តដែលចង់ឈ្នះជាជើងឯកអ៊ឺរ៉ុប របស់ក្រុមប៉ារីស (Paris Saint-Germain – បារាំង) បានរលាយជាថ្មីទៀត ក្នុងឆ្នាំនេះ បន្ទាប់ពីប្រកួតចាញ់ក្រុម មែនញូ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...