កីឡា និងបច្ចេកវិទ្យាបាល់ទាត់

ក្រុម​អ្នក​មានបុណ្យ ឈានជើង​មួយចំហៀង​ឡើង​ដល់​​វគ្គ​ផ្ដាច់ព្រ័ត្រ

តាមពិតទៅ ក្រុម​អ្នក​មានបុណ្យ ឬក្រុមបាសឺឡូន (Barcelona FC – អេស្ប៉ាញ) មិនសូវ​មាន​សាច់បាល់ ក្នុងការគ្របទៅលើគូប្រកួតទេ តែក្រុមអ្នកមានបុណ្យមួយនេះ បាន​ឈាន​ជើងមួយចំហៀង រួចជាស្រេច ទៅវគ្គផ្ដាច់ព្រ័ត្រ ដោយសារប្រសិទ្ធិភាព នៃកំពូលកីឡាករខ្សែប្រយុទ្ធរបស់ខ្លួន ក្នុងការបំបាក់ក្រុមបាល់ទាត់ លីវើភូល (Liverpool FC – អង់គ្លេស) នៅក្នុងផ្ទះរបស់ខ្លួន (កីឡដ្ឋាន Camp-Nou)។

ជាការប្រកួត «ទៅ» វគ្គពាក់កណ្ដាលផ្ដាច់ព្រ័ត្រ (ឬវគ្គ៤ក្រុម) នៃការប្រកួតដណ្ដើមជើងឯកអ៊ឺរ៉ុប «Champions League» ដែលទើបនឹងបញ្ចប់ទៅ នៅមុននេះបន្តិច ជាមួយនឹងជ័យជំនះ របស់ក្រុមបាសា ៣-០។

តែក្រុម លីវើភូល មិនទាន់អស់សង្ឃឹម នៅឡើយទេ បើមើលតាមសាច់បាល់ ក្នុងយប់នេះ ដោយហេតុថា ក្រុមហង្សក្រហមបានគ្រប់គ្រងសាច់បាល់ បានយ៉ាងច្រើន ជាពិសេសនៅពេលចាប់ផ្ដើមការប្រកួត ទាំងនៅវគ្គពាក់កណ្ដាល​ម៉ោងដំបូង និងពាក់កណ្ដាលម៉ោ​ងទីពីរ។

អ្វីដែលក្រុមហង្សក្រហម ហាក់ប្រៀបមិនបាន នឹងក្រុមអ្នកមានបុណ្យ អេស្ប៉ាញ គឺលេងបាល់ បានយូរបន្តិច ក្រុមកីឡាករហាក់ធ្លាក់ជើង និងខ្សែប្រយុទ្ធរបស់ក្រុមនេះ ហាក់មិនមានប្រសិទ្ធិភាព ក្នុងការទាត់បញ្ចូលទីទេ។

គ្រាប់បាល់ទាំងបី របស់ក្រុមបាសា រកបានដោយកីឡាករ ល្វី ស្វារ៉េស (Luis Suarez) នៅនាទីទី២៦ និងកីឡាករ លីយ៉ូនែល ម៉េស៊ី (Lionel Messi) នៅនាទីទី៧៥  និងនាទីទី៨២។

យ៉ាងណា លទ្ធផលចុងក្រោយ គឺសម្រេចនៅក្រោយលទ្ធផល នៃការប្រកួត «ទៅ» ដែលនឹងប្រព្រឹត្តិទៅ នៅសប្ដាហ៍ខាងមុខ។ តែការប្រកួត «ទៅ» លើកក្រោយនេះ ក្រុមបាសា ត្រូវចេញទៅទាត់ នៅផ្ទះរបស់ក្រុមលីវើភូល (កីឡដ្ឋាន Anfield) ហើយក្រុមហង្សក្រហម ច្បាស់ជាសង្ឃឹមយ៉ាងច្រើន លើបរិយាកាស​នៅលើទឹកដីរបស់ខ្លួន ដើម្បីដណ្ដើមជ័យជំនះ ពីក្រុមអ្នកមានបុណ្យវិញ៕

» សង្ខេបការប្រកួត៖



You may also like

ក្រុមជូវេនទូស អបអរជ័យជំនះខ្លួន បន្ទាប់ពីយកឈ្នះក្រុមអាត្លេទីកូម៉ាឌ្រីត។ (រូបថត UEFA)
កីឡា និងបច្ចេកវិទ្យា

បីគ្រាប់​របស់ រ៉ូណាល់ដូ ជួយ​ក្រុម​សេះបង្កង់ឲ្យ​បំបាក់​ក្រុម​អាត្លេទីកូ

កំពូលខ្សែប្រយុទ្ធរបស់ក្រុម ជូវេនទូស (Juventus – អ៊ីតាលី) កីឡាករ គ្រីស្យាណូ រ៉ូណាល់ដូ (Cristiano Ronaldo) បានព្រមានជាមុនរួចហើយ នៅមុនជំនួបជាមួយក្រុម អាត្លេទីកូ ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...
កីឡា និងបច្ចេកវិទ្យា

អាហ្សាក់​អាមស្ទែដាម បន្ត​យកប្រៀប​ឡើងទៅ​ផ្ដាច់ព្រ័ត្រ

ក្រុមបាល់ទាត់ អាហ្សាក់​អាមស្ទែដាម (Ajax Amsterdam) របស់រាជាណាចក្រ ហូឡង់ កំពុងបន្តក្ដីសុបិន្តរបស់ខ្លួន ក្នុងការដណ្ដើមពាន់ជើងឯកអ៊ឺរ៉ុប បន្ទាប់ពីបានយកឈ្នះ ១-០ នៅក្នុងផ្ទះរបស់ក្រុម ថូថេនហាម (Tottenham ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...