កីឡា និងបច្ចេកវិទ្យាបាល់ទាត់

លីយ៉ូនែល ម៉េស៊ី ឈ្នះ​«បាល់មាស»​ជាលើក​ទី៦

កីឡាករ លីយ៉ូនែល ម៉េស៊ី ជាមួយបាល់មាសទាំង៦របស់ខ្លួន។ (រូបថតលើទ្វីសធើរ)
កីឡាករ លីយ៉ូនែល ម៉េស៊ី ជាមួយបាល់មាសទាំង៦របស់ខ្លួន។ (រូបថតលើទ្វីសធើរ)

បន្ទាប់ពីបានឈ្នះ ពាន់រង្វាន់«បាល់មាស»​ ប្រចាំឆ្នាំ២០០៩, ២០១០, ២០១១, ២០១២, និងឆ្នាំ២០១៥រួច កីឡាករ លីយ៉ូនែល ម៉េស៊ី (Lionel Messi) បានឈ្នះពានរង្វាន់នេះ ជាថ្មីទៀត ក្នុងយប់ថ្ងៃចន្ទទី២ ខែធ្នូ ឆ្នាំ២០១៩នេះ។

កីឡាករ គ្រីស្ទាណូ រ៉ូណាល់ដូ (Cristiano Ronaldo) ដែលជាគូប្រជែង និងធ្លាប់ឈ្នះពាននេះ បាន៥ដងកន្លងមក ទទួលបានចំណាត់ថ្នាក់ ក្នុងឆ្នាំនេះ នៅត្រឹមលេខ៣ និងមិនមានវត្តមាន ក្នុងពិធីប្រគល់ពាន ដែលប្រព្រឹត្តិទៅ ក្នុងរោងមហោស្រពមួយ កណ្ដាលរដ្ឋធានីប៉ារីស (បារាំង) នេះផងទេ។

ដោយឡែក ចំណាត់ថ្នាក់លេខ ២ សម្រាប់ឆ្នាំ២០១៩ បានធ្លាក់ទៅលើខ្សែការពារ របស់ក្រុមហង្សក្រហមអង់គ្លេស លីវើភូល (Liverpool) កីឡាករ វៀជីល វាន់ឌីក (Virgil Van Dijk)។

មនុស្សទី១ ដែលឈ្នះ«បាល់មាស»ចំនួន៦ ក្នុងពេល ១០ឆ្នាំ

យ៉ាងណា ការផ្ដល់«បាល់មាស» ជូនកីឡាករ ម៉េស៊ី អាយុ ៣២ឆ្នាំ ត្រូវបានគេចាត់ទុកថា មានភាពស័ក្ដិសមបំផុត បើទោះជាកំពូលកីឡាកររូបនេះ និងក្រុម បាសឺឡូន ដែលកីឡាករនៅជាមួយ មិនបានឈ្នះ លើកពានជើងឯកអ៊ឺរ៉ុប «Champions League» សម្រាប់រដូវកាល ២០១៨-២០១៩ ដូចក្រុម លីវើភូល ក៏ដោយ។ 

ផ្ទុយទៅវិញ នៅក្នុងការប្រកួតចុងក្រោយជាច្រើន កីឡាករ លីយ៉ូនែល ម៉េស៊ី បានបង្ហាញថ្វីជើងរបស់ខ្លួន ដើម្បីរកគ្រាប់បាល់ និងនាំជ័យជំនះ មកឲ្យក្រុមបាសឺឡូន ប្រកបដោយប្រសិទ្ធិភាព។

Messi and his six Ballon d’Or

Can you believe this?! Six #ballondor for Lionel Messi 👀 How much more to come?

Posted by France Football on Monday, December 2, 2019


គួរជម្រាបដែរថា ពានរង្វាន់ខាងលើ ជាកម្មសិទ្ធិនិងជាការរៀបចំ របស់ទស្សនាវដ្ដីបារាំងដ៏ធំមួយ ឈ្មោះ «France Football»។ អ្នកសារព័ត៌មានជំនាញខាងកីឡា ចំនួន១៧៦នាក់ មកពីប្រទេសចំនួន១៧៦ ក្នុងពិភពលោក (ប្រទេសមួយ តំណាងដោយអ្នកសារព័ត៌មានម្នាក់) គឺជាសមាជិកគណៈកម្មការកាត់សេចក្ដី សម្រាប់ផ្ដល់ពិន្ទុ និងវាយតម្លៃ ទៅលើកីឡាករបាល់ទាត់ល្បីៗ ជាច្រើនសិបនាក់ ដែលកំពុងទាត់ឲ្យក្រុមធំៗ ជាច្រើន នៅជុំវិញផែនដី។

ខាងក្រោមនេះ ជាចំណាត់ថ្នាក់ទាំង១០ នៃកីឡាករបាល់ទាត់ ផ្នែកបុរស សម្រាប់ឆ្នាំ២០១៩ (ប្រទេសដើមកំណើត/ ក្រុមកំពុងនៅជាមួយ) ៖ 

១) Lionel Messi (Argentine/Barcelone)
២) Virgil van Dijk (Pays-Bas/Liverpool)
៣) Cristiano Ronaldo (Portugal/Juventus)
៤) Sadio Mané (Sénégal/Liverpool)
៥) Mohamed Salah (Egypte/Liverpool)
៦) Killian Mbappé (France/Paris)
៧) Alisson Becker (Brésil/Liverpool)
៨)​ Robert Lewandowski (Pologne/Bayern Munich)
៩) Bernardo Silva (Portugal/Manchester City)
១០) Riyad Mahrez (Algérie/Manchester City)



You may also like

កីឡា និងបច្ចេកវិទ្យា

រ៉ូណាល់ដូ ប្រកាសសង្គ្រាមប្រឆាំង កូកាកូឡា !

កាយវិការរបស់ម្ចាស់បាល់មាស ៥ជំនាន់ កីឡាករ គ្រីស្យាណូ រ៉ូណាល់ដូ (Cristiano Ronaldo) អាចបង្ក​ការក្ដៅ​ក្រហាយ ដល់ក្រុមហ៊ុនភេសជ្ជៈយក្សរបស់អាមេរិក កូកាកូឡា (Coca Cola)។ ក្នុងថ្ងៃចន្ទទី១៤ ...
កីឡាករ គ្រីស្យាណូ រ៉ូណាល់ដូ ក្នុងការប្រកួតរវាងក្រុម ជូវេនទូស និងក្រុម ព័រតូ ក្របខណ្ឌដណ្ដើមជើងឯកអ៊ឺរ៉ុប។ (រូបថត UEFA)
កីឡា និងបច្ចេកវិទ្យា

Champions League៖ រ៉ូណាល់ដូ-ក្រុម​សេះបង្កង់ ហាលអាវត្រឹម១/៨

ក្រុម​សេះបង្កង់ នៃប្រទេសអ៊ីតាលី ដែលមានខ្សែប្រយុទ្ធដ៏ល្បី កីឡាករ គ្រីស្ទាណូ រ៉ូណាល់ដូ (Cristiano Ronaldo) ត្រូវបាន​ជម្រុះចេញ​ជាស្ថាពរ ពីការប្រកួតក្របខណ្ឌ​​«Champions League» បើទោះជាបានប្រកួតឈ្នះ លើក្រុម​នាគខៀវ ...
កីឡា និងបច្ចេកវិទ្យា

ម៉េស៊ី បានសម្រេចចាកចេញ ពីក្រុម​អ្នកមានបុណ្យ

ជាដំណឹងដែលធ្លាក់ចុះមក ដូចផ្ទុះភ្នំភ្លើង ក្នុងពិភពបាល់ទាត់។ កំពូលខ្សែប្រយុទ្ធ កីឡាករ លីយ៉ូនែល ម៉េស៊ី (Lionel Messi) បានសម្រេចចាកចេញ ពីក្រុម​អ្នកមានបុណ្យ (FC Barcelone ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...