បណ្ដាកីឡាករនៃក្រុម ប៉ារីស (Paris Saint Germain) សុទ្ធតែទទួលដំណឹង អំពីការចុះកិច្ចសន្យាដ៏អស្ចារ្យ ដែល​ច្បាស់ជា​នឹងត្រូវធ្វើឡើង រវាងក្រុមយក្សបារាំងមួយនេះ ជាមួយកំពូលខ្សែប្រយុទ្ធ កីឡាករ លីយ៉ូនែល ម៉េស៊ី (Lionel Messi)។ នេះ បើតាមសារព័ត៌មាន និងប្រព័ន្ធផ្សព្វផ្សាយនានា នៅក្នុងប្រទេសបារាំង ដែលចេញផ្សាយ​ក្នុងយប់​ថ្ងៃសៅរ៍នេះ។

ដូចទស្សនាវដ្ដីមនោរម្យ.អាំងហ្វូ បានជម្រាបជូនរួចហើយ អំពីការអះអាងបន្តបន្ទាប់គ្នា នៃបណ្ដាសារព័ត៌មាន​ក្នុង​ប្រទេសអេស្ប៉ាញ ដែលបញ្ជាក់ថា កំពូលម្ចាស់បាល់មាស់៦ជំនាន់ ជាតិអាហ្សង់ទីន បានព្រមព្រៀងលេងឲ្យក្រុម ប៉ារីស បន្ទាប់ពី​កីឡាករបានចាកចេញ ពីក្រុមបាសឺឡូន ជាផ្លូវការ​កាលពីថ្ងៃព្រហស្បត្តិ៍។

ប៉ុន្តែនៅខណៈនេះ ដល់វេនសារព័ត៌មានជាច្រើន នៅក្នុងប្រទេសបារាំងម្ដង ដូចយ៉ាងសារព័ត៌មាន«Le Parisien» វិទ្យុ«RMC Sport» និងសារព័ត៌មាន«L’Equipe»ជាដើម សុទ្ធតែបញ្ជាក់ថា គឺក្រុម«PSG»ខ្លួនឯង ជាអ្នកជូន​ដំណឹង​ផ្ទៃក្នុង ទៅកាន់បណ្ដា​កីឡាកររបស់ខ្លួន អំពីដំណើរមកដល់ នៃអតីតកំពូលខ្សែប្រយុទ្ធ​​របស់ក្រុម​អ្នកមានបុណ្យ។

យ៉ាងណា កិច្ចសន្យារវាងក្រុម និងកីឡាករ ម៉េស៊ី នៅមិនទាន់ចុះហត្ថលេខា ​ជាផ្លូវការនៅឡើយទេ។

សេចក្ដីរាយការណ៍​បានបញ្ជាក់ទៀតថា ភាគីទាំងសងខាង បានព្រមព្រៀងគ្នាជាគោលការណ៍ធំៗ​រួចហើយ៖ កីឡាករ ម៉េស៊ី នឹងទាត់ឲ្យក្រុម ប៉ារីស សម្រាប់ពីររដូវកាល (អាចបន្តបានមួយរដូវការបន្ថែម) ហើយទទួលប្រាក់បៀវត្សរ៍ រវាង​ពី៣៥ ទៅ៤០លានអ៊ឺរ៉ូ ក្នុងមួយរដូវកាល។

សារព័ត៌មាន«L’Equipe» បានរៀបរាប់បន្ថែម ក្នុងអត្ថបទមួយរបស់ខ្លួន ដែលចេញផ្សាយ ក្នុងវេលាយប់​ថ្ងៃសៅរ៍ថា កិច្ចសន្យារវាងភាគីទាំងពីរ អាចនឹងត្រូវធ្វើ នៅល្ងាចថ្ងៃអាទិត្យទី៨ ខែសីហាស្អែក ហើយការបង្ហាញខ្លួន​របស់កីឡាករ ម៉េស៊ី នៅក្នុងក្រុម ប៉ារីស អាចនឹងត្រូវធ្វើជាផ្លូវការ នៅពាក់​កណ្ដាល​សប្ដាហ៍ក្រោយ។

ប្រព័ន្ធផ្សព្វផ្សាយ​បានបញ្ជាក់ទៀតថា មកដល់ម៉ោងនេះ លោក«Jorge Messi» ដែលជាឪពុក​និងជាភ្នាក់ងារ​តំណាង របស់កីឡាករ ម៉េស៊ី នៅមិនទាន់ឡើងយន្ដហោះ​ធ្វើដំណើរឆ្ពោះទៅកាន់រដ្ឋធានី ប៉ារីស នៅឡើយ ដោយ​ហេតុថា លោកត្រូវមានវត្តមានជាមួយកូនលោក ដែលនឹងត្រូវធ្វើ​សន្និសីទសារព័ត៌មាន នៅវេលាថ្ងៃត្រង់ (ម៉ោង១២) ថ្ងៃអាទិត្យនេះ ដើម្បីបកស្រាយ​អំពីការចាកចេញរបស់ខ្លួន ពីក្រុមបាសឺឡូន (ឬនិយាយភាសាសមញ្ញ ដើម្បីលាក្រុម​អ្នកមាន​បុណ្យ)៕



លំអិតបន្ថែមទៀត

កីឡាករ គ្រីស្យាណូ រ៉ូណាល់ដូ ក្នុងការប្រកួតរវាងក្រុម ជូវេនទូស និងក្រុម ព័រតូ ក្របខណ្ឌដណ្ដើមជើងឯកអ៊ឺរ៉ុប។ (រូបថត UEFA)
កីឡា និងបច្ចេកវិទ្យា

រ៉ូណាល់ដូ ចេញពី​ក្រុម​សេះបង្កង់ វិលទៅ​ក្រុមបិសាច​ក្រហមវិញ

ម្ចាស់បាល់មាស៥ជំនាន់ កីឡាករ គ្រីស្យាណូ រ៉ូណាល់ដូ (Cristiano Ronaldo) បានសម្រេច វិលទៅ​ក្រុមបិសាច​ក្រហមវិញ ក្រោយពីចាកចេញ ពីក្រុមនេះតាំងពី១២ឆ្នាំកន្លងមក។ នេះ បើតាមសេចក្ដីប្រកាសព័ត៌មាន របស់ក្រុម​បាល់ទាត់យក្សមួយនេះ ...
កីឡា និងបច្ចេកវិទ្យា

ជាមួយក្រុមប៉ារីស ណីម៉ា «សប្បាយចិត្ត​ជាងពេលណា​ទាំងអស់»

ណីម៉ា (Neymar Jr) សប្បាយចិត្ត​ជាងពេលណា​ទាំងអស់ ដែលបានលេង នៅជាមួយក្រុមប៉ារីស (Paris Saint-Germain – បារាំង)។ នេះ ជាការអះអាងឡើង របស់កំពូលកីឡាជាតិប្រេស៊ីល ...
កីឡា និងបច្ចេកវិទ្យា

អ្នកចាំទីក្រុម រៀល ចុះហត្ថលេខា​៤ឆ្នាំ លេង​ឲ្យ​ក្រុម ប៉ារីស

ក្នុងល្ងាចថ្ងៃចន្ទនេះ «អតីត»អ្នកចាំទីរបស់ក្រុម រៀល (Real Madrid) និងធ្លាប់លើកពានអ៊ឺរ៉ុបបីជំនាន់ កីឡាករ កីល័រ ណាវ៉ាស់ (Keylor Navas) បានចុះហត្ថលេខា លេង​ឲ្យ​ក្រុម ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...