កីឡា និងបច្ចេកវិទ្យាបាល់ទាត់

Champions League៖ ម៉េស៊ី នាំ បាសា ទៅជួប បាយឺន នៅវគ្គ១/៤

ថ្វីជើងរបស់កំពូលកីឡាក លីយ៉ូនែល ម៉េស៊ី (Lionel Messi) ពិតជាពិសេស! ក្នុងយប់ថ្ងៃសៅរ៍នេះ កីឡាករ​ជាតិ​អាហ្សង់ទីនរូបនេះ បាននាំក្រុម បាសឺឡូន (FC Barcelone – អេស្ប៉ាញ) ឆ្លងវគ្គ១/៨ ក្របខណ្ឌ «Champions League» ដោយ​បំបាក់ក្រុម ណាប៉ូលី (Napoli – អ៊ីតាលី) បានយ៉ាងងាយ ក្នុងគ្រាប់បាល់ ៣-១។

គ្រាប់បាល់ដែលរកបាន ក្នុងការប្រកួត​រវាងក្រុម បាសឺឡូន និងក្រុម ណាប៉ូលី៖

  • នៅនាទីទី១០ ដោយខ្សែការពារ របស់ក្រុមបាសឺឡូន កីឡាករ ក្លេម៉ង់ ឡង់គ្លេស (Clément Lenglet)
  • នៅនាទីទី២៣ ដោយខ្សែប្រយុទ្ធ របស់ក្រុមបាសឺឡូន កីឡាករ លីយ៉ូនែល ម៉េស៊ី
  • នៅនាទីទី៤៥+១ ដោយខ្សែប្រយុទ្ធ របស់ក្រុមបាសឺឡូន កិឡាករ ល្វីស ស្វារេស (Luis Suárez)
  • នៅនាទីទី៤៥+៥ ដោយខ្សែប្រយុទ្ធ របស់ក្រុមណាប៉ូលី កីឡាករ ឡូរ៉ង់ហ្សូ អាំងស៊ីញ៉េ (Lorenzo Insigne)

នៅក្នុងការប្រកួតមួយទៀត ក្នុងពេលជាមួយគ្នា ក្នុងក្រុង ម៉ូនិឆ (Munich) ភាគខាងត្បូង នៃប្រទេសអាល្លឺម៉ង់ ក្រុមបាល់ទាត់យក្ស បាយឺនម៉ូនិឆ (Bayern Munich) ក៏បានបង្ហាញថ្វីជើង បំបាក់ក្រុម ឆែលស៊ី (Chelsea – អង់គ្លេស) ក្នុងគ្រាប់បាល់ ៤-១ ដែរ។

គ្រាប់បាល់ដែលរកបាន ក្នុងការប្រកួត​រវាងក្រុម បាយឺន និងក្រុម ឆែលស៊ី៖

  • នៅនាទីទី១០ ដោយខ្សែប្រយុទ្ធ របស់ក្រុមបាយឺន កីឡាករ រ៉ូប៊ែរ ឡេវេនដូស្គី (Robert Lewandowski)
  • នៅនាទីទី២៤ ដោយខ្សែប្រយុទ្ធ របស់ក្រុមបាយឺន កីឡាករ អ៊ីវ៉ាន ពែរីស៊ិច (Ivan Perišić)
  • នៅនាទីទី៤៤ ដោយខ្សែប្រយុទ្ធ របស់ក្រុមឆែលស៊ី កីឡាករ ថាមី អាប្រាហាម (Tammy Abraham)
  • នៅនាទីទី២៤ ដោយខ្សែបម្រើ របស់ក្រុមបាយឺន កីឡាករ កូរ៉ង់តាំង តូលីសូ (Corentin Tolisso)
  • នៅនាទីទី៨៤ ដោយខ្សែប្រយុទ្ធ របស់ក្រុមបាយឺន កីឡាករ រ៉ូប៊ែរ ឡេវេនដូស្គី (Robert Lewandowski)

ក្រុម បាសឺឡូន និងក្រុម បាយឺន ដែលបានទទួលបានជ័យជំនះ ក្នុងយប់ថ្ងៃសៅរ៍នេះ នឹងត្រូវឡើងទៅជួបគ្នា ក្នុងវគ្គ១/៤ នៅក្នុងយប់​ថ្ងៃសុក្រ ទី១៤ ខែសីហា ខាងមុខ។

គួររំឮកជូនថា សម្រាប់រដូវកាល២០១៩-២០២០នេះ រាល់ការប្រកួតចាប់ពីវគ្គ១/៤ រហូតដល់​ការប្រកួតផ្ដាច់ព្រ័ត្រ នឹងត្រូវធ្វើក្នុង​រដ្ឋធានី លីស្បន (Lisbonne) ប្រទេសព័រទុយហ្គាល់​តែមួយ ក្រោមហេតុផលជំងឺរាតត្បាត «Covid-19»។ រីឯការប្រកួតវិញ ធ្វើឡើងតែមួយជុំ​ប៉ុណ្ណោះ បានសេចក្ដីថា ប្រកួតមួយដង អ្នកចាញ់​ត្រូវចប់ – អ្នកឈ្នះបានឡើង ដែលខុស​គ្នា​ពីរាល់ដង់ ដែលការប្រកួត មានពីរជុំ (ប្រកួតទៅ និងប្រកួតត្រឡប់)៕



You may also like

កីឡា និងបច្ចេកវិទ្យា

«ហង្សក្រហម»​បំបាក់​ជើងឯក​អាល្លឺម៉ង់ ដើម្បី​ឆ្លងវគ្គ​យ៉ាងអង់អាច

បើទោះជាក្នុងរដូវកាលនេះ ក្រុមលីវើភូល (Liverpool FC) ហៅ«ហង្សក្រហម» បានប្រកួតចាញ់បីលើក នៅក្នុងការប្រកួតវគ្គជម្រុះនោះក្ដី តែក្នុងការប្រកួត«ត្រឡប់»យប់នេះ ទល់នឹងក្រុម បាយ៉ឺនអាល្លឺម៉ង់ (Bayern Munich) ក្រុម«ហង្សក្រហម»បានទប់ទល់ ...
កីឡា និងបច្ចេកវិទ្យា

ហង្សក្រហម​ឈ្នះ​ពាន​«ត្រចៀកធំ»​ឆ្នាំ២០១៩ បន្ទាប់ពី​រង់ចាំ​«១៤ឆ្នាំ»

ក្រុមហង្សក្រហម បានរង់ចាំអស់«១៤ឆ្នាំ»ហើយ ពោលរាប់ចាប់ពីបានឈ្នះលើកមុន ក្នុងឆ្នាំ២០០៤! ក្រុមលីវើភូល (Liverpool FC – អង់គ្លេស) បានព្យាយាមយកជ័យជំនះ ពីឆ្នាំទៅម៉ិញដែរ តែក្នុងវគ្គផ្ដាច់ព្រ័ត្រពេលនោះ ក្រុមហង្សក្រហមបានចាញ់ក្រោមថ្វីជើង ...
កីឡា និងបច្ចេកវិទ្យា

«សំដីរើសអើង»របស់អាជ្ញាកណ្ដាល​ទី៤​ផ្អាកការប្រកួតរវាង ប៉ារីស-​អ៊ីស្តាំប៊ូល

អាជ្ញាកណ្ដាលទី៤ រងការចោទប្រកាន់ថា បានប្រើ«សំដីរើសអើង»ពណ៌សម្បុរ ទៅលើ​ជំនួយការ​គ្រូបង្វឹក របស់ក្រុម អ៊ីស្ដាំប៊ូល (Istanbul Basaksehir – ទួរគី) ដែលធ្វើឲ្យ​ការប្រកួតរវាងក្រុមនេះ ទល់នឹងក្រុម ប៉ារីស ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...