ក្រុម មេនស៊ីធី (Manchester City – អង់គ្លេស) បានប្រកួតឈ្នះក្រុម ប៉ារីស (Paris Saint Germain – បារាំង) ដោយគ្រាប់បាល់ ២-១ ក្នុងយប់ថ្ងៃពុធ ទី២៨ ខែមេសា សម្រាប់ការប្រកួតជុំទី១ វគ្គពាក់កណ្ដាលផ្ដាច់ព្រ័ត្រ ក្របខណ្ឌ«Champions League»ប្រចាំរដូវកាល។

ជ័យជំនះនេះ ផ្ដល់ប្រៀបសម្រាប់ក្រុមបាល់ទាត់ នៃក្រុង មេនឆេស្ទ័រ សម្រាប់ការប្រកួតជុំទី២ ដែលនឹងប្រព្រឹត្តិទៅ នៅថ្ងៃអង្គារសប្ដាហ៍ក្រោយ ព្រោះគ្រាប់បាល់ពីរគ្រាប់ ដែលក្រុមនេះរកបាន នៅខាងក្រៅផ្ទះ។

ការប្រកួតរវាងក្រុមទាំងពីរ ក្នុងយប់ថ្ងៃពុធនេះ មានលក្ខណៈខុសគ្នាទាំងស្រុង រវាងពាក់កណ្ដាលម៉ោងទាំងពីរ។ ពាក់កណ្ដាល​ម៉ោងដំបូង ក្រុមប៉ារីសលេងបានល្អ ​និងរកបានគ្រាប់បាល់មួយគ្រាប់មុន នៅនាទីទី១៥ ដោយខ្សែការពារ និងជាប្រធានក្រុម កីឡាករ«Marquinhos»។

បន្ទាប់មក នៅ​ពាក់កណ្ដាលម៉ោងទី២ ក្រុម មេនស៊ីធី បានបង្កើនសន្ធឹកលេងបាល់ ធ្វើឲ្យក្រុម ប៉ារីស ដកថយ​ទៅការពារ រហូតក្រុម«Sky Blue» រកគ្រាប់បាល់បានពីរគ្រាប់ នៅនាទីទី៦៤​ដោយខ្សែបម្រើម្នាក់ កីឡាករ​«Kevin De Bruyne» និងនៅនាទីទី៧១​ដោយខ្សែបម្រើម្នាក់ទៀត កីឡាករ«Riyad Mahrez»។

មិនត្រឹមតែចាញ់ដោយពិន្ទុទេ តែក្រុមប៉ារីសបានបង់​កីឡាករ​ខ្សែបម្រើ​ម្នាក់ថែមទៀត នៅនាទីទី៧៧។ ខ្សែបម្រើ​របស់​ក្រុមយក្សបារាំង កីឡាករ «Idrissa Gueye» ទទួលបានកាតក្រហមពីអាជ្ញាកណ្ដាល និងត្រូវ​បណ្ដេញចេញ​ពីការប្រកួត បន្ទាប់ពីបានជ្រុសជើង ទៅធាក់ខ្មងជើង​ខ្សែបម្រើ​របស់ក្រុមមេនស៊ីធី កីឡាករ​«Ilkay Gundogan»។

យ៉ាងណា លទ្ធផលនៃការប្រកួតក្នុងថ្ងៃនេះ គ្រាន់តែអាចចាត់ទុកថា ជាការយកប្រៀបមួយ ក្នុងប្រព័ន្ធប្រកួតពីរជុំ របស់ពាន់រង្វាន់អ៊ឺរ៉ុបប្រចាំឆ្នាំ។ ក្រុមទាំងពីរ​នឹងត្រូវជួបគ្នា ដើម្បីយកឈ្នះចាញ់ ក្នុងការប្រកួតជុំទី២ (វគ្គពាក់កណ្ដាល​ផ្ដាច់ព្រ័ត្រដដែល) ដែលនឹង​ប្រព្រឹត្តិទៅ នៅសប្ដាហ៍ខាងមុខ ក្នុងកីឡដ្ឋាន«Etihad Stadium»​របស់ក្រុម​ មេនឆេស្ទ័រស៊ីធី (អង់គ្លេស)។

រីឯការប្រកួត​វគ្គផ្ដាច់ព្រ័ត្រ នឹងត្រូវ​ប្រព្រឹត្តិទៅ នៅក្នុងកីឡដ្ឋាន«Atatürk»​នៃក្រុង អ៊ីស្ដាមប៊ូល (ទួរគី) នៅថ្ងៃសៅរ៍​ទី២៩ ខែឧសភា ឆ្នាំ២០២១​ខាងមុខ៕



លំអិតបន្ថែមទៀត

កីឡា និងបច្ចេកវិទ្យា

Champions League៖ ប៉ារីស ផ្ដល់​មេរៀន​ឲ្យ មេនញ៉ូ​ ដល់ផ្ទះ ២-០

យប់ថ្ងៃទី១២ ខែកុម្ភៈ ឆ្នាំ២០១៩នេះ ទោះបីក្រុម ប៉ារីស (Paris Saint-Germain – បារាំង) មិនមានវត្តមានរបស់ខ្សែប្រយុទ្ធធំៗទាំងពីរ គឺកីឡាករ ណីម៉ា (Neymar) ...
កីឡា និងបច្ចេកវិទ្យា

បាសឺឡូន សង្គ្រោះការប្រកួតខ្លួនដោយយកស្មើ ណាប៉ូលី

CHAMPIONS LEAGUE ៖ រកគ្រាប់បាល់បាន ក្នុងការប្រកួត នៅខាងក្រៅផ្ទះរបស់ខ្លួន ទល់នឹងក្រុម ណាប៉ូលី (SSC Napoli) បានផ្ដល់ទឹកមាត់ឲ្យ ក្រុម បាសឺឡូន ...
កីឡា និងបច្ចេកវិទ្យា

អាហ្សាក់​អាមស្ទែដាម បន្ត​យកប្រៀប​ឡើងទៅ​ផ្ដាច់ព្រ័ត្រ

ក្រុមបាល់ទាត់ អាហ្សាក់​អាមស្ទែដាម (Ajax Amsterdam) របស់រាជាណាចក្រ ហូឡង់ កំពុងបន្តក្ដីសុបិន្តរបស់ខ្លួន ក្នុងការដណ្ដើមពាន់ជើងឯកអ៊ឺរ៉ុប បន្ទាប់ពីបានយកឈ្នះ ១-០ នៅក្នុងផ្ទះរបស់ក្រុម ថូថេនហាម (Tottenham ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

កីឡាករ​ឆ្នើមបំផុត ​ក្នុង​«Euro 2020» ចុះកិច្ចសន្យាលេងឲ្យ​​ក្រុមប៉ារីស

កីឡា និងបច្ចេកវិទ្យា

អ៊ីតាលី លើកពានជើងឯក«អ៊ឺរ៉ុប ឆ្នាំ២០២០» បន្ទាប់ពី​បំបាក់ អង់គ្លេស

ក្រុមជម្រើសជាតិ អ៊ីតាលី បានលើកពានជើងឯក«អ៊ឺរ៉ុប ឆ្នាំ២០២០» បន្ទាប់ពីបានបំបាក់ក្រុម អង់គ្លេស ដោយ​បាល់​កាត់សេចក្ដី ៣-២ ក្នុង​ការប្រកួត​ផ្ដាច់ព្រ័ត្រ​ដ៏តឹងតែង ដែលទទួលបានលទ្ធផលស្មើ ១-១ ទាំងក្នុង​រយៈពេល​៩០នាទី និងទាំងរយៈពេលបន្ថែមម៉ោង១៥+១៥=៣០នាទី។ ...
កីឡា និងបច្ចេកវិទ្យា

Euro Cup 2020៖ អ៊ីតាលីឡើង​«ផ្ដាច់ព្រ័ត្រ»​ក្រោយ​ឈ្នះ​បាល់កាត់សេចក្ដី

ក្រុមជម្រើសជាតិ អ៊ីតាលី បានទទួលសំបុត្ររបស់ខ្លួន ដើម្បីឡើងទៅប្រកួត នៅវគ្គ«ផ្ដាច់ព្រ័ត្រ» បន្ទាប់ពីបាន​យកឈ្នះ លើក្រុម អេស្ប៉ាញ ក្នុងការប្រកួតវគ្គ១/២ ដោយគ្រាប់បាល់កាត់សេចក្ដី ៤-២ ក្នុងយប់ថ្ងៃអង្គារនេះ នាកីឡដ្ឋាន«Wembley» ...