កីឡា និងបច្ចេកវិទ្យាបាល់ទាត់

Covid-19 ៖ ណីម៉ា ធ្វើតេស្ដិ៍​មានផ្ទុក​មេរោគ

Covid-19 ៖ កំពូលខ្សែប្រយុទ្ធពិភពលោក ជាតិប្រេស៊ីល កីឡាករ ណីម៉ា (Neymar Jr) ស្ថិត​ក្នុង​ចំណោម​កីឡាករបីនាក់ របស់ក្រុម ប៉ារីស (Paris Saint-Germain – បារាំង) ដែលបានធ្វើតេស្ដិ៍ ចេញលទ្ធផលវិជ្ជមាន ថាមានផ្ទុកមេរោគដ៏អប្រិយ។

«L’Equipe» ដែលជាសារព័ត៌មានកីឡា​ដ៏ធំ របស់ប្រទេសបារាំង បានបង្ហើប​ពីករណី​រកឃើញ កីឡាករបីនាក់របស់ក្រុម ប៉ារីស ថាមានផ្ទុកមេរោគកូរូណាថ្មី ដែលជាមេរោគ​ជំងឺ​ផ្លូវដង្ហើម បង្កឲ្យ​មនុស្សច្រើនសែននាក់ បានស្លាប់មកទល់នឹងពេលនេះ។ 

កីឡាករទាំងបីនាក់ គឺកីឡាករ អង់ហែល ឌីម៉ារីយ៉ា (Angel Di Maria) អង់ឌ្រេ ប៉ារ៉េដេស (Andre Paredes) និងកីឡាករ ណីម៉ា។

កាលពីថ្ងៃចន្ទដើមសប្ដាហ៍ ក្រុមបាល់ទាត់យក្សបារាំង បានប្រកាសឲ្យដឹងរួចហើយថា ថាខ្លួនបានសង្ស័យ កីឡាករពីរនាក់ ដោយមិនបញ្ចេញឈ្មោះថា ពួកគេអាចផ្ទុកមេរោគខាងលើ ហើយថាបានដាក់កីឡាករទាំងពីរនាក់ ឲ្យនៅដាច់ដាច់ដោយឡែក។

បើតាមសារព័តមានដដែល កីឡាករទាំងពីរនាក់ គឺកីឡាករ ឌីម៉ារីយ៉ា និងកីឡាករ ប៉ារេដេស។

តែនៅថ្ងៃពុធនេះ ក្រុមប៉ារីសបានអះអាងជាផ្លូវការ​ ថាកីឡាករបីនាក់បានឆ្លងមេរោគ។ អ្នកជំងឺទីបី គឺកីឡាករ ណីម៉ា នេះតែម្ដង។ ក្រុមប៉ារីស អះអាងទៀតថា ខ្លួនបាន​ជូន​ដំណឹង​ទៅ «LFP» ដែលជាស្ថាប័នរៀបចំការប្រកួតអាជីព «Ligue 1» នៅក្នុង​ប្រទេស​បារាំង​រួចហើយ។

កីឡាករទាំងបីនាក់ បានចេញទៅលំហែកាយ នៅលើកោះ «Ibiza» របស់ប្រទេសអេស្ប៉ាញ ដែលស្ថិតនៅ​កណ្ដាល​សមុទ្រមេឌីទែរ៉ាណេ នៅបន្ទាប់ពីក្រុមប៉ារីស បានទទួលបរាជ័យ ក្នុង​ការប្រកួត​ផ្ដាច់ព្រ័ត្រ ក្របខណ្ឌ «Champions League» ទល់នឹងក្រុម បាយ៉ឺន (Bayern Munich – អាល្លឺម៉ង់) កាលពីថ្ងៃអាទិត្យទី ២៣ ខែសីហាកន្លងមក៕



You may also like

ដំណឹង

RSF ថា​«Covid-19»ធ្វើឲ្យ​អន្ដរាយ​ដល់​សេរីភាព​សារព័ត៌មាន​ ៣០ប្រទេស

អង្គការអ្នកយកព័ត៌មានគ្មានព្រំដែន (RWB / RSF) បានបរិហារប្រទេសជាច្រើន នៅលើពិភពលោក រួមទាំងកម្ពុជា ថាបានបើកយុទ្ធនាការ នៅក្នុងរយៈពេលនៃការរាតត្បាត ជំងឺ«Covid-19» ដើម្បីតាមយាយី បង្ក្រាបតាមគ្រប់រូបភាព ទៅលើអ្នកសារព័ត៌មាន ...
ដំណឹង

Covid-19៖ ករណីឆ្លង​កើន​ជិត​៣លាន​​នាក់ និង​ស្លាប់​ជាង២សែន​នាក់

មកដល់ម៉ោងនេះ ករណីឆ្លងជំងឺ«Covid-19» បានកើនឡើងជិត៣លាននាក់ និង​ស្លាប់​ជាង២សែន​នាក់ នៅលើពិភពលោក។​ នេះ បើតាមតួលេខ ដែលផ្ដល់ដោយសាកលវិទ្យាល័យ «Johns Hopkins» របស់សហរដ្ឋអាមេរិក ដែលធ្វើការតាមដាន ស្ថានភាពវិវត្តន៍ឡើង ...
កម្ពុជា

Covid-19៖ កម្ពុជា​ហាម​អ្នកដំណើរ​​ពី​បស្ចឹមលោក ៥ប្រទេស ចំនួន​៣០ថ្ងៃ

អ្នកដំណើរពីបស្ចឹមលោក ចំនួន ៥ប្រទេស មានប្រទេសអ៊ីតាលី អាល្លឺម៉ង់ អេស្ប៉ាញ បារាំង និងសហរដ្ឋអាមេរិក ត្រូវបានប្រទេសកម្ពុជា ហាមចូល សម្រាប់រយៈពេល៣០ថ្ងៃ ដើម្បីទប់ស្កាត់ការរាតត្បាត នៃមេរោគ«កូរូណា»ថ្មី។ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...