សម្រាប់លោក សម រង្ស៊ី បានជឿជាក់ថា ការរៃអង្គាសប្រាក់ដោយលោក ហ៊ុន សែន គឺជាការប្រមូលប្រាក់ «ដើម្បីចិញ្ចឹម​អំពើពុករលួយ» ព្រោះការរៃអង្គាស ដែលថា​ដើម្បី​ទិញថ្នាំវ៉ាក់សាំង បង្កាជំងឺកូវីដ-១៩ (Covid-19) នេះ មិនមានតម្លាភាព​ច្បាស់លាស់ ខ្វះភាពចេះដឹង និងបច្ចេកទេស។

លោក សម រង្ស៊ី មេដឹកនាំប្រឆាំង ដែលជាគូបដិបក្ខនយោបាយ ដ៏ស្រួចស្រាវ របស់នាយករដ្ឋមន្ត្រីកម្ពុជានោះ បានប្រើពាក្យធ្ងន់ៗ បង្ហោះនៅលើបណ្ដាញសង្គម ដើម្បីពន្យល់ ពីការលើកឡើងខាងលើរបស់លោក ក្នុងយប់ថ្ងៃសៅរ៍ ទី១២ ខែធ្នូ ឆ្នាំ២០២០ កាលពីប៉ុន្មាននាទីមុន។

តាំងច្រើនថ្ងៃមកហើយ យុទ្ធនាការរៃអង្គាសប្រាក់ បានកើតឡើង​យ៉ាងគគ្រឹកគគ្រេង ក្នុងព្រះរាជណាចក្រ ដើម្បីអ្វីមួយ ដែលប្រព័ន្ធឃោសនាក្នុងស្រុក អះអាងថា ជាការចូលរួម ជាមួយរដ្ឋាភិបាលលោក ហ៊ុន សែន ក្នុងការទិញវ៉ាក់សាំង បង្កាជំងឺកូវីដ-១៩។ ចាប់ពី​មន្ត្រីរាជការ​សាមញ្ញ រហូតដល់ព្រះរាជា សុទ្ធតែ«បរិច្ចាគ»ប្រាក់/​ព្រះរាជទ្រព្យ របស់ផងខ្លួន/​ព្រះអង្គ ដើម្បីចូលរួមក្នុងការរៃអង្គាសនេះ។

តែប្រធានស្ដីទីគណបក្សសង្គ្រោះជាតិ លោក សម រង្ស៊ី បានសរសេរចោទសួរថា៖

«[តើលោក ហ៊ុន សែន]ចង់ទិញវ៉ាក់សាំងណាមួយ ពីប្រទេសណា ក្នុងតម្លៃប៉ុន្មាន (អត់មាន លក់រាយទេ កុម្ម៉ង់​ម្តងៗ រាប់រយលាន ទៅពាន់លានដុល្លារ) តាមលក្ខខណ្ឌយ៉ាងដូចម្តេច យកមកគ្រប់គ្រង និងទុកដាក់យ៉ាងដូចម្តេច (ត្រូវមានប្រព័ន្ធឧបករណ៍ត្រជាក់ ដល់ទៅ -៧០ អង្សារសេ) ហើយមានលទ្ធភាពជាក់ស្តែងក្នុងការទិញនេះ ដល់កម្រិតណា?»

«ពេលនោះ ហ៊ុន សែន ច្បាស់ជាឆ្លើយមិនរួចទេ។»

«ដើម្បីចិញ្ចឹម​អំពើពុករលួយ»

លោក សម រង្ស៊ី រៀបរាប់បន្តថា ប្រទេសកម្ពុជាអាចទទួលបានវ៉ាក់សាំងនេះ ដោយ​មិនគិត​ថ្លៃ តាមរយៈអង្គការសហប្រជាជាតិ (UN) រួមជាមួយ អង្គការ​សុខភាព​ពិភពលោក (WHO) ហើយអង្គការពិភពលោកទាំងពីរនេះ ថែមទាំងធានា ថាវ៉ា់ក់សាំង​ទាំងនោះ ប្រកបដោយគុណភាព ប្រសិទ្ធភាព និងសុវត្ថិភាពថែមទៀត។

ចុះការរៃអង្គាសប្រាស់របស់លោក ហ៊ុន សែន យកទៅណា? អតីតរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៃរដ្ឋាភិបាលកម្ពុជា​អាណត្តិទី១ បានបញ្ជាក់ថា៖

«តាមការពិត ការប្រមូលលុយតាមរបៀប ហ៊ុន សែន គឺគ្រាន់តែចិញ្ចឹម​អំពើពុករលួយ តែប៉ុណ្ណោះ ដើម្បីបម្រើផលប្រយោជន៍​ក្រុមគ្រួសារគាត់ និងបក្ខពួកគាត់។ របប ហ៊ុន សែន សព្វថ្ងៃ មិនគួរ​កាត់ប្រាក់ខែ​មន្ត្រីរាជការ ឬដាក់សម្ពាធឲ្យប្រជាពលរដ្ឋ បរិច្ចាគប្រាក់​ចិញ្ចឹម​​ជីវិត ពីព្រោះថវិកាដែលប្រមូលបាន​​តាមរបៀបនេះ គឺគ្មានអ្វីធានា ថាយកទៅ​ប្រើប្រាស់ ឲ្យមានប្រយោជន៍​​ពិតប្រាកដ​​នោះឡើយ។»

«ផ្ទុយទៅវិញ បើទិញវ៉ាក់សាំង ដោយមិនបានពិនិត្យត្រឹមត្រូវ ហើយចាញ់បោកគេ ឬគ្រាន់តែ​ដើម្បីប្រព្រឹត្ត​អំពើពុករលួយ វាអាចនាំមកនូវគ្រោះថ្នាក់ដល់អាយុជីវិត ចំពោះប្រជាពលរដ្ឋ។»

លោក សម រង្ស៊ី បានបង្ហើយមួយឃ្លាចុងក្រោយ យ៉ាងចាស់ដៃថា៖

«ក្នុងពិភពលោក ពេលនេះ មានតែប្រទេសកម្ពុជាមួយគត់ ដែលមានមេដឹកនាំល្ងង់ខ្លៅ អសមត្ថភាព និងពុករលួយ ដូច ហ៊ុន សែន និងបក្ខពួកគាត់ ដែលដើររៃអង្គាសលុយ ពី​ប្រជាពលរដ្ឋ ដោយអះអាងថា ដើម្បី​​យកទៅទិញ​វ៉ាក់សាំង។ នៅស្រុកគេ ប្រព័ន្ធ​សុខាភិបាល​គេ ដំណើរការត្រឹមត្រូវ ហើយគេ​គ្រប់គ្រង​សុខភាព​ប្រជាពលរដ្ឋគេ ប្រកប​ដោយ​​តម្លាភាព និងប្រសិទ្ធភាព ដោយមិនចាំបាច់​​ទៅសុំទាន​នរណាឡើយ៕»



លំអិតបន្ថែមទៀត

កម្ពុជា

សម រង្ស៊ី និង​មន្ត្រី CNRP នឹង​វិលចូល​កម្ពុជា​វិញ នៅ​ខែ​មេសា​ខាង​មុខ?

អ្វីដែលគ្រោងកើត ច្បាស់ជានឹងកើត! នេះ បើតាមអ្នកស្រី មូរ សុខហួរ អនុប្រធានគណបក្សសង្គ្រោះជាតិ ដែលបង្ហើបពីគម្រោងរបស់អ្នកស្រី និងលោក សម រង្ស៊ី ក្នុងការវិលត្រឡប់ ចូលមកក្នុងប្រទេសកម្ពុជាវិញ ...
កម្ពុជា

ក្រសួងមហាផ្ទៃថា អ្នកជាប់ឃុំម្នាក់​​ត្រូវបាន​រកឃើញ​«វិជ្ជមានកូវីដ-១៩»

ក្រសួងមហាផ្ទៃកម្ពុជា បានអះអាងថា អ្នកជាប់ឃុំម្នាក់ ត្រូវបានធ្វើតេស្ដិ៍ បង្ហាញលទ្ធផល«វិជ្ជមានកូវីដ-១៩» ពីក្នុងចំណោមការធ្វើតេស្ដិ៍ ទៅលើអ្នកជាប់ឃុំ​ជាង១០០នាក់ ដែលបានសង្ស័យថា បានជាប់ពាក់ព័ន្ធនឹងករណីលោក ឆែម សាវុធ អគ្គនាយក​នៃអគ្គនាយកដ្ឋាន​ពន្ធនាគារ ដែលត្រូវបានរកឃើញ«​វិជ្ជមានកូវីដ-១៩» ...
កីឡា និងបច្ចេកវិទ្យា

កីឡាករ​ក្រុម​ប៉ារីស​នឹង​​ធ្វើ​យុទ្ធនាការ​​ប្រឆាំង​«Covid-19» ​ជាមួយ​«WHO»

កីឡាករល្បីៗនៃក្រុមប៉ារីស (Paris Saint-Germain – បារាំង) នឹងចូលរួមធ្វើយុទ្ធនាការ ជាមួយអង្គការសុខភាពពិភពលោក «WHO» ដើម្បីប្រយុទ្ធប្រឆាំងនឹងមេរោគ «Covid-19» ដែលកំពុងរាតត្បាតពិភពលោក។ នេះ បើតាមការបង្ហោះសារ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...