កីឡា និងបច្ចេកវិទ្យាបាល់ទាត់

មេធាវី​ទីបី​របស់​ស្ត្រី​ម្ចាស់បណ្ដឹង​ប្រឆាំង ណីម៉ា ប្រកាស​«ដកខ្លួន»

លោក «Danilo Garcia de Andrade» មេធាវីថ្មី របស់ស្ត្រីម្ចាស់បណ្ដឹង ប្រឆាំងកីឡាករ ណីម៉ា (Neymar) បានប្រកាស«ដកខ្លួន» ឈប់ការពារកូនក្ដីខ្លួន តទៅទៀត នៅយប់ថ្ងៃចន្ទម្សិលម៉ិញនេះ។

កាលពីប៉ុន្មានថ្ងៃមុន លោកមេធាវីរូបនេះ បានទាមទារទៅកូនក្ដីរបស់លោក ដែលគេស្គាល់ឈ្មោះ «Najila Trindade» ឲ្យប្រគល់មកឲ្យលោក នូវភស្ដុតាងបន្ថែមទៀត ជាពិសេស កំព្យូទ័ពបន្ទះរបស់នាង ដែលនាងអះអាងថា មានវីដេអូរយៈពេល៧នាទី បញ្ជាក់ពីទំនាក់ទំនងរវាងរូបនាង និងកីឡាករ ណីម៉ា កាលពីអំឡុងពាក់កណ្ដាលខែឧសភា ក្នុងសណ្ឋាគារមួយនៃរដ្ឋធានីប៉ារីស ប្រទេសបារាំង។

តែមិនត្រឹមតែមិនផ្ដល់ភស្ដុតាងបន្ថែមទេ ផ្ទុយទៅវិញ ស្ត្រីម្ចាស់បណ្ដឹង ដែលអះអាងថាខ្លួន រងការរំលោភសេពសន្ធវៈ ពីកីឡាករ ណីម៉ា ថែមទាំងចោទមេធាវីខ្លួន ថាលួចកំព្យូទ័របន្ទះរបស់នាងទៀត។ កំព្យូទ័របន្ទះនោះ ត្រូវបានរូបនាងប្រកាសថា ត្រូវបានចោរលួច តាំងពីច្រើនថ្ងៃមកហើយ។

លោកមេធាវី «Danilo Garcia de Andrade» បានថ្លែងប្រាប់សារព័ត៌មានក្នុងស្រុក ថា៖

«នាងចោទខ្ញុំ ដោយអះអាងថា កំព្យូទ័របន្ទះរបស់នាង បានផ្ដល់សញ្ញាកំពុងស្ថិត នៅក្នុងការិយាល័យរបស់ខ្ញុំ។ កូនក្ដីរបស់ខ្ញុំម្នាក់នេះ មានឥរិយាបទផ្ទុយគ្នាទាំងស្រុង ពីសីលធម៌ ពីការប្រព្រឹត្តិត្រឹមត្រូវ និងការពិត… ខ្ញុំចង់បានកំព្យូទ័របន្ទះនោះ ព្រោះខ្ញុំនឹងអាចប្រគល់វា ទៅឲ្យនគរបាល់ ដើម្បីពង្រឹងបន្ទុក (ដាក់លើ ណីម៉ា) និងបញ្ជាក់ពីភាពរងគ្រោះ របស់នាងបន្ថែមទៀត។»

មេធាវីបន្តទៀតថា៖

«តែខ្ញុំត្រូវប្រកាសដកខ្លួន ព្រោះទំនាក់ទំនងរវាងមេធាវី និងកូនក្ដីរបស់ខ្លួន ត្រូវឈរលើការទុកចិត្ត។ ហើយក្នុងលក្ខខណ្ឌនេះ ខ្ញុំអស់មានសេចក្ដីទុកចិត្ត ទៀតហើយ។»

នេះ ជាមេធាវីទី៣ហើយ ដែលបានបោះបង់នាង «Najila Trindade» និង«ដកខ្លួន» ឈប់ការពារក្ដីឲ្យនាង ក្នុងសំណុំរៀងចោទកីឡាករ ណីម៉ា ពីបទរំលោភសេពសន្ធវៈ។ ទូរទស្សន៍ «Globo» ក្នុងស្រុកបានអះអាងថា មេធាវីមុនរបស់ស្ត្រីរូបនេះ បានដកខ្លួនចេញពីសំណុំរឿង ដោយហេតុថា កូនក្ដីរបស់ពួកគេ បានផ្ដល់សក្ខីកម្ម ដោយខុសទំនងជាច្រើន។

តាំងពីសំណុំរឿង បានផ្ទុះឡើង កីឡាករ ណីម៉ា បានចេញមកអះអាង ពីភាពគ្មានទោសពៃរបស់ខ្លួន ជាពិសេសនៅក្នុងសារមួយ ដែលកីឡាករបានបង្ហោះ នៅលើទំព័រអិនស្ដាហ្គ្រាម បង្ហាញពីការជជែករវាងខ្លួន និងស្ត្រីម្ចាស់បណ្ដឹង ពិសេសរូបថតបង្ហាញសាច់ជាច្រើនសន្លឹក របស់នាង។

បើតាមការស្ទង់មតិមួយ កាលពីប៉ុន្មានថ្ងៃមុន បានឲ្យដឹងថា បណ្ដាជនប្រេស៊ីល ៦៣% ជឿថា កីឡាករ ណីម៉ា គ្មានទោសពៃអ្វីទេ។ កាលពីចុងសប្ដាហ៍មុន កីឡាករថែមទាំងទទួលបានការគាំទ្រ ពីលោក «Jair Bolsonaro» ប្រធានាធិបតីនៃប្រទេសប្រេស៊ីល នោះទៀត​ផង៕



លំអិតបន្ថែមទៀត

កីឡា និងបច្ចេកវិទ្យា

ណីម៉ា រង​បណ្ដឹង​ពី​«បទរំលោភ»​យុវតី​​ម្នាក់ ក្នុង​សណ្ឋាគារ​កណ្ដាល​​ប៉ារីស

ណីម៉ា (Neymar Jr) កំពូលខ្សែប្រយុទ្ធ និងជាតារាបាល់ទាត់ របស់ក្រុមប៉ារីសសាំងហ្សែរម៉ាំង (Paris Saint-Germain) បានរងបណ្ដឹងមួយ ពី«បទរំលោភ»សេពសន្ធវៈ។ បណ្ដឹងនេះ ត្រូវបានដាក់ឡើងទៅប្រព័ន្ធយុត្តិធម៌ នៃក្រុង ...
កីឡា និងបច្ចេកវិទ្យា

ណីម៉ា ចំអកឲ្យព័ត៌មាន ដែលថា​ខ្លួនជប់លៀង​សម្រាប់ភ្ញៀវ​៥០០នាក់

កំពូលតារាបាល់ទាត់ជាតិប្រេស៊ីល របស់ក្រុម ប៉ារីស (Paris Saint-Garmain – បារាំង) កីឡាករ ណីម៉ា (Neymar Jr) បានចំអក​ឲ្យព័ត៌មានចចាមអារាម ដែលថា​ខ្លួនជប់លៀង​សម្រាប់ភ្ញៀវ​៥០០នាក់ ...
កីឡា និងបច្ចេកវិទ្យា

Covid-19 ៖ ណីម៉ា ធ្វើតេស្ដិ៍​មានផ្ទុក​មេរោគ

Covid-19 ៖ កំពូលខ្សែប្រយុទ្ធពិភពលោក ជាតិប្រេស៊ីល កីឡាករ ណីម៉ា (Neymar Jr) ស្ថិត​ក្នុង​ចំណោម​កីឡាករបីនាក់ របស់ក្រុម ប៉ារីស (Paris Saint-Germain ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...