កំសាន្ដវីដេអូ ពីនេះពីនោះ

ស្ត្រីម្នាក់​«ស្រាត» នៅខាងមុខ​រនាំង​នគរបាល ក្នុងក្រុង​ព័រឡេន (អាមេរិក)

នៅខណៈវិបត្តិកំពុងបន្តផ្ទុះ នៅតាមក្រុងធំៗ នៃសហរដ្ឋអាមេរិក ស្ត្រីម្នាក់បានចូលរួម​ការតវ៉ា ជាមួយនឹងបណ្ដាបាតុករដែរ ដោយបង្ហាញ​ការជំទាស់របស់ខ្លួន តាមរបៀបដ៏​ពិសេស​មួយ គឺ«ស្រាត» នៅខាងមុខ​រនាំង​នគរបាល ក្នុងក្រុងព័រឡេន (Portland) ភាគខាងលិចសហរដ្ឋអាមេរិក

ហេតុការណ៍បានកើតឡើង កាលពីថ្ងៃសុក្រទី១៧ ខែកក្កដា ឆ្នាំ២០២០ កណ្ដាលក្រុង​ព័រឡេន និងក្នុង​ចំណោមបាតុករ​ច្រើនសិបនាក់ ដែលកំពុងគេចខ្លួន ចេញពីគ្រាប់បែក​ឧស្ម័នបង្ហូទឹកភ្នែក ដែលបាញ់ចេញដោយ​កងកម្លាំង​នគរបាល។

ស្ត្រីខាងលើ ដែលពេលនេះ មានឈ្មោះល្បីល្បាញ នៅលើបណ្ដាញសង្គម ត្រូវបានគេដាក់​រហស្សនាម ឲ្យថា៖ «Naked Athena»។ នៅក្នុងរូបភាពវីដេអូ គេឃើញ «Naked Athena» បានដើរចេញមកបង្ហាញខ្លួន ដោយគ្មានបិទបាំងរាងកាយអ្វីសោះ នៅចន្លោះរវាង​ក្រុម​នគរបាល និងក្រុមបាតុករ។

អ្នកកាសែតមួយរូប លោក «Dave Killen» បានថ្លែងឡើង តាមបណ្ដាញព័ត៌មាន​ក្នុងស្រុកថា៖

«គ្រប់គ្នា មានអារម្មណ៍ដូចជាភ្ញាក់ផ្អើល និងហាក់ដូចជាបាត់មាត់ស្ងាត់ឈឹង។ សភាព​របស់​នាង ងាយនឹង​រងគ្រោះ ជាទីបំផុត។ លោកអ្នកអាចគិតមើល ថាតើនាងនឹង​រង​ការចុកចាប់​យ៉ាងណា ប្រសិនជានគរបាលបាញ់គ្រាប់កៅស៊ូ មកលើនាង ដែលគ្មាន​សម្លៀកបំពាក់​សោះយ៉ាងនេះ?»

តែព្រឹត្តិការណ៍ខាងលើ មិនបន្តមានរយៈពេលយូរទេ ព្រោះកងកម្លាំងនគរបាល បានចាកចេញ ពីកន្លែងកើតហេតុ នៅបន្តិចក្រោយមក ហើយស្ត្រី «Naked Athena» ក៏បានចេញពីទីនោះ ដូចគ្នា៕



លំអិតបន្ថែមទៀត

ដំណឹង

បារាំង​ប្រតិកម្ម​តប ដូណាល់ ត្រាំ ជុំវិញ​«បាតុកម្ម​អាវកាក់​លឿង»

មួយថ្ងៃ ក្រោយការលើកឡើង របស់ប្រធានាធិបតីអាមេរិក លោក ដូណាល់ ត្រាំ (Donald Trump) អំពីបាតុកម្មរបស់បណ្ដាជនបារាំង ពាក់អាវកាក់ពណ៌លឿង លោក ហ្សង់-អ៊ីវ ឡឺឌ្រីយ៉ង់ ...
ដំណឹង

ចូ បៃដិន ថ្លែងសារដំបូង៖ «ពលរដ្ឋ​បានបញ្ចេញ​សម្លេង​របស់ពួកគេ»

«ពលរដ្ឋ​បានបញ្ចេញ​សម្លេង​របស់ពួកគេ និងបានផ្ដល់ឲ្យយើង នូវជ័យជំនះ» នេះ ជាការថ្លែងរបស់លោក ចូ បៃដិន (Joe Biden) ប្រធានាធិបតីជាប់ឆ្នោត នៃសហរដ្ឋ​អាមេរិក ដែលជាសារដំបូង ថ្លែងទៅកាន់​អ្នកគាំទ្រ ...
កម្ពុជា

ផៃ ស៊ីផាន ភ្ជាប់សារ​របស់​ស្ថានទូត​អាមេរិក ទៅនឹង​ប្រវត្តិ​«ដកទូត»​ពីកម្ពុជា

នៅមុននេះបន្តិច អ្នកនាំពាក្យរដ្ឋាភិបាលក្រុងភ្នំពេញ លោក ផៃ ស៊ីផាន បានហៅមន្ត្រីស្ថានទូតសហរដ្ឋអាមេរិក ប្រចាំនៅរដ្ឋធានីភ្នំពេញ ថាកំពុងធ្វើកិច្ចការ ហួសពីកាតព្វកិច្ចការងារទូត នៅចំខែមេសានេះ ដែលលោកបានភ្ជាប់ ទៅនឹងកាលវេលា​«ដកទូត»​របស់ប្រទេសមហាអំណាច ចេញពីកម្ពុជា​កាលពីឆ្នាំ១៩៧៥។ ...

យល់ស៊ីជម្រៅផ្នែក កំសាន្ដ

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...

Comments are closed.