លោក «Mark Meadows» ដែលជាមនុស្ស«ជំនិត» របស់លោក ដូណាល់ ត្រាំ (Donald Trump) និងជានាយកខុទ្ទកាល័យ នៅសេតវិមាន បានធ្វើតេស្ដិ៍ ចេញលទ្ធផល វិជ្ជមានកូវីដ (Covid-19)។
នេះ បើតាមបណ្ដាញទូរទស្ស៍ «CNN» ដែលបានស្រង់ប្រភព មន្ត្រីពីរនាក់ ពីក្នុងសេតវិមាន មកបញ្ជាក់នៅក្នុងរបាយការណ៍ របស់ខ្លួន ដែលចេញផ្សាយ កាលពីថ្ងៃសុក្រទី៦ ខែវិច្ឆិកា។
ទូរទស្សន៍ «CNN» បញ្ជាក់ថា បន្ទាប់ពីការបោះឆ្នោតប្រធានាធិបតីអាមេរិក ត្រូវបានបញ្ចប់ លោក «Mark Meadows» អាយុ៦១ឆ្នាំ បានប្រកាសប្រាប់មនុស្ស នៅជុំវិញលោកថា រូបលោកបានឆ្លងមេរោគដ៏ចង្រៃ ដែលលោកមិនបានបញ្ជាក់ថា លោកបានធ្វើតេស្ដិ៍ រកឃើញជំងឺនេះ នៅពេលណាទេ៕
