ទោះជាគ្មានការទទួលស្គាល់ ពីអង្គការសុខភាពពិភពលោក (WHO /OMS) ក៏ដោយ តែលោក ហ៊ុន សែន នាយករដ្ឋមន្ត្រីកម្ពុជា បានប្រកាសឲ្យប្រើវ៉ាក់សាំង បង្ការជំងឺកូវីដ១៩ (Covid-19) ដែលស្រាវជ្រាវ និងផលិតក្នុងប្រទេស«ចិន»។

ក្នុងសារជាសម្លេងមួយ ដែលបង្ហោះនៅលើបណ្ដាញសង្គម ក្នុងយប់ថ្ងៃសុក្រ ទី១៥ ខែមករា ឆ្នាំ២០២១នេះ បុរសខ្លាំងនៅកម្ពុជា បានឱ្យដឹងថា វ៉ាក់សាំងបង្ការជំងឺដ៏ចង្រៃ ដែលមានចំនួន ១លានដូស ត្រូវបានរដ្ឋាភិបាលចិន ផ្តល់ដល់កម្ពុជា ដើម្បីចាក់ជូនមនុស្ស ប្រមាណជា៥០ម៉ឺននាក់។

ការប្រកាសរបស់លោក ហ៊ុន សែន ក្នុងយប់នេះ គឺផ្ទុយនឹងការអះអាងលើកមុន ដែលនាយករដ្ឋមន្ត្រីចាស់វស្សារូបនេះ និយាយថា នឹងទទួលយកមកប្រើប្រាស់ តែវ៉ាក់សាំងណា ដែលទទួលស្គាល់ដោយ​អង្គការសុខភាពពិភពលោក​ប៉ុណ្ណោះ។

តែមេដឹកនាំរូបនេះ បានការពារការប្ដូរជំហររបស់ខ្លួន ដោយអះអាងថា ព្រោះកម្ពុជា កំពុងទទួលរងការរាតត្បាតខ្លាំង ដែលមិនអាចឲ្យ​លោករង់ចាំ​បានតទៅទៀត។ លោក ហ៊ុន សែន អះអាងទៀតថា ក្រៅពីប្រទេសចិនខ្លួនឯង នៅមានប្រទេស​ជាច្រើនផ្សេងទៀត ក៏បាន​បញ្ជាទិញ យកទៅប្រើប្រាស់ដែរ។

គិតត្រឹមព្រឹកថ្ងៃទី១៥ ខែមករា ឆ្នាំ២០២១នេះ កម្ពុជាប្រកាសថា ខ្លួនរកឃើញអ្នកជំងឺកូវីដ១៩ សរុបចំនួន៤២៦នាក់ បន្ទាប់ពីបានរកឃើញ ក្នុងថ្ងៃនេះ​ដដែល នូវអ្នកឆ្លងថ្មីចំនួន ១៥នាក់ ដែលសុទ្ធសឹងជាអ្នកដំណើរ មកពីប្រទេសថៃ។

អ្នកជំនាញអន្តរជាតិជាច្រើន បានអះអាងថា វ៉ាក់សាំងចិន​អាចនឹង​មិនទទួលបាន ការទទួលស្គាល់ ដោយអង្គការ​សុខភាពពិភពលោក ក្រោម​ហេតុផល​ច្រើនយ៉ាង ក្នុងនោះដូចជាហេតុផល (១) ប្រទេសចិន​មិនធ្លាប់មានឈ្មោះ ជាប្រទេសដែល​ស្រាវជ្រាវ-ផលិត​វ៉ាក់សាំងទេ ហើយ (២) មេរោគកូវីដ-១៩ ដែលអ្នកស្រាវជ្រាវចិន​​​យកទៅសិក្សាស្រាវជ្រាវ មានលក្ខណៈជាមេរោគ«អសកម្ម» ដែលអាចធ្វើឱ្យប្រសិទ្ធិភាព របស់ថ្នាំវ៉ាក់សាំង មិនមានកម្រិត​ដែលអាចទទួល​យកបាន។

ទស្សនាវដ្ដីមនោរម្យ.អាំងហ្វូ នឹងចេញផ្សាយរបាយការណ៍ អំពីប្រសិទ្ធិភាពរបស់វ៉ាក់សាំងចិន នៅក្នុងអត្ថបទលើកក្រោយរបស់ខ្លួន។

យ៉ាងណា លោក ហ៊ុន សែន មិនបានបញ្ជាក់ទេថា តើការសម្រេចរបស់លោក ទទួលបានការយល់ព្រម ពីអ្នកជំនាញផ្នែកជំងឺរាតត្បាត ហើយថា តើថ្នាំវ៉ាក់សាំងរបស់«ចិន» ត្រូវបានអ្នកជំនាញត្រួតពិនិត្យ និងអនុញ្ញាតឲ្យប្រើប្រាស់ សម្រាប់ពលរដ្ឋកម្ពុជាទូទៅ ឬយ៉ាងណា។ ផ្ទុយទៅវិញ បុរសខ្លាំងដែលអង្គុយក្នុងអំណាច ជិត៤ទសវត្សរ៍មកនេះ បានអះអាងថា វាជាការសម្រេចផ្នែក«នយោបាយ»៕



លំអិតបន្ថែមទៀត

កម្ពុជា

ខ្លីៗ​ពីបារាំង៖ ច្បាប់«ប្រកាស​ភាពអាសន្ន»​របស់​កម្ពុជា រង​ការរិះគន់

បើសិនជារដ្ឋាភិបាលបារាំង មិនបង្ហាញជំហរជាផ្លូវការ នៅចំពោះការបង្កើតច្បាប់«ប្រកាសភាពអាសន្ន»ថ្មី យ៉ាងតក់ក្រហក់ ពីសំណាក់រដ្ឋាភិបាលកម្ពុជានោះ តែមិនមានន័យថា ប្រទេសបារាំងមិនបានដឹង អ្វីសោះនោះឡើយ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៩ របស់ក្រសួងសេដ្ឋកិច្ច និងហិរញ្ញវត្ថុបារាំង ...
កម្ពុជា

អាមេរិក​នៅពីក្រោយ កឹម សុខា? ជិន ម៉ាលីន ថ្លែងផ្ទុយពី ផៃ ស៊ីផាន

នៅចំពោះការថ្លែង របស់ឯកអគ្គរដ្ឋទូតអាមេរិក ទាក់ទងនឹងករណីប្រធានគណបក្សសង្គ្រោះជាតិ លោក កឹម សុខា អ្នកនាំពាក្យក្រសួងយុត្តិធម៌ លោក ជិន ម៉ាលីន បានចេញមុខមកអះអាងថា រដ្ឋាភិបាលលោក ហ៊ុន ...
កម្ពុជា

ហ៊ុន សែន បញ្ជា​ឲ្យប្ដូរ​លក្ខខណ្ឌ​«ឫកធំ» សម្រាប់​អ្នកដំណើរ​បរទេស

បន្ទាប់ពីការចុះផ្សាយ របស់សារព័ត៌មានបរទេស ដែលអះអាងថា «កម្ពុជាតូចតែ ឫកធំ» នោះមក លោកនាយករដ្ឋមន្ត្រី លោក ហ៊ុន សែន បានប្រាប់​ទៅស្ថាប័ន​ពាក់​ព័ន្ធ​ នៅ​ដើមសប្ដាហ៍នេះ ឲ្យប្ដូរលក្ខខណ្ឌ​«ឫកធំ»ទាំងនោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...