កម្ពុជាដំណឹង

កម្ពុជាមានទាហានមួកខៀវម្នាក់ ស្លាប់ ដោយសារ​​ជំងឺ «Covid-19»

លោកឧត្ដមសេនីយទោ ស សាវី ដែលបានបំពេញបេសកកម្ម ក្នុងនាមជាកងកម្លាំង របស់​អង្គការសហប្រជាជាតិ ក្នុងប្រទេសម៉ាលី បានទទួល​មរណភាព ដោយសារ​​ជំងឺ «Covid-19»។ នេះ បើតាមការប្រកាស របស់អង្គការសហប្រជាជាតិ មុន​នឹង​អះអាង​បន្ថែម ដោយមន្ត្រីផ្លូវការ របស់រដ្ឋាភិបាលកម្ពុជា។

ដំណឹងនៃការបាត់បង់លោក ស សាវី បានធ្លាក់មកដល់ នៅព្រឹកថ្ងៃទី៣០ ខែឧសភានេះ ខណៈ​ទាហាន​មួកខៀវ​រូបនេះ បានទទួលមរណភាព តាំងពីព្រឹកម្សិលម៉ិញ។

លោក ឈុំ សុជាតិ អ្នកនាំពាក្យរបស់ក្រសួង ការពារជាតិកម្ពុជា បានអះអាងបន្ថែម អំពីដំណឹងនេះ តែមិនទាន់​និយាយ​ថា សពលោក ស សាវី នឹងត្រូវបញ្ជូនមកកម្ពុជា ឬយ៉ាងណា​នោះទេ។

មន្ត្រីអ្នកនាំពាក្យរូបនេះ ត្រូវបានស្រង់សំដី ដោយសារព័ត៌មាន ក្នុងស្រុកថា៖

«មើលទៅជំងឺ “Covid-19” យើងហាក់ដូចជាពិបាក ​ក្នុងការបញ្ជូន[មកកម្ពុជា] អ៊ីចឹង​យើង​ខិតខំរ​កមធ្យោបាយ​យ៉ាងម៉េច​ ទៅតាមនីតិវិធី បទដ្ឋានអន្តរជាតិ​ស្ដីពីជំងឺ​កូវីដ​ហ្នឹង ​តាមរយៈ​ប្រពៃណី​​របស់យើង​ហ្នឹង​ ដើម្បីឱ្យសមរម្យ ចំពោះអ្នក​ដែល​យើងបាន​បញ្ជូន ទៅ​​ធ្វើពលីកម្ម ដើម្បីជាតិមាតុភូមិ​ ក៏ដូចសកលលោក ក្នុងនាម​​ប្រជាពលរដ្ឋ។»

លោកបន្តថា៖

​«ប៉ុន្តែយើងមិនអាចនិយាយ បានទេថា ​អាចបញ្ជូន ឬមិនបញ្ជូនបានទេ។»

លោក ស សាវី ជាទាហានបម្រើការ នៅ​ក្នុង​កង​អនុ​សេនា​ធំ ​កម្ទេច​គ្រាប់​មិន​ទាន់​ផ្ទុះ​ លេខ ​២៣១។ លោក​បាន​ទៅ​បំពេញ​បេសកម្ ម​នៅ​ក្នុង​ប្រទេស​ម៉ាលី​ ចំនួន​ពីរ​លើក គឺ​នៅ​ឆ្នាំ​២០១៦​ម្តង និង​ឆ្នាំ​២០១៩​ម្តង​ទៀត។

​កម្មវិធី​ប្តូរ​វេណ ​របស់​អង្គការ​សហប្រជាជាតិ បានតម្រូវឲ្យ លោក ស សាវី ត្រូវ​វិល​ត្រលប់ ​មក​កាន់​ប្រទេស​កម្ពុជា​វិញ ក្នុង​អំឡុង​ខែ​មេសា ឬខែ​ឧសភា​នេះ។ ប៉ុន្តែការវិល​ត្រឡប់​នោះ ​ត្រូវ​បាន​ពន្យារ​ពេល ​ដោយ​សារ​តែ​ការ​រាត​ត្បាត​ នៃ​ជំងឺ​ដ៏ចង្រៃ ទាំងនៅក្នុង​ប្រទេស​ម៉ាលី និងនៅក្នុងពិភពលោក។

តួលេខផ្លូវការ ដែលទស្សនាវដ្ដី មនោរម្យ.អាំងហ្វូ បានចូលទៅពិគ្រោះ ឲ្យដឹងថា ​ករណីឆ្លង​សរុប ដោយសារ​​ជំងឺ «Covid-19» នៅ​ក្នុង​ប្រទេស​ម៉ាលី មានចំនួន ១២២៦នាក់ ក្នុង​នោះ​អ្នក​ជំងឺ​ស្លាប់ មានចំនួន៧៣នាក់។ មន្ត្រី​អង្គការ​សហប្រជាជាតិ​​ ចំនួន៩០​នាក់ ក៏ត្រូវបាន​រកឃើញ ឆ្លងជំងឺនេះដែរ ក្នុងនោះមាន​ទាហានខ្មែរ ​ចំនួន​០៧​នាក់ (ម្នាក់ស្លាប់ ពីរនាក់បាន​ជាសះស្បើយ និង៤នាក់ទៀត កំពុងត្រូវបានធ្វើតេស្ដិ៍ សារជាថ្មី)៕



លំអិតបន្ថែមទៀត

ដំណឹង

អ្នករៀបចំ​អង្គប្រជុំ​ឃោសនា​របស់ ត្រាំ ចំនួន​​៦នាក់ បានឆ្លង​«Covid-19»

សមាជិក៦រូប នៃអ្នករៀបចំអង្គប្រជុំឃោសនាបោះឆ្នោត របស់លោកប្រធានាធិបតី ដូណាល់ ត្រាំ (Donald Trump) កាលពីថ្ងៃសៅរ៍ ក្នុងរដ្ឋ «Oklahoma» ត្រូវបាន​ធ្វើ​តេស្ដិ៍ ដឹងលទ្ធផលថា បានឆ្លងមេរោគ ...
កម្ពុជា

សម រង្ស៊ី បង្ហាញ​មូលហេតុ ៣យ៉ាង ដែល​អាចការពារ​កម្ពុជា ពី​«Covid-19»

លោក សម រង្ស៊ី បានបង្ហាញ ពីលទ្ធភាព«៣យ៉ាង ដែលជួយការពារប្រទេស ស្ថិតនៅ​តំបន់អាស៊ី​ភាគអាគ្នេយ៍ ដូចប្រទេសកម្ពុជា» ពីការរាតត្បាតនៃជំងឺ«Covid-19»។ មកដល់ថ្ងៃនេះ របបក្រុងភ្នំពេញបានបញ្ចេញ «តួលេខផ្លូវការ» ថាកម្ពុជា​មាន​ករណី​ឆ្លងជំងឺ ...
កម្ពុជា

COVID-19៖ កម្ពុជា​មាន​១ករណី​ថ្មី បន្ថែម​តួលេខ​សរុប ដល់​១២៦នាក់

មកដល់ព្រឹកថ្ងៃអាទិត្យនេះ រាជាណាចក្រកម្ពុជា មានករណីឆ្លងជំងឺ«Covid-19» កើនឡើង ដល់​១២៦នាក់ បន្ទាប់ពីបានរកឃើញ​ករណីឆ្លងមួយទៀត នៅក្នុង​សង្កាត់​ភ្នំពេញថ្មី ខណ្ឌសែនសុខ រាជធានីភ្នំពេញ។ នេះ បើតាមសេចក្ដីប្រកាសព័ត៌មាន របស់​ក្រសួង​សុខាភិបាលកម្ពុជា។ សេចក្ដីប្រកាសព័ត៌មាន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម​​ រង្ស៊ី បង្កើតសមាគមការពារ​សិទ្ធិ នៃអតីត​អ្នកជំងឺ​កូវីដ-១៩

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...