វ៉ាក់សាំងបង្ការជំងឺកូវីដ-១៩ (Covid-19) ​របស់ប្រទេសចិនកុម្មុយនីស ដែលមានឈ្មោះ «Sinopharm» ទទួលបាន​ការទទួលស្គាល់ ពីអង្គការសុខភាពពិភពលោក «WHO /OMS» ហើយ។ នេះ បើតាមការប្រកាស​របស់អគ្គនាយក របស់អង្គការ​ពិភពលោក​មួយនេះ នៅថ្ងៃសុក្រទី៧ ខែឧសភា ឆ្នាំ២០២១។

គណៈកម្មការជំនាញខាងថ្នាំវ៉ាក់សាំង របស់«WHO /OMS» បញ្ជាក់នៅក្នុងសេចក្ដីប្រកាសព័ត៌មានរបស់ខ្លួន ថាការប្រកាសទទួលស្គាល់ខាងលើ  ជាកិច្ច«បន្ទាន់» ហើយថា វ៉ាក់សាំងនេះអាចចាក់បាន សម្រាប់មនុស្ស ដែលមានវ័យពី១៨ឆ្នាំឡើង។

វ៉ាក់សាំង«Sinopharm» ជាវ៉ាក់សាំងដំបូង របស់ប្រទេសចិន ដែលត្រូវបានទទួលស្គាល់ ដោយ«WHO /OMS» ខណៈវ៉ាក់សាំងមួយទៀត ឈ្មោះ «Sinovac» កំពុងស្ថិតក្នុងការត្រួតពិនិត្យ។

ការប្រកាសទទួលស្គាល់ខាងលើ បានជួយទៅដល់បណ្ដាប្រទេសជាច្រើន ដូចយ៉ាងប្រទេសកម្ពុជាជាដើម ដែលគ្មាន​សមត្ថភាព ក្នុងការបញ្ជាក់​ដោយខ្លួនឯង អំពីសុវត្ថិភាព និងប្រសិទ្ធិភាពរបស់វ៉ាក់សាំងខាងលើ។

កម្មវិធីវ៉ាក់សាំងចែកចាយសកល «Covax» ដែលបង្កើតឡើងដោយ «WHO /OMS» និងដៃគូ ក៏អាចដាក់​បញ្ចូល​វ៉ាក់សាំង«Sinopharm» ទៅក្នុងកម្មវិធី​របស់ខ្លួន ដើម្បីធ្វើការចែកចាយ​ជាកិច្ច«បន្ទាន់» និងបន្ថែមទៀត សម្រាប់​បណ្ដា​ប្រទេស​ក្រីក្រ នៅក្នុងពិភពលោកដែរ។

ក្នុងពេលកន្លងមក អង្គការសុខភាពពិភពលោក បានទទួលស្គាល់រួចហើយ នូវវ៉ាក់សាំង​«Moderna» វ៉ាក់សាំង​«Pfizer-BioNTech» វ៉ាក់សាំង​«AstraZeneca» និងវ៉ាក់សាំង«Johnson & Johnson» (ហៅថា «Janssen»)។ គួរកត់សម្គាល់បន្ថែមថា វ៉ាក់សាំង«AstraZeneca» ដែលផលិត​នៅពីរប្រទេស (ឥណ្ឌា និងកូរ៉េខាងត្បូង) ទទួលបានការទទួលស្គាល់​ពីរផ្សេងគ្នា៕



You may also like

កម្ពុជា

ផៃ ស៊ីផាន ឲ្យ​ពិចារណា​រឿង​ថៃ​ឲ្យ​ចិន​ចូល​ស្រុក​ ដោយ​គ្មានទិដ្ឋការ

លោក ផៃ ស៊ីផាន អ្នកនាំពាក្យទីស្ដីការគណៈរដ្ឋមន្ត្រី នៃរបបដឹកនាំក្រុងភ្នំពេញ បានប្រកាសឲ្យគេឯងពិចារណា ករណីប្រទេសថៃអនុញ្ញាតឲ្យប្រជាជនចិន អាចចូលប្រទេសថៃ ដោយ​គ្មានទិដ្ឋការ សម្រាប់រយៈពេល យ៉ាងហោចពីរខែ។ មន្ត្រីអ្នកនាំពាក្យរូបនេះ បានសរសេរដូច្នេះ ...
កម្ពុជា

អ.ស.ប ស្នើ​កម្ពុជា​ឲ្យគិតដល់ ជនពិការ ក្នុង​ការទប់ស្កាត់​ជំងឺ​«Covid-19»

ជនពិការ ក៏ជាពលរដ្ឋម្នាក់ដែរ។ ដូច្នេះ «មិនគួរទុក នរណាម្នាក់ចោលឡើយ»។ នេះ ជាការលើកឡើងរបស់ ការិយាល័យឧត្តមស្នងការ អ.ស.ប ទទួលបន្ទុកសិទ្ធិមនុស្ស (OHCHR) ប្រចាំនៅប្រទេសកម្ពុជា ក្នុងខណៈរដ្ឋាភិបាលកម្ពុជា ...
កម្ពុជា

កម្ពុជាមានទាហានមួកខៀវម្នាក់ ស្លាប់ ដោយសារ​​ជំងឺ «Covid-19»

លោកឧត្ដមសេនីយទោ ស សាវី ដែលបានបំពេញបេសកកម្ម ក្នុងនាមជាកងកម្លាំង របស់​អង្គការសហប្រជាជាតិ ក្នុងប្រទេសម៉ាលី បានទទួល​មរណភាព ដោយសារ​​ជំងឺ «Covid-19»។ នេះ បើតាមការប្រកាស របស់អង្គការសហប្រជាជាតិ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...