កម្ពុជាដំណឹង

ហ៊ុន សែន ក្រុងខ្លួន​ក្នុងផ្ទះ ខណៈ​កម្ពុជា​គ្មាន​ការឆ្លង​«Covid-19»ធំដុំ

ខណៈប្រទេសកម្ពុជា អួតអាងថាខ្លួនគ្មានការឆ្លងជំងឺ «Covid-19» នៅក្នុងសហគមន៍ទេ និងបាន​ព្យាបាល​អ្នកជំងឺ​ជាសះ សឹងតែទាំងអស់នោះ លោកនាយករដ្ឋមន្ត្រី ហ៊ុន សែន ឯណោះ បែរជា​អះអាងថា លោកកំពុង​ស្ថិត​​ក្នុងស្ថានភាព ក្រុងខ្លួន​ក្នុងផ្ទះ ដើម្បី​បញ្ចៀស​​ការឆ្លងជំងឺ បើសូម្បីធ្វើកីឡាវាយកូនគោល ក៏លោកត្រូវធ្វើ នៅក្នុងបរិវេណ​នៃភូមិគ្រឹះ និងមិនចេញក្រៅនោះដែរ។

បុរសខ្លាំងនៅកម្ពុជា បានអះអាងដូច្នេះ នៅលើបណ្ដាញសង្កម កាលពីប៉ុន្មាននាទីមុន ដោយសរសេរឡើងថា «ដំណាក់កាលកូវីត-១៩ លែងដឹងថា ថ្ងៃណាជាថ្ងៃធ្វើការ ឬថ្ងៃណា​ជាថ្ងៃឈប់សម្រាក ទៀតហើយ»។

លោកថា៖

«មុនកូវីត-១៩ កម្មវិធីទាំងនៅក្នុងប្រទេស និងនៅក្រៅប្រទេស [មាន]រាប់មិនអស់។ ពេលកូវីត-១៩មកដល់ ការងារភាគច្រើនធ្វើនៅផ្ទះ ដោយពិនិត្យសម្រេច និងចុះ​ហត្ថលេខា លើឯកសារក្នុងរង្វង់ ពី២០ទៅ៣០ច្បាប់ ក្នុងមួយថ្ងៃ។»

«ក្រៅពីឯកសារ គឺ​មើល​របាយការណ៏ ពីរាជធានីខេត្ត ទាំង២៥ ការសុំយោបល់ ឬពិគ្រោះ​យោបល់ ជាមួយឧបនាយករដ្ឋមន្ត្រី ទេសរដ្ឋមន្ត្រី ឬរដ្ឋមន្ត្រីតាមប្រពន្ធ័ WhatsApp – Telegam –  Line និងប្រពន្ធ័ផ្សេងទៀត ដែលនេះជាផ្នែកមួយ នៃការប្រយុទ្ធ​ជាមួយ​កូវីត​ផងដែរ។»

បន្ទាប់មក លោក ហ៊ុន សែន បានរៀបរាប់ពីការបង្ខាំងខ្លួនលោក នៅក្នុងគេហដ្ឋាន បើសូម្បីតែ​ចេញ​ធ្វើកីឡា ក៏លោកមិនចេញទៅធ្វើ នៅខាងក្រៅផ្ទះដែរ ដោយ​បារម្មណ៍​ខ្លាច«ឆ្លងកូវីដ»។ លោក​បញ្ជាក់ថា៖

«ចាប់ពីពេលនេះទៅ ខ្ញុំលែងចេញទៅវាយ នៅតារាងខាងក្រៅទៀតហើយ លើកលែងតែត្រូវទៅបើកការប្រកួត ពានរង្វាន់ធំៗ ដែលប្រកួតក្នុងប្រទេសយើង។ ភរិយាខ្ញុំ កូនៗខ្ញុំ និងអង្គរក្សរីករាយ ជាមួយព័ត៌មាននេះ ព្រោះពួកគេបារម្មណ៏ពីសន្តិសុខ ពិសេសការឆ្លងកូវីត-១៩ មកលើរូបខ្ញុំតែម្តង។»

គិតត្រឹមព្រឹកថ្ងៃទី០១ ខែសីហា ឆ្នាំ២០២០នេះ ប្រទេសកម្ពុជាបានបញ្ចេញតួលេខផ្លូវការ ថាខ្លួនបានរកឃើញអ្នកឆ្លងជំងឺកូវីដ១៩ សរុបចំនួន២៣៩នាក់ ក្នុងនោះចំនួនអ្នកជំងឺជាសះស្បើយ សរុបចំនួន១៦៤នាក់៕



លំអិតបន្ថែមទៀត

កម្ពុជា

បន្ទាប់ពី​កូរ៉េខាងត្បូង តើ សម រង្ស៊ី គ្រោងទៅ​ប្រទេស​ណាទៀត​នៅអាស៊ី?

មន្ត្រីស្និតលោក សម រង្ស៊ី មេដឹកនាំប្រឆាំង បានអះអាងថា ការជួបជាមួយពលករខ្មែរ ក្នុងប្រទេសថៃ អាចជាជំហានក្រោយ បន្ទាប់ពី​កូរ៉េខាងត្បូង ដែលជាជំនួបជាមួយពលកររាប់ពាន់នាក់ កាលពីសប្ដាហ៍មុនរួច។ ប៉ុន្តែសម្រាប់អ្នកវិភាគ បានគិតថា ...
កម្ពុជា

ហ៊ុន សែន ត្រៀម​ចំអក​ឲ្យ សម រង្ស៊ី ថាជា«ទន្សាយរត់បានឆ្ងាយ»

ទំនុកចម្រៀងថ្មីមួយទៀត «បងជា ទន្សាយរត់បានឆ្ងាយ» កំពុងត្រៀមចេញ នៅក្នុងថាសចម្រៀងលើកក្រោយ។ នេះ បើតាមការអះអាងរបស់លោក ហ៊ុន សែន នាយករដ្ឋមន្ត្រីកម្ពុជា ចេញពីពិធីបើកការដ្ឋានសាងសង់មន្ទីរពេទ្យ «មិត្តភាពកម្ពុជា-ចិន ត្បូងឃ្មុំ» ...
ប្រាសាទអង្គរវត្ត ក្នុងខេត្តសៀមរាប អតីតរាជធានី នៃចក្រភពខ្មែរ។ (រូបថត ប៊ុន ណារុន)
កម្ពុជា

នៅរមណីយដ្ឋាន​អង្គរ អាជ្ញាធរ​អប្សរា​​បើក​«សារមន្ទីរ​ទាំង៣»​ឡើងវិញ

ចាប់ពីថ្ងៃទី០១ ខែមិថុនា ឆ្នាំ២០២០​នេះតទៅ «សារមន្ទីរ​ទាំង៣»របស់អាជ្ញាធរជាតិអប្សរា នឹងបើកទ្វាឡើងវិញ ដើម្បីចូលទស្សនា ដោយមិនគិតថ្លៃ។ នេះ បើតាមសេចក្ដីជូនដំណឹង របស់ស្ថាប័នជាតិមួយនេះ ដែលចុះថ្ងៃខែ តាំងពីថ្ងៃព្រហស្បត្តិ៍ ទី២២ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.