ដំណឹងពិភពលោក

Covid-19៖ ករណីឆ្លង​កើន​ជិត​៣លាន​​នាក់ និង​ស្លាប់​ជាង២សែន​នាក់

មកដល់ម៉ោងនេះ ករណីឆ្លងជំងឺ«Covid-19» បានកើនឡើងជិត៣លាននាក់ និង​ស្លាប់​ជាង២សែន​នាក់ នៅលើពិភពលោក។​ នេះ បើតាមតួលេខ ដែលផ្ដល់ដោយសាកលវិទ្យាល័យ «Johns Hopkins» របស់សហរដ្ឋអាមេរិក ដែលធ្វើការតាមដាន ស្ថានភាពវិវត្តន៍ឡើង នៃការរាតត្បាតដ៏សាហាវ។

យ៉ាងណា បណ្ដាប្រទេសជាច្រើន នៅទ្វីបអ៊ឺរ៉ុប កំពុងត្រៀមខ្លួនបន្តិចម្ដងៗ ដើម្បីលើកចេញ នូវបម្រាមរបស់ខ្លួន។ ចាប់ពីថ្ងៃអាទិត្យនេះ ប្រទេសអេស្ប៉ាញបានបើកឲ្យកុមារ អាចចេញដើរបាន នៅក្រៅផ្ទះ។ រីឯប្រទេសបារាំង ដែលគ្រោងឲ្យលើកបម្រាមចេញ នៅថ្ងៃទី១១ ខែឧសភាខាងមុខ នឹងប្រកាសក្នុងដើមសប្ដាហ៍ក្រោយ ពីវិធានការទាំងឡាយ ដែលនឹងត្រូវអនុវត្តន៍ នៅក្រោយការលើកបម្រាមនោះ។

ឆ្លងជិត៣លាននាក់ និង​ស្លាប់​ជាង២សែន​នាក់

ប៉ុន្តែពិភពលោក បានស្គាល់តុល្យភាពយ៉ាងធ្ងន់មួយ រួចជាស្រេចហើយ៖ អ្នកជំងឺ ២០៥ ៣៩៨នាក់ បានស្លាប់ ពីក្នុងចំណោមមនុស្ស ២ ៩៥៤ ១០៦នាក់ ដែលត្រូវបានរកឃើញបានឆ្លងមេរោគដ៏ចង្រៃ នៅជុំវិញពិភពលោក រាប់មកទល់នឹងនាទី មុនអត្ថបទនេះចេញផ្សាយ។

ប្រទេសដែលរងគ្រោះជាងគេ គឺមហាយក្សអាមេរិក ដែលមានអ្នកជំងឺស្លាប់ ៥៤ ១៧៥​នាក់ ពីក្នុងចំណោមមនុស្ស ៩៥៤ ១៨២នាក់ ដែលបានឆ្លងជំងឺ។ បន្ទាប់មក គឺប្រទេស​អ៊ីតាលី ជាមួយនឹងតួលេខ​មនុស្សស្លាប់ ២៦ ៦៤៤នាក់ ពីក្នុងចំណោមករណីឆ្លង ១៩៧ ៦៧៥នាក់។ ប្រទេសទីបី គឺប្រទេសអេស្ប៉ាញ ដែលមានអ្នកជំងឺស្លាប់ ២៣ ១៩០នាក់ ពីចំណោមករណីឆ្លង ២២៦ ៦២៩នាក់។

ប្រទេសរងគ្រោះទី៤ គឺបារាំង ជាមួយតួលេខអ្នកស្លាប់ ២២ ៨៩០នាក់ ពីចំណោមអ្នកឆ្លងជំងឺ ១៦១ ៦៦៥នាក់។ រីឯចក្រភពអង់គ្លេស មានអ្នកជំងឺស្លាប់ ២០ ៧៩៤នាក់ ពីចំណោមអ្នកឆ្លង ១៥៤ ០៣២នាក់។

ប្រទេសមួយចំនួន កំពុងសិក្សាពីលទ្ធភាព នៃការផ្ដល់ «លិខិតឆ្លងដែន» នៃភាពស៊ាំនឹងមេរោគ សម្រាប់បណ្ដាជនទាំងឡាយណា ដែលមានអង្គការពារខ្លួន ខ្លាំងជាងមេរោគ«Covid-19» ដើម្បីអនុញ្ញាតឲ្យបណ្ដាជនទាំងនោះ អាចធ្វើដំណើរ និងប្រកបកិច្ចការងារបាន ដោយគ្មានការភ័យខ្លាច និងគ្មានការសង្ស័យ។

ក្រុមប្រទេសទាំងនោះ គិតថា ការស្វែងរកអ្នកមានអង្គការពារប្រាណខ្លាំង និងឈ្នះចំពោះមេរោគ«Covid-19» និងអនុញ្ញាតឲ្យសកម្មភាពសេដ្ឋកិច្ច អាចកម្រើកខ្លួនបានឡើងវិញ។

ប៉ុន្តែគំនិតខាងលើ បានរងការពញាក់អារម្មណ៍ ពីអង្គការសុខភាពពិភពលោក (WHO /OMS) ក្នុងថ្ងៃសៅរ៍នេះ។ អង្គការពិភពលោកមួយនេះ បានព្រមានឡើងថា៖

«នៅពេលនេះ គ្មានភស្ដុតាងណាមួយ ដែលបញ្ជាក់ថា បណ្ដាជនដែលបានជាសះ ពីជំងឺ “Covid-19” នឹងបណ្ដាជន ដែលមានអង្គការពារប្រាណខ្លាំង ប្រាកដជាត្រូវបានការពារ ពីការឆ្លងមេរោគនេះ ក្នុងពេលក្រោយនោះឡើយ។»

«WHO» បានបន្តទៀតថា៖

«មិនមានអំណះអំណាងគ្រប់គ្រាន់ ដើម្បីវាយតម្លៃ អំពីភាពទុកចិត្តបាន នៃ “លិខិត​ឆ្លងដែន​ស្ដីពីភាពស៊ាំ” ហើយការប្រើប្រាស់ លិខិតបញ្ជាក់បែបនេះ អាចបង្កើនហានិភ័យ នៃការឆ្លងកាន់តែខ្លាំងឡើង។ ជាពិសេស ក្រុមមនុស្ស ដែលគិតថាពួកគេមានភាពស៊ាំនេះ នឹងមិនអើពើ ចំពោះក្រឹត្យក្រម​​អនាម័យ​ឡើយ៕»



You may also like

កម្ពុជា

ស្ថានទូតអាមេរិកថា កឹម សុខា គ្មានកំហុសនិងជាប់ឃុំដោយអយុត្តិធម៌

ស្ថានទូតសហរដ្ឋអាមេរិក បានចេញមុខ មកអះអាងថា លោក កឹម សុខា ប្រធានគណបក្សសង្គ្រោះជាតិ ដែលកំពុងជាប់ឃុំ ក្នុងគេហដ្ឋានសព្វថ្ងៃ គឺជាមនុស្សស្អាតស្អំ ដែលត្រូវបានឃុំខ្លួនដោយអយុត្តិធម៌ ក្រោមបទចោទប្រកាន់មិនពិត។ ទំព័រហ្វេសប៊ុកផ្លូវការ ...
កម្ពុជា

Covid-19៖ ហ៊ុន សែន ឲ្យបិទជើង​ហោះហើរ ពីម៉ាឡេស៊ី និង​ឥណ្ឌូនេស៊ី

នាយករដ្ឋមន្ត្រីកម្ពុជា លោក ហ៊ុន សែន បានបញ្ជាឲ្យបិទជើងហោះហើរទាំងឡាយ ពី​ប្រទេស​ម៉ាឡេស៊ី និង​ឥណ្ឌូនេស៊ី ដើម្បីបង្ការការរាតត្បាត ជំងឺ «Covid-19»។ បទបញ្ជា​នេះ នឹងត្រូវអនុវត្តន៍ ចាប់ពីថ្ងៃទី១ ...
កម្ពុជា

អាមេរិក​បន្ត​ឲ្យ​ក្រុង​ភ្នំពេញ ដោះលែង កឹម សុខា និង​ស្ដារ​លទ្ធិ​ប្រជាធិបតេយ្យ

សហរដ្ឋអាមរិកបានបន្តជំរុញ ទៅរបបដឹកនាំឯកបក្ស នៅក្នុងប្រទេសកម្ពុជា ឲ្យស្ដារលទ្ធិប្រជាធិបតេយ្យឡើងវិញ ដោយរាប់បញ្ចូល ទាំងការ«ដោះលែង»ប្រធានគណបក្សប្រឆាំង លោក កឹម សុខា ដែលត្រូវបានដាក់ឲ្យជាប់ឃុំ នៅក្នុងពន្ធនាគារ និងប្ដូរមកក្នុងគេហដ្ឋាន តាំងពីជាង២ឆ្នាំ ...

Comments are closed.

ដំណឹង

ចេញវីសេតវិមាន ត្រាំ ត្រឡប់​ទៅរស់នៅ​ក្នុងភូមិគ្រឹះ «Mar-a-Lago»

ដំណឹង

ពាក្យដំបូងរបស់ប្រធានាធិបតី បៃដិន៖ «ថ្ងៃដ៏ពិសេស​របស់អាមេរិក»

លោក ចូ បៃដិន (Joe Biden) បានស្បថចូលកាន់តំណែង ជាប្រធានាធិបតីទី៤៦ នៃសហរដ្ឋអាមេរិក នៅថ្ងៃពុធ ទី២០ ខែមករា ឆ្នាំ២០២១នេះ វេលាម៉ោង១១ ...
ដំណឹង

ដកទាហាន​«១២នាក់»​ចេញពី​កងសន្តិសុខ ក្នុងពិធីស្បថ​របស់ ចូ បៃដិន

ទាហានឆ្មាំជាតិអាមេរិកាំង​ចំនួន ១២នាក់ ត្រូវបានដកចេញ​ពីជួរកងសន្តិសុខ ដែលដាក់ពង្រាយ​ដើម្បីការពារសណ្ដាប់ធ្នាប់ និងសន្តិសុខ ក្នុងពិធីស្បថ​ចូលកាន់តំណែង របស់លោក ចូ បៃដិន (Joe Biden) ជាប្រធានាធិបតីទី៤៦ នៃសហរដ្ឋអាមេរិក។ ...