អ្វី​ដែលកំពុងកើតមាន នៅក្នុងក្រុងព្រះសីហនុ គឺវាពិតជាការចង់បាន​របស់បុរសខ្លាំងកម្ពុជា ដែលកាន់អំណាច តាំងពី៣៣ឆ្នាំកន្លងមក ហើយ​ដែលគាំទ្រ​ដោយប្រទេសចិន។ នេះ​ជាអ្វី ដែលសារព័ត៌មានអាមេរិក «The Washington Post» បានចេញផ្សាយកាលពីម្សិលម៉ិញ នៅក្នុងអត្ថបទ​យកការណ៍​ដ៏វែងអន្លាយមួយ ដែលមានចំណងជើងថា «ក្រុងខ្មែរមួយនេះ កំពុងក្លាយជា​ឧបទ្វីបចិន ហើយមនុស្សទាំងអស់ មិនមែនសុទ្ធតែពេញចិត្តនោះទេ»។

ឆ្នេរសមុទ្រ ដែលមិនសូវមានទេសចរណ៍មកលេង ជីវភាពរបស់ប្រជាជនតូចតាច ដែលកាន់តែ មានភាពខ្សត់ខ្សោយទៅៗ… ផ្ទុយទៅវិញ គេបែរជាឃើញអាគារធំៗ ជាច្រើនបានរីកស្គុសស្គាយ ជាមួយនឹងជនជាតិចិន ដែលចូលមករស់នៅច្រើនឡើងៗ នៅក្នុងក្រុងព្រះសីហនុ ភាគនារតី នៃព្រះរាជាណាចក្រមួយ ដែលកំពុងងាកចេញ ពីមាគ៌ាប្រជាធិបតេយ្យ និងសិទ្ធិមនុស្ស។

សារព័ត៌មានអាមេរិកដ៏ធំ ឈ្មោះ «ឌឺវ៉ាស៊ីនតោនប៉ុស្ដិ៍ (The Washington Post)» បានចេញផ្សាយ​អត្ថបទយកការណ៍ ដ៏វែងអន្លាយមួយ ដែលអះអាងថា ក្រុងព្រះសីហនុ កំពុងប្រែខ្លួន ទៅជាផ្នែកមួយ នៃប្រទេសចិន។

អត្ថបទ«ក្រុង​ព្រះសីហនុ កំពុងក្លាយជា​ឧបទ្វីបចិន»​បានសរសេរថា ខណៈអាជីវករតូចតាច កំពុងព្រួយបារម្ភ ពីការរកទទួលទាន​មិនបាន​របស់ផងខ្លួន ព្រោះគ្មានភ្ញៀវទេសចរណ៍ មកលេងឆ្នេរសមុទ្រខ្មែរ ដូចកាលពីច្រើនឆ្នាំមុននោះ នៅផ្នែកម្ខាងទៀត​ឯណោះ បនល្បែងជាច្រើន ដូចយ៉ាងបនល្បែង «New Macau» ឬ «New MGM» ជាដើម កំពុងតែរកចំណូលបាន​យ៉ាងកាក់កប ដោយសម្បូរ​ដោយជនជាតិចិន ចូលទៅលេង។

ម្ចាស់អត្ថបទ អ្នកស្រី «Anna Fifield» បានសរសេរបន្តថា៖

«ប្រទេសចិនកំពុងព្យាយាម ពង្រីកឥទ្ធិពលនយោបាយ និងសេដ្ឋកិច្ចរបស់ខ្លួន នៅទូទាំងតំបន់ ជាពិសេស តាមរយៈគម្រោងអភិវឌ្ឍន៍ ហេដ្ឋារចនាសម្ព័ន្ធ ដែលមានឈ្មោះថា “ផ្លូវមួយខ្សែក្រវ៉ាត់មួយ”។ រីឯប្រទេសកម្ពុជាឯណេះ​វិញ ព្យាយាមអភិវឌ្ឍន៍សេដ្ឋកិច្ចរបស់ខ្លួន ដោយមិនខ្ចីខ្វល់ ពីតម្រូវការផ្នែកសិទ្ធិមនុស្ស ដែលត្រូវបានទទូចឡើង ជារឿយៗ ដោយរដ្ឋាភិបាលអាមេរិក និងសហភាពអឺរ៉ុបនោះឡើយ។»។

«ហើយផលប្រយោជន៍ទាំងពីរនេះ កំពុងមានរូបរាងដោយផ្ទាល់នៅក្រុងព្រះសីហនុ»។ អត្ថបទបានស្រង់សំដី​របស់លោក «Carl Thayer» អ្នកជំនាញខាងកិច្ចការ​អាស៊ីអាគ្នេយ៍ មកបញ្ជាក់ថា៖

«ក្រុងព្រះសីហនុ ជារូបភាពតាំងបង្ហាញមួយ សម្រាប់គម្រោងអភិវឌ្ឍន៍ របស់ប្រទេសចិន។ ចិនជាប់ចំណាត់ថ្នាក់លេខមួយ ទៅលើគ្រប់វិធានការ ផ្នែកសេដ្ឋកិច្ច។ ហើយចិន កំពុងព្យាយាម យកចំណាត់ថ្នាក់នេះទាំងស្រុង ពីសហរដ្ឋអាមេរិក។»

សម្រាប់លោក ហ៊ុន សែន ដែលនៅកាន់អំណាច តាំងពី៣៣ឆ្នាំមក និងដែល​កំពុងធ្វើគ្រប់វិធី ដើម្បីបានបន្តអំណាច ក្នុងការបោះឆ្នោតខាងមុខនោះ ការវិនិយោគទុន ពីប្រទេសចិន នឹងអនុញ្ញាតឲ្យបុរសខ្លាំងរូបនេះ អាច«អួតអាង ពីកំណើនសេដ្ឋកិច្ច ខណៈលទ្ធិប្រជាធិបតេយ្យ កំពុងដើរថយក្រោយ »។

ហើយនេះ ជាអ្វីដែលកំពុងអភិវឌ្ឍន៍ នៅកម្ពុជា ដោយមានការបើកភ្លើងខៀវ ពីរដ្ឋាភិបាលលោក ហ៊ុន សែន៖

«បនល្បែងចំនួន៣០ ត្រូវបានសាងសង់រួច ខណៈបនល្បែង ចំនួន៧០ផ្សេងទៀត កំពុងស្ថិតក្នុង​ការសាងសង់»។

តួលេខនេះ ត្រូវបន្ថែមដោយគម្រោងសាងសង់ អាគារបនល្បែង​និងខុនដូ​«Blue Bay» ដ៏ធំសម្បើមមួយទៀត ដែលនឹងត្រូវដាក់លក់ ក្នុងតម្លៃថោក​បំផុត ១៤៣ ០០០ដុល្លារ និងថ្លៃបំផុត ៥០០ ០០០ដុល្លារ រួមនឹងតំបន់សេដ្ឋកិច្ចពិសេស​ក្រុងព្រះសីហនុដ៏ធំមួយ (សួនឧស្សាហកម្ម ទំហំ ៤,៤ គីឡូម៉ែត្រការ៉េ) ដែលមានក្រុមហ៊ុនចិន​ចំនួន ១០៤ ពីក្នុងចំណោមក្រុមហ៊ុន​ចំនួន១២១ នៅទីនោះ។

ពលរដ្ឋខ្មែរច្រើនឡើងៗ បានសំដែងការព្រួយបារម្ភ របស់ពួកគេ ពីឧក្រិដ្ឋកម្ម ដែលមានលក្ខណៈ កាន់តែហិង្សា​ខ្លាំងឡើង ដោយសារការកកើត នូវបនល្បែងយ៉ាងពោរពាសទាំងនោះ។ អត្ថបទខាងលើ បានស្រង់យកចំណុចមួយ ក្នុងរបាយការណ៍ ស្ដីពីគុណសម្បត្តិ និងគុណវិបត្តិ នៃការវិនិយោគទុន របស់ប្រទេសចិន មកបញ្ជាក់ដូច្នេះ៖

«ឯកអគ្គរដ្ឋទូតចិន បានទទួលស្គាល់ ថាជនជាតិចិនមួយចំនួន ដែលគ្មានការអប់រំត្រឹមត្រូវ បានរំលោភច្បាប់កម្ពុជា»។

អាជីវករខ្មែរតូចតាច ដែលកំពុងរងផលប៉ះពាល់ ពីគម្រោងអស់ទាំងនេះ បានរអ៊ូប្រាប់សារព័ត៌មានអាមេរិកថា ទេសចរណ៍ចិន ឬជនអន្តោប្រវេសន៍ចិន ដ៏សន្ធឹកសន្ធាប់ ដែលចូលមកលេង និងមករស់នៅទីនោះ មានចរិកអាក្រក់ ចូលចិត្តតថ្លៃ និងនិយាយស្ដីស្រែកខ្លាំងៗ។ លោក ជីម ភិន ម្ចាស់ភោជនីយដ្ឋានមួយ បានថ្លែងឡើងថា៖

«កាលមុន យើងមានទេសចរណ៍ ពីបស្ចឹមលោកច្រើនណាស់ ដែលចូលចិត្ត ញ៉ាំអាហាររបស់យើង តែទេសចរណ៍ចិន មិនចង់ញ៉ាំអាហារខ្មែរ ឬចង់ដឹងចង់ឃើញ ពីប្រពៃណីវប្បធម៌យើងទេ។ ពួកទេសចរណ៍ចិនទាំងនោះ ចូលចិត្តអាហារផ្ទាល់ របស់ពួកគេ និងចង់នៅ តែជាមួយចិនគ្នាគេប៉ុណ្ណោះ។»៕



លំអិតបន្ថែមទៀត

កម្ពុជា

ថ្ងៃ៨មីនា៖ ហ៊ុន សែន លើកពី​«ស្ត្រី​និងការអភិវឌ្ឍ ​ក្នុងបរិការណ៍​កូវីដ-១៩»

តើមានអ្វីទាក់ទងគ្នា រវាងទិវាអន្តរជាតិស្ដីពីសិទ្ធិស្ត្រី ថ្ងៃ៨មីនា និងជំងឺរាតត្បាតកូវីដ-១៩ (Covid-19)? សម្រាប់​លោក​នាយករដ្ឋមន្ត្រី ហ៊ុន សែន បានភ្ជាប់ព្រឹត្តិការណ៍ទាំងពីរនេះ ទៅក្នុងប្រធានបទថ្មី​មួយ ដែលលោកដាក់​ឈ្មោះ​ឱ្យថា៖ «ស្ត្រី​និងការអភិវឌ្ឍ ក្នុងបរិការណ៍​កូវីដ-១៩»។ ...
លោក កឹម សុខា ជួបជាមួយឯកអគ្គអង្គទូតសហភាពអ៊ឺរ៉ុប និងឯកអគ្គរដ្ឋទូតអាល្លឺម៉ង់ ប្រចាំនៅកម្ពុជា ក្នុងគេហដ្ឋានរបស់លោក។ (រូបថតលើហ្វេសប៊ុក)
កម្ពុជា

មន្ត្រី​ការទូត របស់​បស្ចឹមលោក «គាំទ្រ​ជំនួប​ ហ៊ុន សែន-កឹម សុខា»

យ៉ាងហោចណាស់ មន្ត្រី​ការទូត របស់សហភាពអ៊ឺរ៉ុប និងរបស់ប្រទេសអាល្លឺម៉ង់ ប្រចាំនៅ​ប្រទេសកម្ពុជា បានចូលសួរសុខទុក្ខលោក កឹម សុខា ប្រធានគណបក្សសង្គ្រោះជាតិ និងបាន​សម្ដែង​ការគាំទ្រ​របស់ផងខ្លួន ចំពោះ​«ជំនួប»​រវាងលោក ហ៊ុន សែន ...
ដំណឹង

ក្រុមបាតុករនៅហុងកុង ព្រមានធ្វើបាតុកម្ម«យក្ស»ខ្លាំងជាងមុន នៅថ្ងៃអាទិត្យ

នៅក្រុងហុងកុង ក្រុមអ្នកជំទាស់នឹងគម្រោងច្បាប់ ដ៏ប្រទាំងប្រទើស ដែលអនុញ្ញាតឲ្យធ្វើបត្យាប័នអ្នកទោស ទៅឲ្យអាជ្ញាធរចិនកុម្មុយនីស្ដិ៍ បានព្រមាននៅថ្ងៃព្រហស្បត្តិ៍នេះ ថាពួកគេនឹងបន្តជួបជុំ ក្នុងទំហំ«យក្ស»ដ៏ធំសម្បើមជាថ្មីទៀត នៅថ្ងៃអាទិត្យខាងមុខ។ ការប្រកាសរបស់ក្រុមអ្នករៀបចំបាតុកម្ម ធ្វើឡើងមួយថ្ងៃ បន្ទាប់ពីបាតុកម្មយក្សកាលពីថ្ងៃពុធម្សិលម៉ិញ ដែលមានផ្ទុះអំពើហិង្សាយ៉ាងខ្លាំងក្លា ...

Comments are closed.

យល់ស៊ីជម្រៅផ្នែក របាយការណ៍

របាយការណ៍

ពេលដែលទូរទស្សន៍​របស់កូនស្រី​នាយករដ្ឋមន្ត្រី ផ្សាយតួលេខខុស …

របាយការណ៍

នេត សាវឿន និង​គ្រួសារ​«ទិញ​ផ្ទះ​នៅក្រៅ​ប្រទេស ថ្លៃជាង​១៥លាន​ដុល្លារ»

លោកនាយឧត្ដមសេនីយ នេត សាវឿន និងគ្រួសារ ដែលជាសាច់ឈាម ជិតដិតនឹងលោកនាយករដ្ឋមន្ត្រី ហ៊ុន សែន ត្រូវបានស្រាវជ្រាវរកឃើញថា បានដើរ«ទិញផ្ទះនៅក្រៅប្រទេស ដោយប្រើទឹកប្រាក់ ប្រមាណជាង ១៥លានដុល្លារអាមេរិក»។ ...
របាយការណ៍

កូនប្រុស ឈុត វុទ្ធី សង្ស័យ​មន្ត្រីរដ្ឋាភិបាល នៅពីក្រោយ​ឃាតកម្ម​លើឪពុក

លោក ឆឺយ ឧត្ដមរស្មី ដែលជា«កូនប្រុស»លោក ឈុត វុទ្ធី បានសំដែងការសង្ស័យ ដោយត្រង់ៗថា គឺមន្ត្រីរដ្ឋាភិបាលកម្ពុជាតែម្ដង ដែលនៅពីក្រោយឃាតកម្ម បាញ់សម្លាប់លោក ឈុត វុទ្ធី ...