កម្ពុជាដំណឹង

សម រង្ស៊ី បន្ត​ទម្លាយ​ដំណឹង​ថា ហ៊ុន សែន ត្រៀមសម្លាប់ ហ៊ីង ប៊ុនហៀង

មេដឹកនាំប្រឆាំង បានបង្ហោះសារ ទាក់ទងនឹងផ្ទៃក្នុងរបស់គណបក្សប្រជាជនកម្ពុជា ជាបន្តទៀត។ ហើយលើកនេះ លោក សម រង្ស៊ី បានងាកមកឲ្យដំណឹង ទាក់ទងនឹងលោក ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងអង្គរក្ស របស់លោក ហ៊ុន សែន ម្ដង។

អ្វីដែលពិសេសជាងរាល់ដង គឺលើកនេះ លោក សម រង្ស៊ី បានលើកយកដំណឹង ដែលលោកអះអាងថា ទទួលបានពីមនុស្សជិតដិត របស់លោក ហ៊ីង ប៊ុនហៀង នៅកម្ពុជា រួមនឹងរូបថតច្រើនសន្លឹក មកបញ្ជាក់ជាអំណះអំណាងផង។

លោក សម រង្ស៊ី បានសរសេរ នៅលើទំព័រហ្វេសប៊ុករបស់លោកថា៖

«ហ៊ុន សែន ត្រៀមកម្ចាត់ ហ៊ីង ប៊ុនហៀង ដូចគាត់បានធ្វើចំពោះ ហុក ឡង់ឌី ដើម្បីបំបិទមាត់ជាស្ថាពរ។ ហ៊ីង ប៊ុនហៀង ដឹងរឿងច្រើនពេក ទាក់ទងអំពើឃាតកម្មទាំងឡាយ ដែល ហ៊ុន សែន បានបញ្ជាឲ្យគាត់ប្រព្រឹត្ត ដូចជា ការវាយប្រហារដោយគ្រាប់បែកដៃ នៅទីក្រុងភ្នំពេញ ថ្ងៃ ៣០ មិនា ១៩៩៧។»

«ឥឡូវនេះ ទាំងអាជ្ញាធរអាមេរិកាំង ទាំងអាជ្ញាធរបារាំង តាមចាប់ ហ៊ីង ប៊ុនហៀង យកទៅសួរចម្លើយ ឬក៏ហាមឃាត់មិនឲ្យ ហ៊ីង ប៊ុនហៀង មកជាន់ទឹកដីសហរដ្ឋអាមេរិក ឬប្រទេសបារាំង។ ពេលចាប់បាន យកទៅសួរចម្លើយ ហ៊ីង ប៊ុនហៀង ច្បាស់ជាឆ្លើយដាក់ ហ៊ុន សែន ហើយ ដូចគាត់បានបញ្ជាក់ ជាសាធារណៈរួចមកហើយថា អ្វីៗដែលគាត់បានធ្វើ គឺតាមបញ្ជា ហ៊ុន សែន ទាំងអស់។»

បើតាមមេដឹកនាំប្រឆាំង ដែលកំពុងរស់នៅនិរទេសខ្លួន នៅក្រៅប្រទេស បានពន្យល់ទៀតថា ទាំងលោក ហ៊ុន សែន និងទាំងលោក ហ៊ីង ប៊ុនហៀង សុទ្ធតែភ័យពីគ្នា ទៅវិញទៅមក។

លោកសរសេរបន្តថា៖

«ហ៊ុន សែន ក៏កំពុងតែភ័យខ្លាច ហ៊ីង ប៊ុនហៀង ដែរ ហើយបានបញ្ជាឲ្យគេតាមដាន ហ៊ីង ប៊ុនហៀង យ៉ាងស្អិត ព្រមទាំងបញ្ជា ឲ្យគេបង្កកដីធ្លីរបស់ ហ៊ីង ប៊ុនហៀង កុំឲ្យគាត់លក់ ដើម្បីប្រមូលលុយ ធ្វើសកម្មភាពប្រឆាំង ហ៊ុន សែន។»

នេះ មិនមែនជាលើកទីមួយទេ ដែលមានការផ្សាយដំណឹង ឬពាក្យចចាមអារាម ទាក់ទងនឹងនឹងមនុស្សជំនិត របស់លោកនាយករដ្ឋមន្ត្រី ហ៊ុន សែន។ កាលពីប៉ុន្មានថ្ងៃមុន គណនីហ្វេសប៊ុកមួយ បានអះអាងថា លោក ហ៊ីង ប៊ុនហៀង កំពុងត្រៀងមអមដំណើរ វិលចូលស្រុកវិញ របស់លោក សម រង្ស៊ី។

ប៉ុន្តែដំណឹងនោះ ត្រូវបានលោក ហ៊ីង ប៊ុនហៀង ចេញមុខមកបដិសេធចោល តាមរយៈប្រព័ន្ធឃោសនាក្នុងស្រុក។ លោកនៅបានព្រមានទៀតថា នឹងចាត់វិធានការ ដើម្បីប្រឆាំង នឹងការផ្សព្វផ្សាយ​ព័ត៌មាន​«បំភ្លៃ» ទាំងនេះផង។

កាលពីពាក់កណ្ដាលខែមិថុនា ឆ្នាំកន្លងទៅ លោក ហ៊ីង ប៊ុនហៀង ជាឥស្សរជនកម្ពុជាទីមួយ ដែលត្រូវបានក្រសួងរតនាគារអាមេរិក ដាក់ចូល​ក្នុង​បញ្ជីខ្មៅ ដែលត្រូវបង្កកទ្រព្យសម្បត្តិ បន្ទាប់ពីរដ្ឋាភិបាល នៃប្រទេសមហាអំណាច បានរកឃើញថា លោក ហ៊ីង ប៊ុន​ហៀង បានចូលរួមដោយផ្ទាល់ ក្នុងការរំលោភ​សិទ្ធិមនុស្ស​​ធ្ងន់ធ្ងរ ក្នុង​​រយៈ​ពេល​ជា​ច្រើន​​ឆ្នាំ​​ចុង​ក្រោយ​នេះ៕

» សំណេររបស់លោក សម រង្ស៊ី ទាំងស្រុង៖

០២ សីហា ២០១៩ / 02 August 2019 – Hing Bun Heang versus Hun Sen (*) ហ៊ុន សែន ត្រៀមកម្ចាត់ ហ៊ីង ប៊ុនហៀង…

Posted by Sam Rainsy on Friday, August 2, 2019


លំអិតបន្ថែមទៀត

កិច្ចសម្ភាស

កិច្ចសម្ភាស​សាក្សី​ដ៏​សំខាន់ ដែល​តាម​លង ហ៊ុន សែន

តើពាក្យសំដី​ដែលនិយាយចេញ ពីបបូរមាត់របស់នាយករដ្ឋមន្ត្រីកម្ពុជា លោក ហ៊ុន សែន និងមន្ត្រី​មួយ​ចំនួន ដែល​ជួយ​ទប់​អំណាច ឲ្យលោករហូតមកដល់សព្វថ្ងៃ មានលក្ខណៈដូចគ្នា ទៅនឹងសកម្មភាព នៅពី​ក្រោយ​ខ្នង​ដែរ​ឬទេ? គ្មាន​នរណា​បានដឹង ពីភាពខុសគ្នា​រវាងសំដី ...
កម្ពុជា

ហ៊ុន សែន បង្ហើបថា​នៅមាន​មណ្ឌល​​កម្សាន្ដ​មួយទៀត​ បន្ទាប់ពី​«រ៉ុក»

«យើងចាប់ផ្ដើមសកម្មភាព ពី”រ៉ុក”នេះមួយ» នេះ ជាការអះអាងឡើងរបស់លោកនាយករដ្ឋមន្ត្រី ហ៊ុន សែន ជុំវិញការបង្ក្រាបករណីគ្រឿងញៀន នៅមណ្ឌលកម្សាន្ដ«រ៉ុក» ក្នុងជំហាន​ឈានទៅបង្ក្រាបមណ្ឌលកម្សាន្ដមួយទៀត ដែលលោកមិនបានបញ្ចេញឈ្មោះឲ្យដឹង។ លោក ហ៊ុន សែន ...
កម្ពុជា

ផែង វណ្ណៈ ត្រូវ​បាន​ចាប់ខ្លួន​ទាក់ទង​ការបង្ហោះ​មួយ​អំពី ហ៊ុន សែន

៊លោក ផែង វណ្ណៈ មន្ត្រីយោធាមួយរូប ដែលគេស្គាល់ថា ជាអ្នកប្រើប្រាស់បណ្ដាញសង្គមដ៏ល្បី និងជាអ្នកគាំទ្រលោក ហ៊ុន សែន ដ៏មុតមាំនោះ ត្រូវបានកងកម្លាំងរាជអាវុធហត្ថ ចាប់ខ្លួន កាលពីព្រឹកថ្ងៃទី២ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...