ដំណឹងពិភពលោក

រដ្ឋាភិបាលហុងគ្រីថា ​ប្រមុខការទូត​ខ្លួន​«អវិជ្ជមានកូវីដ»​មុនមកដល់​កម្ពុជា

រដ្ឋាភិបាលហុងគ្រី បានអះអាងថា លោក ភីតធ័រ ស្ស៊ីយ៉ាតូ (Peter Szijjarto) ​​រដ្ឋមន្ត្រី​ការបរទេស និង​ពាណិជ្ជកម្ម​ របស់ខ្លួន មានលទ្ធផលតេស្ដិ៍​«អវិជ្ជមានកូវីដ» នៅមុនលោក​ធ្វើដំណើរ មកបំពេញទស្សនកិច្ចផ្លូវរដ្ឋ នៅក្នុងប្រទេសកម្ពុជា កាលពីថ្ងៃទី៣ ខែវិច្ឆិកា ឆ្នាំ២០២០ (សប្ដាហ៍មុន)។ នេះ បើតាមសេចក្ដីប្រកាសព័ត៌មាន ដែលចេញផ្សាយ នៅដើម​សប្ដាហ៍នេះ។

ទីភ្នាក់ងារព័ត៌មាន «MTI» របស់ប្រទេសហុងគ្រី ក៏បានអះអាងដូចគ្នាដែរថា លោក​រដ្ឋមន្ត្រី មានលទ្ធផលតេស្ដិ៍«អវិជ្ជមានកូវីដ» នៅមុនទស្សនកិច្ច នៅក្នុងប្រទេសអាស៊ាន ចំនួនពីរ៖ កម្ពុជា និងថៃ។

សេចក្ដីប្រកាសព័ត៌មាន របស់រដ្ឋាភិបាលហុងគ្រី បានអះអាង​ទៀតថា នៅពេលចេញ​ពីកម្ពុជា ទៅដល់ប្រទេសថៃ ក្នុង​ថ្ងៃ​អង្គារទី៣ ខែវិច្ឆិកាដដែល និងដោយ​អនុលោម តាម​វិធានសុខាភិបាល​របស់ប្រទេសថៃ  ប្រមុខការទូត​ហុងគ្រី ត្រូវឆ្លងកាត់​ការធ្វើតេស្ដិ៍ មុននឹង​ចាប់ផ្ដើមដំណើរទស្សនកិច្ចរបស់លោក នៅទីនោះ។

ជាអកុសល លទ្ធផលនៃការធ្វើតេស្ដិ៍ បានបង្ហាញថា លោក ភីតធ័រ ស្ស៊ីយ៉ាតូ មានផ្ទុកមេរោគកូវីដ-១៩ តែមិនមានរោគសញ្ញា ជាអ្នកជំងឺទេ។

រដ្ឋមន្ត្រីក្រសួងសុខាភិបាលថៃ លោក «Anutin Charnvirakul» បានថ្លែងប្រាប់ទីភ្នាក់ងារព័ត៌មាន «AP» ឲ្យដឹងថា មានតែលោក ភីតធ័រ ស្ស៊ីយ៉ាតូ តែម្នាក់ប៉ុណ្ណោះ ដែលផ្ទុកមេរោគកូវីដ-១៩ បន្ទាប់ពីលោកត្រូវបានធ្វើតេស្ដិ៍ រហូតដល់ទៅ២ដង។ ដោយឡែក មន្ត្រីហុងគ្រី១២នាក់ទៀត មានលទ្ធផលតេស្ដិ៍«អវិជ្ជមាន»។

ក្នុងដំណើរទស្សនកិច្ចមួយថ្ងៃ នៅក្នុងប្រទេសកម្ពុជា លោក ភីតធ័រ ស្ស៊ីយ៉ាតូ បានជួប​ជជែក-ចាប់ដៃ ជាមួយមន្ត្រីរដ្ឋាភិបាលក្រុងភ្នំពេញ ជាច្រើនសិបនាក់ រួមទាំងលោក​នាយករដ្ឋមន្ត្រី ហ៊ុន សែន ផង។

ក្នុងរូបថត​បង្ហោះព្រោងព្រាត នៅលើបណ្ដាញសង្គម ដែលបង្ហាញពីជំនួបពិសេសៗ រួមនឹងពិធីចុះហត្ថលេខា លើកិច្ចព្រមព្រៀងជាច្រើននោះ គេឃើញមន្ត្រីប្រតិភូហុងគ្រី​ទាំងអស់ បានពាក់ម៉ាក់ ផ្ទុយពីមន្ត្រីរដ្ឋាភិបាល​កម្ពុជា​មួយ​ភាគធំ (រួមនឹងលោក ហ៊ុន សែន) ដែលមិនបានពាក់ម៉ាស់។

មកដល់ថ្ងៃនេះ មន្ត្រីរដ្ឋាភិបាលកម្ពុជា មន្ត្រីរាជការ និងក្រុមគ្រួសាររបស់ពួកគេ រួមនឹង​អ្នកប៉ះពាល់ ដោយប្រយោលផ្សេងទៀត ចំនួនសរុប ១១៤៣នាក់ ត្រូវបានធ្វើតេស្ដិ៍ ដើម្បីស្វែង​រកមេរោគ «Covid-19» និងដាក់ឲ្យធ្វើចត្តាឡីស័ក ខណៈមន្ត្រីជាន់ខ្ពស់៣នាក់ និងអង្គរក្សម្នាក់ បានទទួលលទ្ធផលតេស្ដិ៍ «វិជ្ជមានកូវីដ»៕



You may also like

កម្ពុជា

សម រង្ស៊ី អួតអាង​ថា បាន​«ប្រៀនប្រដៅ ហ៊ុន សែន បានខ្លះហើយ»

លោកនាយករដ្ឋមន្ត្រី ហ៊ុន សែន កំពុងទទួលយក ការប្រៀនប្រដៅ «បានខ្លះហើយ» ពីប្រធានស្ដីទី គណបក្សប្រឆាំង លោក សម រង្ស៊ី ដែលអះអាងទៀតថា យ៉ាងហោចណាស់ ...
កម្ពុជា

Covid-19៖ កម្ពុជាមានករណី ស្លាប់ទី៥ និងការឆ្លង​កើនដល់​១៧៨៨នាក់

ប្រទេសកម្ពុជា បានប្រកាសឲ្យដឹង ពីករណីអ្នកជំងឺ«ស្លាប់ទី៥» ក្នុងព្រឹកថ្ងៃទី២៣ ខែមីនានេះ ពីក្នុងចំណោម​អ្នកជំងឺ​សរុប កើនឡើងដល់​ចំនួន១៧៨៨នាក់ ដែលត្រូវបានរកឃើញ ផ្ទុកមេរោគកូវីដ-១៩ (Covid-19) នៅទូទាំង​ប្រទេស។ នេះបើតាមសេចក្ដីប្រកាសព័ត៌មាន របស់ក្រសួងសុខាភិបាល​ដែលបានចេញ​នៅមុននេះបន្តិច។ ...
កម្ពុជា

Covid-19៖ កម្ពុជា​មាន​តួលេខ​ឆ្លង​សរុបថ្មី កើនឡើង​ជិត​២០០​នាក់

អ្នកឆ្លងជំងឺ «Covid-19» នៅក្នុងប្រទេសកម្ពុជា មានចំនួនសរុប កើនឡើងជិត២០០នាក់ បន្ទាប់ពីបានរកឃើញករណីថ្មី ចំនួន២៦នាក់បន្ថែមទៀត នៅថ្ងៃទី២១ ខែកក្កដានេះ ដែលសុទ្ធសឹងជាករណីនាំចូល។ សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...