កម្ពុជាដំណឹង

ទូតអាមេរិក​បើក​ការប្រកួត ឲ្យពលរដ្ឋ​ខ្មែរ​ទៅ​សិក្សា​នៅ​«បណ្ឌិតសភា​យោធា»

ពលរដ្ឋខ្មែរវ័យក្មេង រវាងពីអាយុ១៨ឆ្នាំ ដល់២២ឆ្នាំ ទាំងពីរភេទ អាចចុះឈ្មោះ ដើម្បីធ្វើការប្រកួតប្រជែង សម្រាប់ការសិក្សា នៅក្នុងសាលា«បណ្ឌិតសភា​យោធា»ដ៏ល្បីៗ របស់សហរដ្ឋអាមេរិក។ នេះ បើតាមការប្រកាសព័ត៌មាន របស់ស្ថានទូត នៃប្រទេសមហាអំណាច ក្នុងថ្ងៃសៅរ៍នេះ។

នៅលើទំព័រហ្វេសប៊ុករបស់ស្ថានទូត បានសរសេរឲ្យដឹងថា៖

«ការិយាល័យសហប្រតិបត្តិការយោធា នៃស្ថានទូតអាមេរិក នៅកម្ពុជា មានក្តីរីករាយ ក្នុងការអញ្ជើញប្រជាពលរដ្ឋកម្ពុជា វ័យក្មេង ឲ្យចូលរួមប្រកួត ដើម្បីចូលសិក្សា នៅសាលាបណ្ឌិត​សភាយោធា​មួយចំនួន នៅសហរដ្ឋអាមេរិក»

សាលាបណ្ឌិតសភាយោធាទាំងនោះ រួមមាន សាលាបណ្ឌិតសភា​យោធាអាមេរិក «West Point» សាលាបណ្ឌិតសភា​ទាហានជើងទឹកអាមេរិក នៅ «Annapolis» សាលាបណ្ឌិតសភា​កងទ័ពអាកាសអាមេរិក នៅ «Colorado Springs» និងសាលាបណ្ឌិតសភា​ឆ្មាំសមុទ្រអាមេរិក នៅ «New London»។

ស្ថានទូតបានបញ្ជាក់ទៀតថា ការប្រកួតប្រជែងនេះ ធ្វើឡើងសម្រាប់ថ្នាក់សិក្សាឆ្នាំ ២០២៤ ចំពោះនិស្សិតណា ដែលចូល​សិក្សា​ថ្នាក់បណ្ឌិតសភា ក្នុងខែកក្កដា ឆ្នាំ២០២០​នេះ។ ចំពោះព័ត៌មានបន្ថែម សូមចូលទៅពិគ្រោះគេហទំព័រ របស់ស្ថានទូត ដោយចុចនៅទីនេះ

គួរបញ្ជាក់ដែរថា មកដល់ពេលនេះ លោក ហ៊ុន ម៉ាណែត កូនប្រុសច្បងលោកនាយករដ្ឋមន្ត្រី ហ៊ុន សែន ទំនងជាពលរដ្ឋខ្មែរ​តែម្នាក់គត់ ដែលទទួលបានសញ្ញាប័ត្រ ពីសាលា​បណ្ឌិតសភា​យោធា «West Point» របស់សហរដ្ឋអាមេរិក។ បុរសអាយុ៤១ឆ្នាំរូបនេះ បានទទួលសញ្ញាប័ត្រ ពីសាលាដ៏ល្បីខាងលើ ក្នុងឆ្នាំ១៩៩៥៕

(English below) ការិយាល័យសហប្រតិបត្តិការយោធា នៃស្ថានទូតអាមេរិក នៅកម្ពុជា…

Posted by U.S. Embassy Phnom Penh, Cambodia on Friday, June 14, 2019


You may also like

កម្ពុជា

ហ៊ុន សែន៖ ការដក​ការអនុគ្រោះ​ពន្ធ គម្រាម​ដល់​ស្ថិរភាព និង​ការអភិវឌ្ឍ

លោកនាយករដ្ឋមន្ត្រី ហ៊ុន សែន បានប្រើវេទិកានៃកិច្ចប្រជុំកំពូលលើកទី៥ នៃសន្និសីទអន្តរសកម្មភាព និងវិធានការកសាងទំនុកចិត្តនៅអាស៊ី (CICA) ដើម្បីបរិហារសហរដ្ឋ​អាមេរិក និងសហភាពអ៊ឺរ៉ុប ដោយអះអាងថា ការដកហូតការអនុគ្រោះពន្ធ និងគោលនយោបាយ​គាំពារនិយម បាននិងកំពុងគម្រាម​ដល់ស្ថិរភាព ...
ដំណឹង

តំណាងរាស្ត្រវ័យក្មេងអាមេរិក វាយបក ថិត យ៉ូហូ ដែលហៅនាង«សំផឹង»

តំណាងរាស្ត្រវ័យក្មេង របស់គណបក្សប្រជាធិបតេយ្យ កញ្ញា អាឡិចសង់ដ្រា អូកាស៊ីយ៉ូ-ក័រទេស (Alexandria Ocasio-Cortez) បានថ្លែងវាយបក ទៅតំណាងរាស្ត្រ​របស់គណបក្សសាធារណរដ្ឋ លោក ថិត យ៉ូហូ (Ted ...
រូបភាពចំអក របស់សកម្មជនការពារសេរីភាពសារព័ត៌មាន នៅក្នុងប្រទេសវៀតណាម។ (រូបភាពរបស់ RSF)
ទស្សនៈប្រិយមិត្ត

លិខិតប្រិយមិត្ត៖ «ទិវាសិទ្ធិមនុស្ស ខណៈនិន្នាការ​ផ្ដាច់ការនិយម​កើនឡើង»

ក្នុងខែធ្នូនេះ​ នៅពេលដែលអង្គការ​សហប្រជាជាតិ​ប្រារព្ធ«ទិវាសិទ្ធិមនុស្ស» ពិភពលោក​ទាំងមូល​​កំពុងតែពើបប្រទះ នូវបញ្ហាប្រឈមនានា ចំពោះមុខ​លទ្ធិប្រជាធិបតេយ្យ និងសិទ្ធមនុស្ស។ របបផ្តាច់ការនានា កំពុងតែបន្តគាបសង្កត់សង្កិន ពួកអ្នកប្រឆាំង ឬអ្នកដែលតវ៉ា​ទាមទារសិទ្ធិស៊ីវិល ជាមូលដ្ឋាន។ បណ្តារដ្ឋដែលប្រកាន់របបប្រជាធិបតេយ្យ ក៏កំពុង​ដោះស្រាយនូវរលក ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...