ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង បន្ទាប់ពីក្រុមមាន់គកបារាំង បានប្រកួតចាញ់ក្រុមអាហ្សង់ទីន ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ នាយប់ថ្ងៃអាទិត្យ ទី១៨ ខែធ្នូ នៃព្រឹត្តិការណ៍បាល់ទាត់ពិភពលោក នៅប្រទេសកាតា ឆ្នាំ២០២២។

នៅក្រោយការលួងលោម-លើកទឹកចិត្តនោះ លោកប្រធានាធិបតី​បានថ្លែងទៅកាន់​អ្នកសារព័ត៌មានថា៖

«អឹមបាពេ ជាកីឡាករដ៏ចំណានអស្ចារ្យម្នាក់ និងមានវ័យក្មេងនៅឡើយ។ ខ្ញុំបាននិយាយជាមួយ អឹមបាពេ ថា អ្នកទើបតែមានអាយុ២៤ឆ្នាំ (តាមពិត ២៣ឆ្នាំ) ប៉ុណ្ណោះ តែអ្នកឯងបានក្លាយ ជាកីឡាករទាត់បាល់​បញ្ចូលទី បានច្រើនជាងគេបង្អស់ នៅក្នុងព្រឹត្តិការណ៍​បាល់ទាត់​ពិភពលោក​លើកនេះ។ អ្នកបានឈ្នះពានរង្វាន់ម្ដងហើយ (នៅឆ្នាំ២០១៨) ហើយនៅឆ្នាំនេះ អ្នកបានឡើងមកដល់វគ្គផ្ដាច់ព្រ័ត្រ។»

លោក ម៉ាក្រុង បន្តថា៖

«ខ្ញុំក៏មានការខកចិត្ត ដូចគ្នាអញ្ចឹងដែរ។ ខ្ញុំបាននិយាយទៀតថា អ្នកឯងបានផ្ដល់មោទនភាពខ្លាំងក្លាណាស់ សម្រាប់យើង (ប្រទេសបារាំង) ហើយនៅចុងក្រោយ អ្នកឯងគ្រាន់តែចាញ់ការប្រកួតបាល់ទាត់ មួយប្រកួតប៉ុណ្ណោះ។ អញ្ចឹង វាមិនមានអ្វីជាធំដុំទេ តែវាជាកីឡា ដែលតម្រូវឲ្យមានការចាញ់ និងឈ្នះ។»  

ក្នុងព្រឹត្តិការណ៍បាល់ទាត់ពិភពលោក ឆ្នាំ២០២២ កីឡាករល្បឿនផ្លេកបន្ទោរ ឬហៅថា«អណ្ដើកទេព» រកបានគ្រាប់បាល់៨គ្រាប់ លើសកីឡាករម្ចាស់បាល់មាស៧ជំនាន់ លីយ៉ូនែល ម៉េស៊ី (Lionel Messi) ដែលរកបានត្រឹមតែ៧គ្រាប់។ ជាពិសេស កីឡាករ អឹមបាពេ ថែមទាំងបំបាក់ឯកត្តកម្ម នៃកីឡាករដែលរកគ្រាប់បាល់ បានច្រើនជាងគេ នៅក្នុងការប្រកួតផ្ដាច់ព្រ័ត្រ ដោយរកបានគ្រាប់បាល់លើកនេះ បានដល់ទៅ៣គ្រាប់តែឯង ខណៈកីឡាករ ម៉េស៊ី រកបាន២គ្រាប់៕



You may also like

កំសាន្ដ

កូនឈើ​ដែល ម៉ាក្រុង ដាំ​រួមគ្នា​ជាមួយ ត្រាំ បានងាប់​បាត់​ហើយ

កូនឈើដែលជាអំណោយរបស់ប្រធានាធិបតីបារាំង ហើយដែលត្រូវបានថតរូប ឃើញប្រធានាធិបតីនៃប្រទេសទាំងពីរដាំរួមគ្នា បានងាប់​បាត់​ហើយ នៅខណៈទំនាក់ទំនងរវាងអាមេរិក និងបារាំង ហាក់បន្តជួបភាពរកាំរកូស។ រូបថតនៃការដាំកូនឈើរួមគ្នានោះ ជានិមិត្តរូបមួយ នៃទំនាក់ទំនងរវាងប្រទេសទាំងពីរ និងជាពិសេស នៅក្នុងដំណើរទស្សនកិច្ចដំបូង របស់ប្រធានាធិបតីបារាំង ...
ដំណឹង

ប្រទេស​បារាំង​ត្រៀម​ទទួល​រលក​បាតុកម្ម​អាវ​កាក់​លឿង ជា​លើក​ទី៥

ក្នុងថ្ងៃសៅរ៍ ទី១៥ ខែធ្នូ ឆ្នាំ២០១៨នេះ ក្រុមបាតុករអាវកាក់លឿង បានគ្រោងធ្វើបាតុករ នៅសឹងតែគ្រប់តំបន់ទាំងអស់ នៃប្រទេសបារាំង។ វារលកបាតុកម្មលើកទី៥ សម្រាប់៥សប្ដាហ៍ជាប់ៗគ្នា។ ខាងអាជ្ញាធរវិញ បានត្រៀមវិធានការ ដើម្បីទប់ទល់ ...
កីឡា និងបច្ចេកវិទ្យា

ក្រុមប៉ារីស​នឹងចាត់ការ​​តប​ក្រុម​រៀល បើនៅ​​បង្អើល ណីម៉ា និង អ៊ឹមបាពេ

កាលពីដើមសប្ដាហ៍មុន លោក ផ្លរ៉ង់ទីណូ ប៉េរេស (Florentino Pérez) ប្រធានក្រុមរៀល បានបង្អើលពាក្យប៉ុន្មានម៉ាត់ ថាលោកត្រៀមខ្លួន ទិញកំពូលកីឡាករពីររូប ពីក្រុមប៉ារីស គឺកីឡាករ ណីម៉ា ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...