នៅក្នុងពិធីប្រគល់ពានរង្វាន់បាល់មាស កាលពីយប់ម៉ិញ ក្នុងវិមាន«ធំ» កណ្ដាលរដ្ឋធានីប៉ារីស ប្រទេសបារាំង កំពូលខ្សែប្រយុទ្ធល្បឿនរន្ទះ កីឡាករ គីលីយ៉ាន អ៊ឹមបាប៉េ (Kylian Mbappé) មិនបានឈ្នះ ជាម្ចាស់«បាល់មាស»ប្រចាំឆ្នាំទេ ដោយទទួលបានចំណាត់ថ្នាក់ ត្រឹមតែលេខ៤ប៉ុណ្ណោះ។ តែផ្ទុយទៅវិញ កីឡាករវ័យ១៩ឆ្នាំរូបនេះ ត្រូវបានជ្រើសតាំង ជាកំពូលកីឡាករវ័យក្មេង ដែលមានទេពកោសល្យជាងគេ សម្រាប់ឆ្នាំ២០១៨ ឬហៅថា ពានរង្វាន់ «កូប៉ា (Kopa)»។

ពានរង្វាន់ «កូប៉ា» ឬហៅពេញ រ៉េម៉ុង កូប៉ា (Raymond Kopa) ទើបត្រូវបានបង្កើតឡើង ក្នុងឆ្នាំ២០១៨នេះ ដើម្បីអមក្នុងពិធីប្រគល់ពានរង្វាន់ «បាល់មាស»។ តែពាន «កូប៉ា» សម្រាប់ប្រគល់ជូន ទៅដល់កំពូលកីឡាករណា ដែលមានវ័យក្មេង ក្រោម២១ឆ្នាំប៉ុណ្ណោះ។

កីឡាករ គីលីយ៉ាន អ៊ឹមបាប៉េ ដែលជាខ្សែប្រយុទ្ធ របស់ក្រុមប៉ារីស (Paris Saint-Germain) បានឈ្នះពានរង្វាន់បាល់ទាត់ពិភពលោក ឆ្នាំ២០១៨ ដែលបានប្រព្រឹត្តិទៅ ក្នុងប្រទេសរ៉ុស្ស៊ី កាលពីប៉ុន្មានខែមុន។ នៅក្នុងព្រឹត្តិការណ៍នោះ កីឡាកររកបានគ្រាប់បាល់ បួនគ្រាប់ ដោយមួយគ្រាប់ ត្រូវបានកីឡាកររកបាន នៅក្នុងការប្រកួតផ្ដាច់ព្រ័ត្រ ទល់នឹងក្រុមក្រូអាស៊ី។

កីឡាករវ័យក្មេង ត្រូវបានជ្រើសរើស ឲ្យឈ្នះពានរង្វាន់នេះ ដោយការបោះឆ្នោត ទទួលការស្រឡាញ់ចូលចិត្ត ពីសំណាក់អតីតកំពូលកីឡាករ ចំនួន៣៣នាក់ ដែលសុទ្ធសឹងធ្លាប់ជាម្ចាស់បាល់មាស់ និងដែលនៅមានជីវិត ក្នុងនោះមានដូចជា លោក «Franz Beckenbauer» «Michel Platini» «Jean-Pierre Papin» «Marco Van Basten» និងលោក «Zinédine Zidane» ជាដើម៕



You may also like

កីឡា និងបច្ចេកវិទ្យា

ប៉ារីស ចាញ់ ដ័រមូន ក្នុង​ការប្រកួត​«ទៅ» ក្រោមថ្វីជើងខ្សែប្រយុទ្ធអាយុ​១៩ឆ្នាំ

CHAMPIONS LEAGUE ៖ កីឡាករ «Erling Haaland» ខ្សែប្រយុទ្ធ​អាយុ១៩ឆ្នាំ​របស់ក្រុម ដ័រមូន (Borussia Dortmund – អាល្លឺម៉ង់) បានរកបាន​គ្រាប់បាល់​ពីរគ្រាប់​តែឯង បំបាក់ក្រុម ប៉ារីស ...
កីឡា និងបច្ចេកវិទ្យា

ណីម៉ា រង​បណ្ដឹង​ពី​«បទរំលោភ»​យុវតី​​ម្នាក់ ក្នុង​សណ្ឋាគារ​កណ្ដាល​​ប៉ារីស

ណីម៉ា (Neymar Jr) កំពូលខ្សែប្រយុទ្ធ និងជាតារាបាល់ទាត់ របស់ក្រុមប៉ារីសសាំងហ្សែរម៉ាំង (Paris Saint-Germain) បានរងបណ្ដឹងមួយ ពី«បទរំលោភ»សេពសន្ធវៈ។ បណ្ដឹងនេះ ត្រូវបានដាក់ឡើងទៅប្រព័ន្ធយុត្តិធម៌ នៃក្រុង ...
កីឡា និងបច្ចេកវិទ្យា

លីយ៉ូនែល ម៉េស៊ី នឹងមកដល់ ប៉ារីស ក្នុងប៉ុន្មានម៉ោង​ខាងមុខ

បន្ទាប់ពីបានធ្វើឲ្យទន្ទឹង តាំងពីរសៀលថ្ងៃអាទិត្យមក កំពូលខ្សែប្រយុទ្ធ ម្ចាស់បាល់មាស៦ជំនាន់ នឹងមកដល់​រដ្ឋធានី ប៉ារីស ក្នុងប៉ុន្មានម៉ោង​ខាងមុខ (ថ្ងៃអង្គារទី១០ ខែសីហា) តាមជើងយន្ដហោះឯកជនមួយ។ ជាព័ត៌មានក្ដៅ ដែល​បាន​​បង្កភាពរំជើបរំជួល នៅក្នុងពិភពបាល់ទាត់អ៊ឺរ៉ុប ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...