កំពូលខ្សែប្រយុទ្ធជាតិអាហ្សង់ទីន កីឡាករ លីយ៉ូនែល ម៉េស៊ី (Lionel Messi) ពិតជាមានវត្តមានជាមួយក្រុម ប៉ារីស (Paris Saint Germain) និងបានធ្វើដំណើរមកដល់ក្រុង រ៉ាំម (Reims) ហើយ នៅវេលាម៉ោងប្រមាណជា ១៣និង៣០នាទី រសៀលថ្ងៃអាទិត្យនេះ ដើម្បីត្រៀម«ប្រកួត​ជាលើកដំបូង» ក្នុងក្របខណ្ឌ«Ligue 1» រាប់ចាប់ពីកីឡាករម្ចាស់បាល់មាស់៦ជំនាន់ បានចុះហត្ថលេខា​លេងឲ្យក្រុមយក្សបារាំង កាលពីដើមខែសីហាកន្លងមក។

ក្រុមបាល់ទាត់នៃក្រុង រ៉ាំង នឹងទទួលប្រកួតទល់នឹងក្រុម ប៉ារីស ក្នុងយប់ថ្ងៃអាទិត្យ នាប៉ុន្មានម៉ោងខាងមុខ (ចាប់ផ្ដើមនៅ​ម៉ោង​២០និង៤៥នាទី ម៉ោងក្នុងស្រុក) ដែលជាការប្រកួតជុំទី៤ នៃក្របខណ្ឌបូកពិន្ទុដណ្ដើមជើងឯក របស់ប្រទេសបារាំង។

នៅលើបណ្ដាញសង្គម រូបភាពជាច្រើន នៃដំណើរមកដល់របស់កីឡាករ ម៉េស៊ី ត្រូវបានបង្ហោះព្រោងព្រាត ខណៈតម្លៃសំបុត្រ​ (ដែលលក់ក្រៅផ្លូវការ) សម្រាប់ចូលទស្សនាការប្រកួត ត្រូវបានរាយការណ៍ឲ្យដឹងថា បានហក់ឡើងរហូតដល់៤០០អ៊ឺរ៉ូ ក្នុងមួយកន្លែង។

ក្រៅពីកីឡាករ ម៉េស៊ី ក្រុមប៉ារីសនៅមានខ្សែប្រយុទ្ធល្បឿនផ្លេកបន្ទោរ កីឡាករ គីលីយ៉ាន អឹមបាពេ (Kylian Mbappé) និងកីឡាករ ណីម៉ា (Neymar) នៅក្នុងដំណើរឆ្ពោះទៅកាន់ការប្រកួតនេះដែរ។

នៅខណៈនេះ ក្រុមកីឡាកររបស់ក្រុម ប៉ារីស បានចូលទៅសម្រាក និងទទួលទានអាហារថ្ងៃត្រង់ ក្នុងសណ្ឋាគារ«Continental» ដែលត្រូវបាន«ម៉ៅផ្ដាច់» សម្រាប់តែទទួលក្រុមបាល់ទាត់ខាងលើ។ សុវត្ថិភាព និងសន្តិសុខក៏ត្រូវបានរឹតបន្តឹងដែរ នៅក្នុងសង្កាត់​ជុំវិញសណ្ឋាគារ។

ក្រុមប៉ារីស នឹងចាកចេញពីសណ្ឋាគារ ហើយធ្វើដំណើរតាមរថយន្ដទេសចរណ៍ ដ៏ធំទំនើប ឆ្ពោះទៅកាន់កីឡដ្ឋាន«Auguste-Delaune»នៃក្រុង រ៉ាំង នៅវេលាម៉ោង​ប្រមាណជា១៨ល្ងាចនេះ៕



លំអិតបន្ថែមទៀត

កីឡា និងបច្ចេកវិទ្យា

គេហដ្ឋាន​កីឡាករ ទីចាហ្គោ ស៊ីលវ៉ា រង​ការចូលលួច ខណៈ​កំពុង​ប្រកួត

ការប្រកួត ក្នុងយប់ថ្ងៃសៅរ៍ទី ២២ ខែធ្នូ ជាការប្រកួតចុងក្រោយបំផុត នៃឆ្នាំ២០១៨ សម្រាប់​ក្របខណ្ឌ បូកពិន្ទុដណ្ដើមជើងឯក «Ligue 1» ក្នុងប្រទេសបារាំង។ ហើយក្រុមប៉ារីស (Paris ...
កីឡាករ ទីចាហ្គោ ស៊ីវ៉ា (បែរខ្នង) និងកីឡាករ អេឌីសុន កាវ៉ានី នៃក្រុមប៉ារីស (បារាំង)។ (រូបថតទ្វីសធើរ)
កីឡា និងបច្ចេកវិទ្យា

ទីចាហ្គោ ស៊ីលវ៉ា និង កាវ៉ានី នឹង​ចេញ​ពីក្រុម ប៉ារីស នៅចុង​រដូវកាល

លោក ឡេអូណាដូ (Leonardo) នាយកទទួលបន្ទុកកីឡា​នៃក្រុម ប៉ារីស (Paris Saint Germain – បារាំង) បានបញ្ជាក់ជាផ្លូវការថា តារាបាល់ទាត់ពីរនាក់ ដែលបានចូលរួម​បង្កភាពល្បីល្បាញ​ឲ្យក្រុម ...
កីឡា និងបច្ចេកវិទ្យា

ណីម៉ា សម្រេចបន្តនៅជាមួយក្រុម ប៉ារីស

បន្ទាប់ពីឆ្លងកាត់សង្គ្រាមប៉ាកកា អស់រយៈពេលជាច្រើនសប្ដាហ៍ ជុំវិញការវិលត្រឡប់ទៅក្រុម បាសឺឡូន (Barcelone FC) វិញនោះ នៅខណៈនេះ កីឡាករ ណីម៉ា ដែលមានតម្លៃខ្លួនខ្ពស់ជាងគេ បានសម្រេចបន្តនៅ ជាមួយក្រុម ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.