កីឡា និងបច្ចេកវិទ្យាបាល់ទាត់

ណីម៉ា សម្រេចបន្តនៅជាមួយក្រុម ប៉ារីស

បន្ទាប់ពីឆ្លងកាត់សង្គ្រាមប៉ាកកា អស់រយៈពេលជាច្រើនសប្ដាហ៍ ជុំវិញការវិលត្រឡប់ទៅក្រុម បាសឺឡូន (Barcelone FC) វិញនោះ នៅខណៈនេះ កីឡាករ ណីម៉ា ដែលមានតម្លៃខ្លួនខ្ពស់ជាងគេ បានសម្រេចបន្តនៅ ជាមួយក្រុម ប៉ារីស (Paris Saint Germain – PSG) សម្រាប់រដូវកាល ឆ្នាំ២០១៩-២០២០។

សារព័ត៌មានបារាំង «L’Equipe» ដែលមានជំនាញខាងកីឡា បានធ្វើសេចក្ដីរាយការណ៍ កាលពីយប់ម្សិលមិញថា គឺកំពូលខ្សែប្រយុទ្ធជាតិប្រេស៊ីល ដែលបានប្រកាសប្រាប់មនុស្សនៅជុំវិញ អំពីការសម្រេចរបស់ខ្លួន និងស្នើឲ្យពួកគេបញ្ឈប់រាល់ការចរចា។

ភាគីរបស់កីឡាករ ណីម៉ា ដែលត្រៀមបន្ថែមប្រាក់ ២០លានអ៊ឺរ៉ូ ចូលក្នុងកិច្ចពិភាក្សា ដើម្បីផ្ទេររូបខ្លួន ពីក្រុម ប៉ារីស ត្រឡប់ទៅក្រុម បាសឺឡូន វិញនោះ ក៏បានបញ្ជាក់ប្រាប់ក្រុមបាល់ទាត់ទាំងសងខាង ឲ្យដឹងពីដំណឹងខាងលើ ហើយថាកីឡាករ នឹងបន្តនៅទាត់ឲ្យក្រុម ប៉ារីស មួយរដូវកាលទៀត។

យ៉ាងណា គេមិនទាន់ឃើញក្រុម ប៉ារីស បញ្ចេញប្រតិកម្ម ឬសេចក្តីប្រកាសព័ត៌មាន ជាផ្លូវការនៅឡើយ អំពីដំណឹងមួយនេះ។

ក្នុងចុងរដូវកាលកន្លងមក កីឡាករ ណីម៉ា បានប្រកាសប្រាប់ក្រុម ប៉ារីស ដែលបានទិញខ្លួនពីក្រុម បាសឺឡូន អស់ថ្លៃ២២២លានអ៊ឺរ៉ូ កាលពីឆ្នាំ២០១៧ អំពីបំណងចាកចេញពីក្រុម និងចង់ត្រឡប់ទៅលេង ក្នុងប្រទេស អេស្ប៉ាញ វិញ។

ប៉ុន្តែតម្លៃខ្លួនដ៏ខ្ពស់ របស់កីឡាករ មិនអនុញ្ញាតឱ្យក្រុម បាសឺឡូន ឬក្រុមណាមួយផ្សេង អាចមានលទ្ធភាពចំណាយ ក្នុងមួយពព្រិចភ្នែក ដើម្បីទិញយកកីឡាករឡើយ។ ហើយការចរចា ដើម្បីឲ្យមានការដោះដូរ ជាមួយកីឡាករផ្សេងទៀត (បូកបន្ថែមដោយប្រាក់រាប់លាន) គឺជាចំណោទដ៏ចាក់ស្រេះ រកការសម្រុះសម្រួល ពីគ្រប់ភាគីមិនបាន ខណៈកាលកំណត់ នៃការផ្ទេរកីឡាករ នឹងត្រូវបិទទ្វារជាផ្លូវការ នៅថ្ងៃទី៣ ខែកញ្ញា ខានស្អែកនេះ៕



You may also like

កីឡា និងបច្ចេកវិទ្យា

ណីម៉ា ចេញ​ពីក្រុម ប៉ារីស ទៅក្រុម​«Al-Hilal»​នៅអារ៉ាប៊ីសាអ៊ូឌីត

ដំណឹងដែលលេចឮ តាំងពី១-២សប្ដាហ៍មុន ត្រូវបានក្រុម ប៉ារីស (Paris Saint Germain – បារាំង) ប្រកាសជាផ្លូវការ នៅមុននេះបន្តិច។ ខ្សែប្រយុទ្ធជាតិប្រេស៊ីលដ៏ល្បី កីឡាករ ...
កីឡាករ ណីម៉ា និង អ៊ឹមបាពេ ខ្សែប្រយុទ្ធរបស់ក្រុម ប៉ារីស។ (រូបថត UEFA)
កីឡា និងបច្ចេកវិទ្យា

Champions League៖ ប៉ារីស បំបាក់ អាតាឡង់តា ឡើងទៅ«១/២»

បន្ទាប់ពីរង់ចាំអស់ជាច្រើនទសវត្សរ៍ ក្រុម ប៉ារីស (Paris Saint-Germain – បារាំង) បានឡើងដល់វគ្គ«១/២» ក្របខណ្ឌ «Champions League» ដោយបំបាក់ក្រុម អាតាឡង់តា ...
កីឡា និងបច្ចេកវិទ្យា

កីឡាករមួយរូបទៀត​របស់ក្រុម ប៉ារីស រងការគាស់ផ្ទះជាថ្មី

អាចថា ចុងឆ្នាំនេះ កីឡាកររបស់ក្រុម ប៉ារីស (Paris Saint-Germain) មានសំណាងមិនល្អ… ឬបើមិនអញ្ចឹងទេ គឺស្រុកបារាំង ជាស្រុកដែលសម្បូរ ដោយចោរគាស់ផ្ទះ!!! ពីរថ្ងៃបន្ទាប់ពីគ្រោះ របស់ខ្សែការពារ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...