កីឡា និងបច្ចេកវិទ្យាបាល់ទាត់

តុលាការ​ប្រេស៊ីល​សម្រេច​មិនចាត់ការ​បណ្ដឹង​ប្រឆាំង ណីម៉ា ពីបទ​រំលោភ

ចៅក្រមមួយរូបនៃតុលាការក្រុង សាវប៉ាវឡូ (Sao Paulo – ប្រេស៊ីល) បានសម្រេចបិទសំណុំរឿង មិនចាត់ការតាមបណ្ដឹងរបស់ស្ត្រីបង្ហាញម៉ូដ ដែលបានប្ដឹងកំពូលខ្សែប្រយុទ្ធ កីឡាករ ណីម៉ា (Neymar) ពីបទរំលោភ សេពសន្ធវៈ ប្រព្រឹត្តិក្នុងបន្ទប់សណ្ឋាគារមួយ នៅរាជធានី ប៉ារីស កាលពីពាក់កណ្តាលខែឧសភា។

អ្នកនាំពាក្យតុលាការក្រុង សាវប៉ាវឡូ ត្រូវបានស្រង់សំដីដោយទីភ្នាក់ងារព័ត៌មានបារាំង «AFP» មកបញ្ជាក់ថា ចៅក្រមជំនាញក្នុងសំណុំរឿងហិង្សាលើស្ត្រី អ្នកស្រី «Ana Paula Vieira de Moraes» បានយល់ស្របតាមការស្នើសុំ របស់រដ្ឋអាជ្ញា ដែលធ្វើឡើងកាលពីថ្ងៃព្រហស្បតិ៍ ឲ្យមានការលើកលែងការចោទប្រកាន់ ដោយហេតុបណ្ដាលមកពីគ្មានភស្តុតាងគ្រប់គ្រាន់។

អ្នកនាំពាក្យបានបញ្ជាក់ទៀតថា៖

«អ្នកស្រីចៅក្រម បានសម្រេចឲ្យបិទសំណុំរឿង។»

កាលពីដើមខែមិថុនា ពាក្យបណ្ដឹងដ៏ភ្ញាក់ផ្អើល ប្រឆាំងកីឡាករ ណីម៉ា ត្រូវបានស្ត្រីបង្ហាញម៉ូដ នាង «Najila Trindade» ដាក់ឡើងទៅស្នងការនគរបាលក្រុង សាវប៉ាវឡូ ជុំវិញហេតុការណ៍ដែលម្ចាស់បណ្ដឹង អាយុ៣៦ឆ្នាំរូបនេះ អះអាងថា ជាការចាប់រំលោភ​សេពសន្ធវៈដោយហិង្សា និងបានកើតឡើង កាលពីថ្ងៃទី១៥ ខែឧសភា ក្នុងសណ្ឋាគារ សូហ្វីតែល (Sofitel) ក្នុងសង្កាត់ «Arc de Triomphe» ដ៏ល្បីកណ្ដាលរដ្ឋធានីប៉ារីស ប្រទេសបារាំង។

សម្រាប់កីឡាករខ្សែប្រយុទ្ធ របស់ក្រុម ប៉ារីសសាំងហ្សែរម៉ាំង (Paris Saint-Germain) បានហៅ​ពាក្យបណ្ដឹងនោះ ថាមានលក្ខណៈជាជំហាន ទៅរកការ«ជំរិត» បន្ទាប់ពីយុវតីម្ចាស់បណ្ដឹង បានរាយ«អន្ទាក់»ដាក់ខ្លួនរួច។

កាលពីប៉ុន្មានម៉ោងមុន កីឡាករខ្លួនឯង បានបង្ហោះសារ នៅបណ្ដាញសង្គម បង្ហាញពីការធូរស្រាលរបស់ខ្លួន នៅចំពោះការសម្រេច របស់តុលាការ។ ណីម៉ា បានសរសេរថា៖

«រឿងរ៉ាវនេះ នឹងមិនត្រូវបានបំភ្លេចឡើយ ក្រោមហេតុផលច្រើនយ៉ាង ជាពិសេសព្រោះវាបង្កទុក្ខ ដល់ខ្ញុំ គ្រួសារខ្ញុំ និងមនុស្សដែលស្គាល់ខ្ញុំ (…) ខ្ញុំមិនចង់និយាយថា ខ្ញុំសប្បាយចិត្ត [នឹងការសម្រេចរបស់តុលាការ] ទេ។ តែខ្ញុំគ្រាន់តែ មានការធូរស្រាលច្រើនជាង៕»



លំអិតបន្ថែមទៀត

កីឡា និងបច្ចេកវិទ្យា

អ្នកចាំទីក្រុម រៀល ចុះហត្ថលេខា​៤ឆ្នាំ លេង​ឲ្យ​ក្រុម ប៉ារីស

ក្នុងល្ងាចថ្ងៃចន្ទនេះ «អតីត»អ្នកចាំទីរបស់ក្រុម រៀល (Real Madrid) និងធ្លាប់លើកពានអ៊ឺរ៉ុបបីជំនាន់ កីឡាករ កីល័រ ណាវ៉ាស់ (Keylor Navas) បានចុះហត្ថលេខា លេង​ឲ្យ​ក្រុម ...
កីឡា និងបច្ចេកវិទ្យា

ផ្អាក​ជាង​៣ខែ​ព្រោះ​«Covid-19» ក្រុមប៉ារីស​វិល​មកលត់​ក្រុម​អាវ្រ ៩-០

តែជ័យជំនះ ៩-០ មួយនេះ មិនគួរត្រូវបានអ្នកផងស្រែកអបអរទេ ដោយហេតុថា ក្រុម​អាវ្រ (Havre) ស្ថិតក្នុងក្របខណ្ឌ «Ligue 2» និងមានកីឡាករចូលទាត់ មិនគ្រប់​ជើង​ធំៗផងទេ ខណៈក្រុមប៉ារីស ...
កំសាន្ដ

តារា«X»ធ្វើឈុត​រួមរ័ក ក្នុង​រថយន្ដ​«ស្វ័យបើកបរ»លើ​ផ្លូវល្បឿន​លឿន

តារាសម្តែង«X»អាមេរិក នាង «Taylor Jackson» បានបង្កើតឈុតឆាកក្ដៅសាច់ ជាមួយមិត្តប្រុសរបស់នាង នៅក្នុងរថយន្ដ «Tesla ស្វ័យបើកបរ» នៅលើថ្នល់ល្បឿនលឿន (HighWay)។ ជាឈុតឆាកដំបូងគេ សម្រាប់ការសាកល្បង​រថយន្ដទំនើប ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...