កីឡា និងបច្ចេកវិទ្យាបាល់ទាត់

Champions League៖ ប៉ារីស ផ្ដល់​មេរៀន​ឲ្យ មេនញ៉ូ​ ដល់ផ្ទះ ២-០

យប់ថ្ងៃទី១២ ខែកុម្ភៈ ឆ្នាំ២០១៩នេះ ទោះបីក្រុម ប៉ារីស (Paris Saint-Germain – បារាំង) មិនមានវត្តមានរបស់ខ្សែប្រយុទ្ធធំៗទាំងពីរ គឺកីឡាករ ណីម៉ា (Neymar) និងកីឡាករ កាវ៉ានី (Edinson Cavani) ក៏ដោយ តែក្រុម ប៉ារីស​ បានបំបាក់​ក្រុម​បីសាច​ក្រហម មែនឆេស្ទ័រយូណាយធីត (Manchester United – អង់គ្លេស) ដល់ផ្ទះ ដោយគ្រាប់បាល់ ២-០ ។

ជាការប្រកួត«ទៅ» វគ្គ១ភាគ៨ផ្ដាច់ព្រ័ត្រ (ឬវគ្គ១៦ក្រុម) រវាងក្រុមទាំងពីរ ក្នុងក្របខណ្ឌដណ្ដើមជើងឯកអ៊ឺរ៉ុប «Champions League» ប្រចាំឆ្នាំ ២០១៨-២០១៩ ដែលប្រព្រឹត្តិទៅ ក្នុងកីឡដ្ឋាន «Old Trafford» របស់ក្រុម មេនញ៉ូ (ចក្រភពអង់គ្លេស)។

ក្រៅពីអវត្តមាន របស់ខ្សែប្រយុទ្ធដ៏សំខាន់របស់ខ្លួន ក្រុមប៉ារីសនៅមានចន្លោះប្រហោងជាច្រើនទៀត នៅក្នុងខ្សែបម្រើរបស់ខ្លួន ដោយហេតុថា កីឡាករខ្សែបម្រើ ដែលក្រុមនេះបានទិញមក នៅមិនទាន់ទទួលបានការទុកចិត្ត ពីគ្រូបង្វឹក លោក ថូម៉ាស ធូហ៊ែល (Thomas Tuchel) នៅឡើយ។

លោក ធូហ៊ែល ចាំបាច់ត្រូវដាក់កីឡាករផ្សេងទៀត ដែលស្គាល់ក្រឡាលេងច្បាស់ ដើម្បីផ្គុំជាមួយកីឡាករ ម៉ាកូ វ៉ែរ៉ាទី (Marco Verratti) ដែលជាខ្សែបម្រើអាជីព នៅជាមួយក្រុមប៉ារីស តាំងពីច្រើនឆ្នាំមកហើយ។

នៅក្នុងពាក់កណ្ដាលម៉ោងដំបូង ក្រុមទាំងពីរមានសាច់បាល់ប្រហាក់ប្រហែលគ្នា។ តែគេត្រូវនិយាយដែរថា ក្រុម ប៉ារីស ចេញទៅប្រកួត​«ដល់ផ្ទះ»​របស់ក្រុមបីសាចក្រហម ជាមានទស្សនិកជនជាអ្នកគាំទ្រ សឹងតែពេញមួយកីឡដ្ឋាន។ ហើយនៅក្រុមមេនញ៉ូ បានបើកការវាយសន្ធាប់ លើក្រុម ប៉ារីស ជាច្រើនដង តែមិនទទួលបានលទ្ធផលទេ ដោយសារខ្សែការពាររបស់ក្រុមប៉ារីសរឹងមាំ ខណៈខ្សែបម្រើរត់ចុះ មកជួយទាន់ពេលជានិច្ចជកាល។

ផ្ទុយទៅវិញ នៅក្នុងពាក់កណ្ដាលម៉ោងទី២ ក្រុមប៉ារីស​បានដណ្ដើមប្រៀបលើក្រុម​មែនញ៉ូ ដោយលេង-ដណ្ដើម-បញ្ជូនបាល់ បានល្អច្បាស់លាស់ ជាងពាក់កណ្ដាលម៉ោងដំបូង រហូតដល់កីឡាករ ប្រេស្នែល គីមប៉ឹមបេ (Presnel Kimpembe) រកបានគ្រាប់បាល់ដំបូង (១-០) នៅនាទីទី៥៣ ដោយទទួលបាល់ទាត់ពីជ្រុង ដោយកីឡាករ អង់ហែល ឌីម៉ារីយ៉ា (Angel Di Maria)។

នៅប៉ុន្មាននាទីក្រោយមក ការលេងជាក្រុមបានដ៏ល្អ បានធ្វើឲ្យក្រុម ប៉ារីស ដណ្ដើមបាល់បានយ៉ាងងាយ ពីក្រុមបីសាចក្រហម ហើយបញ្ជូនឡើងទៅស្លាបឆ្វេង ឲ្យកីឡាករ ឌីម៉ារីយ៉ា ដដែលទាត់មកកីឡាករ គីលីយ៉ាន អឹមបាប៉េ (Kylian Mbappé) ដែលគ្រាន់តែប្រើជើងឆ្កឹះបន្តិច បញ្ជូនគ្រាប់បាល់មួយទៀត ឲ្យក្រុមប៉ារីស នៅនាទីទី៦០ (២-០)។

ខ្សែបម្រើ​បីសាចក្រហម​ម្នាក់ ត្រូវបានបណ្ដេញចេញ…

ក្រុមមែនញ៉ូមិនត្រឹមតែចាញ់ក្រុមប៉ារីសទេ តែក្រុមបីសាចក្រហម ថែមទាំងបានបាត់កីឡាករ ប៉ូល ប៉ូកបា (Paul Pogba) ខ្សែបម្រើដ៏សំខាន់របស់ក្រុមថែមទៀត។ អាជ្ញាកណ្ដាលបានពិន័យកាតលឿងជាលើកទីពីរ នៅនាទីទី៨៩ មានន័យស្មើ​នឹងកាតក្រហម​មួយ ដែលត្រូវបណ្ដេញ​កីឡាកររូបនេះ ចេញពីការប្រកួត។ ជាមួយនឹងការបណ្ដេញចេញនេះ កីឡាករ ប៉ូកបា នឹងត្រូវអវត្តមាន សម្រាប់ការប្រកួតលើកក្រោយ។ 

ក្រុមប៉ារីសបានឈ្នះ នៅខាងក្រៅផ្ទះក្នុងយប់នេះ ពិតជាមានសង្ឃឹមច្រើន ក្នុងដំណើរឆ្លងវគ្គ ឡើងទៅវគ្គ១ភាគ៤ផ្ដាច់ព្រ័ត្រ ជាបន្ត។ តែកុំទាន់អ! ព្រោះក្រុមប៉ារីស ត្រូវទទួលក្រុម មែនញូ សម្រាប់ការប្រកួត«ត្រឡប់» ដែលនឹងប្រព្រឹត្តិទៅ នៅ៣សប្ដាហ៍ខាងមុខ នៅកីឡដ្ឋាន «Parc des Princes» ដែលជាផ្ទះរបស់ខ្លួន៕



You may also like

កីឡា និងបច្ចេកវិទ្យា

ស៊ែរជោ រ៉ាម៉ូស នឹងចុះកិច្ចសន្យា​ទាត់ឲ្យក្រុម ប៉ារីស

កំពូលខ្សែការពារជាតិអេស្ប៉ាញ កីឡាករ ស៊ែរជោ រ៉ាម៉ូស (Sergio Ramos) កំពុងត្រៀមចុះកិច្ចសន្យា លេងឲ្យក្រុម ប៉ារីស (Paris Saint-Germain) បន្ទាប់ពីបានព្រមព្រៀងគ្នារួចរាល់ ក្នុងរសៀលថ្ងៃចន្ទនេះ។ ...
កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

ខ្សែប្រយុទ្ធល្បឿនផ្លេកបន្ទោរជាតិ​បារាំង កីឡាករ គីលីយ៉ាន អ៊ឹមបាពេ (Kylian Mbappé) បានសម្រេចនៅទីបំផុត បន្ត​កិច្ចសន្យា​៣ឆ្នាំ ជាមួយក្រុម ប៉ារីស – ស៊ាំងហ្សែរម៉ាំង (Paris ...
កីឡា និងបច្ចេកវិទ្យា

ប៉ារីស​ធ្លាក់​ពីលើ​មេឃ នៅក្នុង​ផ្ទះ​ខ្លួនឯង ទល់នឹង​បីសាចក្រហម

ក្រុមអ្នកមានថ្មី របស់ប្រទេសបារាំង បានយកក្ដីសង្ឃឹមរបស់ខ្លួន ទៅក្រវាត់ចោលក្នុងធុងសម្រាមជាថ្មីទៀត ក្នុងយប់ថ្ងៃទី៦ ខែមិនា ឆ្នាំ២០១៩ បន្ទាប់ពីបានប្រកួតចាញ់ក្រុម មែនឆេស្ទ័រយូណាយធីន (Manchester United – អង់គ្លេស) ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...