កីឡា និងបច្ចេកវិទ្យាបាល់ទាត់

អ៊ឹមបាពេ បង្ហោះសារ​តបនឹង​ពាក្យចចាមអារាម​ថា ត្រូវ​ក្រុមផ្សេង​ទិញយក

ពាក្យចចាមអារាម ដែលអះអាងថា កីឡាករ គីលីយ៉ាន អ៊ឹមបាពេ (Kylian Mbappé) ត្រូវ​ក្រុមផ្សេង​ទិញយក បានផ្ទុះឡើង បើទោះជាពិភពបាល់ទាត់ បានស្ងប់សកម្មភាព ព្រោះការរាតត្បាត នៃពីជំងឺ «Covid-19» នោះក្ដី។ ក្រុមផ្សេងនោះ មានដូចជា ក្រុមលីវើភូល (Liverpool FC) និងក្រុម រៀលម៉ាឌ្រីត (Real Madrid) ជាដើម។

តែពាក្យចចាមអារាម មិនមែនទើបតែកើតមាន ក្នុងពេលនេះទេ ព្រោះតាំងពីរដូវកាលកន្លងទៅ ក៏ដំណឹងនៃការទិញយកខ្សែប្រយុទ្ធវ័យក្មេង ដែលមានល្បឿនផ្លេកបន្ទោរ របស់ក្រុមប៉ារីស ត្រូវបានធ្វើឲ្យលេចឮ ផ្អើលអស់ទាំងពិភពបាល់ទាត់ដែរ។ តែនៅទីបំផុត កីឡាករ គីលីយ៉ាន អ៊ឹមបាពេ នៅតែបន្តទាត់ ឲ្យក្រុមអ្នកមានថ្មី នៃប្រទេសបារាំងដដែល។

នៅពេលនេះ ក៏ទំនងជាដូចគ្នា។ នៅចំពោះពាក្យចចាមអារាម ដែលចេញតែបែកធ្លាយ ម្ដងហើយម្ដងទៀត កីឡាករវ័យក្មេងខ្លួនឯង បានចេញមុខមកបង្ហោះសារ នៅលើបណ្ដាញសង្គមទ្វីសធើរ ដោយមានសេចក្ដីថា៖

«នរណាៗក៏និយាយ តែគ្មាននរណាម្នាក់ ដឹងរឿងនេះច្បាស់ទេ។ ខ្ញុំនឹកក្រុមបាល់ទាត់ របស់ខ្ញុំណាស់។»

សារខាងលើ ត្រូវបានកីឡាករ សរសេរភ្ជាប់មកជាមួយ នូវរូបបេះដូងចំនួនពីរ មានពណ៌ក្រហម និងខៀវ ដែលពណ៌របស់ក្រុមប៉ារីស (Paris Saint-Germain)។

គួរបញ្ជាក់ដែរថា ជើងឯកពិភពលោក ជាមួយក្រុមជម្រើសជាតិបារាំង កីឡាករ អ៊ឹមបាពេ មានកិច្ចសន្យារយៈពេល៥ឆ្នាំ ទាត់ឲ្យក្រុមប៉ារីស គឺចាប់ពីឆ្នាំ២០១៧ រហូតដល់ឆ្នាំ២០២២៕



You may also like

កីឡា និងបច្ចេកវិទ្យា

កីឡាករ​ក្រុម​ប៉ារីស​នឹង​​ធ្វើ​យុទ្ធនាការ​​ប្រឆាំង​«Covid-19» ​ជាមួយ​«WHO»

កីឡាករល្បីៗនៃក្រុមប៉ារីស (Paris Saint-Germain – បារាំង) នឹងចូលរួមធ្វើយុទ្ធនាការ ជាមួយអង្គការសុខភាពពិភពលោក «WHO» ដើម្បីប្រយុទ្ធប្រឆាំងនឹងមេរោគ «Covid-19» ដែលកំពុងរាតត្បាតពិភពលោក។ នេះ បើតាមការបង្ហោះសារ ...
កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

ខ្សែប្រយុទ្ធល្បឿនផ្លេកបន្ទោរជាតិ​បារាំង កីឡាករ គីលីយ៉ាន អ៊ឹមបាពេ (Kylian Mbappé) បានសម្រេចនៅទីបំផុត បន្ត​កិច្ចសន្យា​៣ឆ្នាំ ជាមួយក្រុម ប៉ារីស – ស៊ាំងហ្សែរម៉ាំង (Paris ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...