ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២

នៅក្នុងការប្រកួតដ៏ប្ដូរផ្ដាច់ រយៈពេល៩០នាទីដំបូង ក្រុមបារាំងត្រូវបានក្រុមជម្រើសជាតិអាហ្សង់ទីន នាំមុខ២គ្រាប់ តាំងពីពាក់កណ្ដាលម៉ោងដំបូង តែក្រុមមាន់គករកបានគ្រាប់បាល់ស្មើមកវិញ នៅរវាង១០នាទីចុងក្រោយ (២-២)។

ពីរគ្រាប់របស់ក្រុមអាហ្សង់ទីន ឬហៅថា ក្រុម«La Albiceleste» រកបានដំបូង ដោយកីឡាករ​ម្ចាស់បាល់មាស៧ជំនាន់ លីយ៉ូនែល ម៉េស៊ី (Lionel Messi) នៅនាទីទី២៣ (គ្រាប់បាល់ពិន័យ១១ម៉ែត្រ) និងមួយគ្រាប់ទៀត ដោយកីឡាករ អង់ហែល ឌីម៉ារីយ៉ា (Angel Di Maria) នៅនាទីទី៣៦។

ខណៈគ្រាប់ស្មើរបស់ក្រុមបារាំង រកបានទាំងពីរគ្រាប់ ដោយកីឡាករល្បឿនផ្លេកបន្ទោរ កីឡាករ គីលីយ៉ាន អឹមបាពេ (Kylian Mbappé) នៅនាទីទី៨០ និងទី៨១។

ឈានមកដល់វគ្គបន្ថែមម៉ោង ១៥+១៥នាទី កីឡាករ ម៉េស៊ី រកគ្រាប់បាល់ឲ្យប្រទេសអាហ្សង់ទីនជាថ្មីទៀត នៅនាទីទី១០៩ (៩០+១៥+៤៩នាទី) តែត្រូវខ្សែប្រយុទ្ធបារាំងដដែល កីឡាករ អឹមបាពេ រកបានស្មើមកវិញ (៣-៣) នៅនាទីទី១១៨ (៩០+១៥+១៣នាទី)។

ភាពមិនឈ្នះមិនចាញ់ (៣-៣) តម្រូវឲ្យការប្រកួត ត្រូវឈានដល់វគ្គទាត់បាល់កាត់សេចក្ដី ដោយក្រុមម្ខាងៗត្រូវទាត់បាល់ចំនួន៥គ្រាប់។ ក្នុងវគ្គនេះ គ្រាប់បាល់មួយគ្រាប់ របស់កីឡាករបារាំង ត្រូវអ្នកចាំទីអាហ្សង់ទីន កីឡាករ អេមីលីយ៉ាណូ ម៉ាទីណេស (Emiliano Martínez) ទះចេញ និងមួយគ្រាប់ទៀត របស់កីឡាករបារាំង ត្រូវបានទាត់ខុសប្រអប់ទី។ ផ្ទុយទៅវិញ ៤គ្រាប់បាល់ របស់ក្រុមអាហ្សង់ទីន ត្រូវបានទាត់ចូលទី របស់ក្រុមបារាំងទាំងអស់។

លទ្ធផលនៃការទាត់បាល់កាត់សេចក្ដី ៤-២ បានធ្វើឲ្យក្រុមអាហ្សង់ទីន ឈ្នះការប្រកួតផ្ដាច់ព្រ័ត្រ និងសម្រេច លើកពាន​ជាលើកទី៣ បន្ទាប់ពីឈ្នះពានពីរដងមុន ក្នុងឆ្នាំ១៩៧៨ និងក្នុងឆ្នាំ១៩៨៦។

ជ័យជំនះរបស់ក្រុម «La Albiceleste» ក៏ជាលទ្ធផលដ៏អន្ទះសារ របស់កីឡាករអាយុ៣៥ឆ្នាំ និងជាម្ចាស់បាល់មាស៧ជំនាន់ កីឡាករ លីយ៉ូនែល ម៉េស៊ី ដែរ។ ក្នុងនាមជាកីឡាករបាល់ទាត់ ដ៏កំពូលរបស់ពិភពលោក នាសម័យកាលនេះ កីឡាករ ម៉េស៊ី មានបំណងយ៉ាងខ្លាំងក្លា ក្នុងការលើកពានពិភពលោក យ៉ាងហោចមួយដង សម្រាប់មាតុប្រទេសរបស់ខ្លួន (អាហ្សង់ទីន)៕



You may also like

កីឡា និងបច្ចេកវិទ្យា

ម៉េស៊ី ចេញទាត់ដំបូង​ ជាមួយក្រុម ប៉ារីស និងឈ្នះក្រុម រ៉ាំង ២-០

ម្ចាស់បាល់មាស៦ជំនាន់ កីឡាករ លីយ៉ូនែល ម៉េស៊ី (Lionel Messi) បានចេញទាត់លើកដំបូង ជាមួយក្រុម ប៉ារីស (Paris Saint Germain) ក្នុងការប្រកួតទល់នឹងក្រុម ...
កីឡា និងបច្ចេកវិទ្យា

ប៉ារីស ចាញ់ ដ័រមូន ក្នុង​ការប្រកួត​«ទៅ» ក្រោមថ្វីជើងខ្សែប្រយុទ្ធអាយុ​១៩ឆ្នាំ

CHAMPIONS LEAGUE ៖ កីឡាករ «Erling Haaland» ខ្សែប្រយុទ្ធ​អាយុ១៩ឆ្នាំ​របស់ក្រុម ដ័រមូន (Borussia Dortmund – អាល្លឺម៉ង់) បានរកបាន​គ្រាប់បាល់​ពីរគ្រាប់​តែឯង បំបាក់ក្រុម ប៉ារីស ...
កីឡាករ លីយ៉ូនែល ម៉េស៊ី កំពូលខ្សែប្រយុទ្ធរបស់ក្រុម បាសឺឡូន។ (រូបថតក្រុមបាសឺឡូន)
កីឡា និងបច្ចេកវិទ្យា

លីយ៉ូនែល ម៉េស៊ី មិនបន្តនៅ បាសឺឡូន ទៀតទេ !

ម្ចាស់បាល់មាស់៦ជំនាន់ កីឡាករ លីយ៉ូនែល ម៉េស៊ី (Lionel Messi) មិនបន្តនៅជាមួយ ក្រុម បាសឺឡូន (FC Barcelone) ទៀតទេ។ នេះ បើតាមសេចក្ដីប្រកាសព័ត៌មាន ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...