• អតីតប្រធាន UEFA ត្រូវបានដោះលែង ក្រោយពីឃុំខ្លួនអស់ច្រើនម៉ោង

    អតីតប្រធានសហភាពបាល់ទាត់អ៊ឺរ៉ុប «UEFA» លោក មីឆែល ផ្លាទីនី (Michel Platini) បានចាកចេញ ពីការិយាល័យនគរបាលយុត្តិធម៌ កាលពីរំលងអាធ្រាតយប់ម៉ិញ បន្ទាប់ពីត្រូវអាជ្ញាធរបារាំង ឃាត់ខ្លួនទុកអស់ជាច្រើនម៉ោង ដើម្បីស៊ើបអង្កេតពាក់ព័ន្ធ នឹងការផ្ដល់សិទ្ធិឲ្យប្រទេសកាតា រៀបចំព្រឹត្តិការណ៍បាល់ទាត់ពិភពលោក ឆ្នាំ២០២២។ លោក «William Bourdon» មេធាវីរបស់លោក ផ្លាទីនី ត្រូវបានទូរទស្សន៍ក្នុងស្រុកស្រង់សំដី មកបញ្ជាក់ថា «ការឃាត់ខ្លួននោះ ត្រូវបានបញ្ចប់» នៅមុនម៉ោង១ទៀបភ្លឺ។ លោកបានហៅហេតុការណ៍ នៃការឃាត់ខ្លួននេះ គ្រាន់តែធ្វើឡើង ដើម្បី«បង្កឲ្យមានការភ្ញាក់ផ្អើល»ប៉ុណ្ណោះ។ មេធាវីបានបន្តថា៖ «ការឃុំខ្លួននេះ ត្រូវបានមើលឃើញ ដោយកូនក្ដីរបស់ខ្ញុំ ថាជាអំពើអយុត្តិធម៌ ...