ជាលើកទី២ជាប់គ្នា ក្នុងប្រវត្តិសាស្ត្របាល់ទាត់ ប្រទេស អ៊ីតាលី ដែលជា«យក្សបាល់ទាត់» និងជាម្ចាស់ពានអ៊ឺរ៉ុប ឆ្នាំ២០២០ មិនបានចូលរួម​ក្នុងព្រឹត្តិការណ៍បាល់ទាត់ពិភពលោក នៅប្រទេសកាតា ឆ្នាំ២០២២ខាងមុខទេ បន្ទាប់ត្រូវបានជម្រុះចេញ ដោយប្រទេស ម៉ាសេដ័ន ខាងជើង ដែលជាប្រទេសតូចមួយ នៅទ្វីបអ៊ឺរ៉ុបកណ្ដាល។

ជាការប្រកួតជម្រុះ មុនការប្រកួតចុងក្រោយ នៅក្នុងយប់ថ្ងៃព្រហស្បត្តិ៍ ទី២៤ ខែមីនា ដើម្បីដណ្ដើមសំបុត្រ ទៅប្រកួតទល់នឹងក្រុមជម្រើសជាតិ ព័រទុយហ្គាល់ ដែលបានយកឈ្នះក្រុម ទួរគី (៣-១) ក្នុងយប់ថ្ងៃដដែល។

នៅពេញការប្រកួត ក្រុម អ៊ីតាលី មានឱកាសច្រើនដងណាស់ (៣២ដង) ក្នុងការរកគ្រាប់បាល់ តែខ្សែប្រយុទ្ធទាំងឡាយ របស់ក្រុម«Squadra Azzurra»អ៊ីតាលី ទាត់បាល់ជាមួយ«ជើងស្អុយ»របស់ផងខ្លួន រកមិនបានគ្រាប់បាល់នាំមុខ សូម្បីតែមួយគ្រាប់ និងបណ្ដោយឲ្យក្រុម ម៉ាសេដ័នខាងជើង ទប់ទល់-ការពារបានរហូត។

តែបាល់ទាត់… នៅនាទីទី៩០+២ បាល់មួយគ្រាប់ ទាត់ពីចំងាយ ដោយខ្សែបម្រើស្លាបខាងឆ្វេង កីឡាករ «Trajkowski» របស់ក្រុម ម៉ាសេដ័នខាងជើង បានធ្វើឲ្យប្រទេសអ៊ីតាលីយំមិនចេញ និងបញ្ចប់ការប្រកួត ដោយពិន្ទុ ០-១ នៅក្នុងកីឡដ្ឋាន«Renzo Barbera» នៃក្រុង«Palerme» (កោះមួយនៅខាងត្បូងអ៊ីតាលី)។

កាលពីព្រឹត្តិការណ៍បាល់ទាត់ ឆ្នាំ២០១៨ ដែលបានប្រព្រឹត្តិទៅ ក្នុងប្រទេសរ៉ុស្ស៊ី ឆ្នាំ២០១៨ ក្រុមជម្រើសជាតិអ៊ីតាលី បានខកខានម្ដងហើយ មិនបានទៅចូលរួមប្រកួត ដូចប្រទេសទាំង៣២ផ្សេងទៀតទេ។ ដូច្នេះ ការខកខានជាថ្មី ក្នុងព្រឹត្តិការណ៍បាល់ទាត់ពិភពលោក ឆ្នាំ២០២២ (ក្នុងប្រទេសកាតា) ប្រាកដជាបង្កភាពល្វីងជូចត់ខ្លាំងណាស់ នៅក្នុងប្រវត្តិសាស្ត្រ របស់ប្រទេសអ៊ីតាលី៕



You may also like

កីឡា និងបច្ចេកវិទ្យា

បារាំង​ជា​«ប្រទេស​ទី២» ដែល​ដាក់​ស្ត្រី​ជា​អាជ្ញាកណ្ដាល​បាល់ទាត់​អាជីព

បន្ទាប់ពីអាល្លឺម៉ង់ ចាប់ពីថ្ងៃអាទិត្យទី២៨ ខែមេសានេះមក បារាំងបានក្លាយជា​«ប្រទេស​ទី២» ដែលដាក់ស្ត្រីមួយរូប មកធ្វើជាអាជ្ញាកណ្ដាល សម្រាប់ការប្រកួត រវាងក្រុមបាល់ទាត់អាជីពជាបុរស។ អ្នកស្រី «Stéphanie Frappart» បានធ្វើជាអាជ្ញាកណ្ដាល នៃការប្រកួតរវាងក្រុម ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...
ដំណឹង

ស្ត្រីបង្ហាញម៉ូដសាក្សីប្រឆាំងអតីតនាយករដ្ឋមន្ត្រីអ៊ីតាលី ទំនងត្រូវបានបំពុល

នាង អ៊ីម៉ាន ហ្វាឌីល (Imane Fadil) អតីតស្ត្រីបង្ហាញម៉ូដជាតិម៉ារ៉ុក អាយុ៣៣ឆ្នាំ បានលាចាកលោក កាលពីថ្ងៃទី១ ខែមិនាកន្លងទៅ។ សម្រាប់សារព័ត៌មានអ៊ីតាលី «Corriere della ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...