ដំណឹងពិភពលោក

Covid-19៖ មនុស្សស្លាប់​នៅ​អ៊ីតាលី ថយចុះ​ក្រោម​១០០នាក់ ជាលើកទី១

ជាលើកទី១ តាំងពីការរាតត្បាត បានគ្របសង្កត់ ទៅលើប្រទេសអ៊ីតាលី ក្នុងរយៈពេល​ជាង​២ខែ​មកនេះ។ តុល្យភាព​មនុស្សស្លាប់ បានថយចុះ នៅក្រោម១០០នាក់ ពោល​មាន​ចំនួន ត្រឹម៩៩នាក់។ នេះ បើតាម​តួលេខ​ផ្លូវការ របស់​អាជ្ញាធរ​សុខាភិបាល​អ៊ីតាលី ដែលផ្សាយឲ្យដឹង កាលពី​យប់​ថ្ងៃទី​១៨ ខែឧសភា។

តុល្យភាពកន្លងមក ដែលមានចំនួន ទាបជាង១០០នាក់ គឺនៅថ្ងៃទី៩ ខែមីនា ឆ្នាំ២០២០ ដែលកាលនោះ មានអ្នកស្លាប់ចំនួន ៩៧នាក់ នៅខណៈពេល ដែលប្រទេសមួយនេះ ចាប់ផ្ដើម​រងគ្រោះ យ៉ាងពេញ​ទំហឹង ចំពោះការរាតត្បាត នៃជំងឺ«Covid-19» និងបង្ខំ​ឲ្យរដ្ឋាភិបាល​អ៊ីតាលី ត្រូវបិទប្រទេស ដើម្បីប្រយុទ្ធនឹងជំងឺ ដ៏ចង្រៃនេះ។

មកដល់ថ្ងៃនេះ អ្នកជំងឺស្លាប់សរុប នៅអ៊ីតាលី មានចំនួន ៣២ ០០៧នាក់ ពីក្នុង​ចំណោម​ករណីឆ្លង មានប្រមាណជិត ២២៦ ០០០នាក់។ ប្រទេស​ក្នុងទ្វីបអ៊ឺរ៉ុបខាងត្បូង មួយនេះ ​ត្រូវបានមេរោគ «Covid-19» វាយលុកខ្លាំង ចាប់ពីពាក់កណ្ដាល​ខែកុម្ភៈ ចេញពី​តំបន់ «Lombardie» ដែលស្ថិតនៅ ភាគខាងជើងប្រទេស។

រយៈពេលនៃការបិទប្រទេស ដែលមានរយៈពេលជាង២ខែ បានបំបាក់ ប្រទេសអ៊ីតាលី ដែលធ្លាប់ជាមហាអំណាច ខាងសេដ្ឋកិច្ច ឲ្យតក់ស្លុត សឹងតែនៅលើគ្រប់វិស័យ។

ប៉ុន្តែ​ចាប់ពី​ថ្ងៃទី៤ ខែឧសភានោះមក រដ្ឋាភិបាលបានប្រកាស បើកប្រទេសឡើងវិញ ដោយចាប់ផ្ដើមបើកឲ្យដំណើរការ នូវហាងលក់ទំនិញ ហាងកាហ្វេ ភោជនីយដ្ឋាន និងទីលានជួបជុំធំៗ៕



You may also like

កម្ពុជា

ហ៊ុន សែន បង្កើត​និង​ដឹកនាំ​គណៈកម្មការ​ជាតិ​ប្រឆាំង​«Covid-19»​

គណៈកម្មការជាតិមួយ ដើម្បីប្រយុទ្ធប្រឆាំងនឹងមេរោគ «Covid-19» បានចេញជារូបរាងហើយ នៅល្ងាចថ្ងៃពុធ ទី១៨ ខែមីនា ឆ្នាំ២០២០នេះ។ គណៈកម្មការនោះ ត្រូវបានបង្កើតឡើង តាមរយៈសេចក្ដីសម្រេចមួយ និងចុះហេត្ថលេខា ដោយលោកនាយករដ្ឋមន្ត្រី ...
កម្ពុជា

Covid-19៖ កម្ពុជា​មានករណីស្លាប់​ទី២ ក្នុងមណ្ឌល​ចត្តាឡីស័ក

Covid-19៖ ជាករណីស្លាប់ទី២ ក្នុងមណ្ឌល​ចត្តាឡីស័ក បន្ទាប់ពីករណីស្លាប់មួយមុន កាលពីថ្ងៃទី២២ ខែកក្កដាកន្លងទៅ។ ទាំងពីរករណី សុទ្ធតែត្រូវបាន​អាជ្ញាធរ​សុខាភិបាលកម្ពុជា អះអាងថា បណ្ដាលមកពីជំងឺ «ខ្យល់គ» ឬ«គាំងបេះដូង»។ ករណីទីពីរ ...
កម្រមាន

ទប់កំហឹង​មិនបាន​ជាមួយ​មិត្តប្រុស ក៏គ្រវាត់​កូនខ្ចី​ទៅលើ​ឥដ្ឋ…

ហេតុការណ៍បានកើតឡើង នៅក្នុងប្រទេសរ៉ូម៉ានី។ ស្ត្រីជាម្ដាយ ដែលខឹងខ្លាំង ទប់កំហឹង​មិនបាន​ជាមួយ​មិត្តប្រុស បានគ្រវាត់កូនខ្ចីរបស់ខ្លួន ទៅលើកម្រាលឥដ្ឋ។ សារព័ត៌មានក្នុងស្រុក បានរាយការណ៍ថា ហេតុការណ៍បានកើតឡើង ក្នុងសណ្ឋាគារ​មួយ នៃក្រុង «Timisoara» ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...