កីឡា និងបច្ចេកវិទ្យាបាល់ទាត់

អតីតប្រធាន UEFA ត្រូវបានដោះលែង ក្រោយពីឃុំខ្លួនអស់ច្រើនម៉ោង

អតីតប្រធានសហភាពបាល់ទាត់អ៊ឺរ៉ុប «UEFA» លោក មីឆែល ផ្លាទីនី (Michel Platini) បានចាកចេញ ពីការិយាល័យនគរបាលយុត្តិធម៌ កាលពីរំលងអាធ្រាតយប់ម៉ិញ បន្ទាប់ពីត្រូវអាជ្ញាធរបារាំង ឃាត់ខ្លួនទុកអស់ជាច្រើនម៉ោង ដើម្បីស៊ើបអង្កេតពាក់ព័ន្ធ នឹងការផ្ដល់សិទ្ធិឲ្យប្រទេសកាតា រៀបចំព្រឹត្តិការណ៍បាល់ទាត់ពិភពលោក ឆ្នាំ២០២២។

លោក «William Bourdon» មេធាវីរបស់លោក ផ្លាទីនី ត្រូវបានទូរទស្សន៍ក្នុងស្រុកស្រង់សំដី មកបញ្ជាក់ថា «ការឃាត់ខ្លួននោះ ត្រូវបានបញ្ចប់» នៅមុនម៉ោង១ទៀបភ្លឺ។ លោកបានហៅហេតុការណ៍ នៃការឃាត់ខ្លួននេះ គ្រាន់តែធ្វើឡើង ដើម្បី«បង្កឲ្យមានការភ្ញាក់ផ្អើល»ប៉ុណ្ណោះ។

មេធាវីបានបន្តថា៖

«ការឃុំខ្លួននេះ ត្រូវបានមើលឃើញ ដោយកូនក្ដីរបស់ខ្ញុំ ថាជាអំពើអយុត្តិធម៌ និងមិនសមាមាត្រ។»

លោក មីឆែល ផ្លាទីនី ដែលជាអតីតតារាបាល់ទាត់បារាំង ក្នុងទសវត្សរ៍ឆ្នាំ៨០ ត្រូវបានអាជ្ញាធរឃាត់ខ្លួន ដើម្បីស៊ើបអង្កេត កាលពីម្សិលម៉ិញ ក្នុងការិយាល័យនគរបាលយុត្តិធម៌ នៃក្រសួងមហាផ្ទៃ (OCLCIFF) ដែលស្ថិតក្នុងក្រុង ណង់ទែរ (Nanterre) ជាយក្រុងខាងលិច នៃរដ្ឋធានីប៉ារីស។

អតីតមេដឹកនាំស្ថាប័ន «UEFA» រូបនេះ បានថ្លែងឡើងថា៖

«នៅពេលខ្ញុំបានចូលខ្លួន ក្នុងនាមជាអ្នកបំភ្លឺ ដោយគ្មានជាប់ពាក់ព័ន្ធអ្វីនោះ គេបែរជាដាក់ឃុំខ្ញុំភ្លាមៗ។ គួរឲ្យឈឺចាប់ណាស់។»

លោកបានឲ្យដឹងទៀតថា លោកត្រូវបានក្រុមអ្នកស៊ើបអង្កេត សាកសួរយ៉ាងច្រើន ពីព្រឹត្តិការណ៍បាល់ទាត់អ៊ឺរ៉ុប ក្នុងប្រទេសបារាំង ឆ្នាំ២០១៦ បាល់ទាត់ពិភពលោក ក្នុងប្រទេសរ៉ុស្ស៊ី ឆ្នាំ២០១៨ និងនៅក្នុងប្រទេសកាតារ ឆ្នាំ២០២២ រួមនឹងសំនួរច្រើនទៀត ទាក់ទងនឹងក្រុមបាល់ទាត់ ប៉ារីសសាំងហ្សែរម៉ាំង និងសហព័ន្ធបាល់ទាត់អន្តរជាតិ «FIFA»។

លោកថា៖

«ជានិច្ចកាល ខ្ញុំមិនបានបារម្ភអ្វី ចំពោះសំនួរទាំងនោះទេ ព្រោះខ្ញុំមិនជាប់ពាក់ព័ន្ធ នឹងសំនុំរឿងណាមួយ ពីក្នុងចំណោមសំនុំរឿងទាំងអស់នេះឡើយ។»

អាជ្ញាធរក៏បានឃាត់ខ្លួនអ្នកស្រី «Sophie Dion» អតីតទីប្រឹក្សាទទួលបន្ទុកកីឡា របស់អតីតប្រធានាធិបតីបារាំង លោក នីកូឡា សាកូហ្សី (Nicolas Sarkozy) ដែរ តែបានដោះលែងអ្នកស្រី ឲ្យមានសេរីភាពវិញ ក្នុងយប់ដដែល។

ការឃាត់ខ្លួនទាំងនេះ ធ្វើឡើងក្នុងក្របខណ្ឌ នៃការស៊ើបអង្កេតបឋម ជុំវិញការផ្ដល់សិទ្ធិរៀបចំព្រឹត្តិការណ៍បាល់ទាត់ពិភពលោក ទៅឲ្យប្រទេសរ៉ុស្ស៊ី ក្នុងឆ្នាំ២០១៨ និងទៅឲ្យប្រទេសកាតា ក្នុងឆ្នាំ២០២២ខាងមុខ ក្រោមការសង្ស័យពីបទ «ប្រព្រឹត្តិអំពើពុករលួយឯកជន – ឃុបឃិតប្រព្រឹត្តិបទល្មើស – ការប្រើអំណាច​ដើម្បីជះឥទ្ធិពល និងការឃុបឃិតគ្នា ជួយបិតបាំងអំពើល្មើស»៕



លំអិតបន្ថែមទៀត

កម្ពុជា

កម្ពុជា​ជាប់ក្នុង​«បញ្ជីប្រផេះ»​នៃស្ថាប័ន​ឃ្លាំមើល​ការលាង​លុយ​កខ្វក់

ប្រទេសកម្ពុជា ស្ថិតក្នុងចំណោម​ប្រទេសចំនួន១២ ដែលជាប់ក្នុង​«បញ្ជីប្រផេះ» នៃការឃ្លាំមើល​ការលាងប្រាក់កខ្វក់ របស់«អង្គការឃ្លាំមើលសកម្មភាពហិរញ្ញវត្ថុ (ហៅ​ជា​ភាសា អង់គ្លេស “Financial Action Task Force – FATF” ...
កីឡា និងបច្ចេកវិទ្យា

បាល់ទាត់ពិភពលោក៖ ស៊ុយអែត​បំបាក់​អង់គ្លេស យក​«ចំណាត់ថ្នាក់​ទី៣»

ក្រមបាល់ទាត់ស្ត្រីជម្រើសជាតិ នៃប្រទេសស៊ុយអែត បានដណ្ដើមបាន«ចំណាត់ថ្នាក់​ទី៣» ត្រូវនឹងមេដាយស្ពាន់ នៅក្នុងព្រឹត្តិការណ៍បាល់ទាត់ពិភពលោក ផ្នែកស្ត្រី ឆ្នាំ២០១៩នេះ ដែលកំពុងប្រព្រឹត្តិទៅ ក្នុងប្រទេសបារាំង។ ជាចំណាត់ថ្នាក់ទី៣ លើកទី៤ របស់ក្រុមស៊ុយអែដ បន្ទាប់ពីក្រុមនេះ ...
កីឡា និងបច្ចេកវិទ្យា

សង្គ្រាមនៅ​អ៊ុយក្រែន៖ FIFA ដករ៉ុស្ស៊ីពី​បាល់ទាត់ពិភពលោក២០២២

សង្គ្រាមនៅ​អ៊ុយក្រែន៖ សហព័ន្ធបាល់ទាត់ពិភពលោក «FIFA» បានសម្រេចដកប្រទេសរ៉ុស្ស៊ី ចេញពីការប្រកួតបាល់ទាត់ ជាលក្ខណៈអន្តរជាតិទាំងឡាយ ជាពិសេសពីការប្រកួតបាល់ទាត់ពិភពលោក ២០២២ ដែលនឹងត្រូវរៀបចំធ្វើ នៅក្នុងប្រទេសកាតា។ មិនត្រឹមតែក្រុមបាល់ទាត់ជម្រើសជាតិរ៉ុស្ស៊ីប៉ុណ្ណោះទេ ដែលរងផលប៉ះពាល់ ក្រុមបាល់ទាត់អាជីពទាំងអស់ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

កីឡា និងបច្ចេកវិទ្យា

ក្រុមអតីត​កីឡាករបាល់ទាត់​នៅបារាំង ប្រកួតគ្នា​ដើម្បីជួយ​កុមារ​អ៊ុយក្រែន

ជាការជួប«ប្រកួតគ្នា​ដើម្បីជួយ​កុមារ​អ៊ុយក្រែន» ធ្វើឡើងដោយក្រុមអតីតកីឡាករ-កីឡាការិនី ដែលធ្លាប់លេង​ឲ្យក្រុមបាល់ទាត់អាជីព នៅក្នុងប្រទេសបារាំង។ ជាជំនួប«មិត្តភាព» ដែលរៀបចំឡើងជាលើកទី២ ដោយអង្គការ«UNICEF» ដើម្បីចូលរួមក្នុងបុព្វហេតុ របស់អង្គការដ៏ធំមួយនេះ (UNICEF ជាផ្នែកមួយ របស់អង្គការសហប្រជាជាតិ ទទួលបន្ទុកខាងកុមារ)។ ...
កីឡា និងបច្ចេកវិទ្យា

Champions League៖ លីវើភូល បំបាក់​ក្ដីសុបិន្ដ​ផ្ដាច់ព្រ័ត្រ វីឡារ៉េអាល

ក្ដីសុបិន្ដរបស់ក្រុម វីឡារ៉េអាល (Villarreal – អេស្ប៉ាញ) មានជីវិត​ត្រឹមតែ​៤៥នាទីដំបូង ក្នុងការប្រកួតល់នឹងក្រុម លីវើភូល (Liverpool – ) ប៉ុណ្ណោះ។ ជាការប្រកួតជុំទី២ ...