ដំណឹងបារាំង

បាតុកម្ម​​អាវ​កាក់​​លឿង​ទី២៣​៖ ឃាត់ខ្លួន​២៤៩នាក់​ នៅ​ទូទាំងប្រទេស

មនុស្ស២៤៩នាក់ ត្រូវបានឃាត់ខ្លួន ក្នុងនោះ១៨២នាក់ ត្រូវបានចាប់ដាក់ឃុំ ជាបណ្ដោះអាសន្ន ពីក្នុងចំណោមបាតុករ ប្រមាណជា ២៧ ៩០០នាក់ នៅ​ទូទាំងប្រទេស បារាំង ដែលបានចុះដើរនៅតាមដងផ្លូវ ក្នុងថ្ងៃសៅរ៍ទី២០ ខែមេសា ឆ្នាំ២០១៩នេះ។ បាតុករដែលបានដើរដង្ហែជាក្បួន នៅក្នុងរដ្ឋធានីប៉ារីស ត្រូវបានរាប់ដឹង ថាមានប្រមាណជា ៩០០០នាក់។

នេះ បើតាមតួលេខផ្ដល់ដោយក្រសួងមហាផ្ទៃបារាំង នៅវេលាយប់ថ្ងៃដដែល ដែលជាតុល្យភាពផ្លូវការ នៃបាតុកម្មរបស់ក្រុមអាវកាក់លឿង លើកទី២៣របស់ពួកគេ។ តួលេខមានការកើនឡើងបន្តិច សម្រាប់បាតុកម្មនៅក្នុងរដ្ឋធានី បើធៀបនឹងចុងសប្ដាហ៍មុន ដែលក្រុមបាតុករមានចំនួន ប្រមាណតែ ៥០០០នាក់ប៉ុណ្ណោះ។

យ៉ាងណា ក៏តុល្យភាពនេះ តែងត្រូវបានជំទាស់ដោយអ្នករៀបចំបាតុកម្ម និងមិនត្រូវបានផ្ទៀងផ្ទាត់ ដោយប្រភពឯករាជ្យណាផ្សេងទេ។

នៅទូទាំងប្រទេសបារាំង កងកម្លាំងនគរបាល និងកងអាវុធហត្ថ ចំនួន៦០ ០០០នាក់ ត្រូវបានដាក់ពង្រាយ។

ក្រុមអ្នកសង្កេតការណ៍ បានឲ្យដឹងថា បាតុកម្មបានប្រព្រឹត្តិទៅ ក្នុងសភាពស្ងប់ស្ងៀមនាវេលាព្រឹកថ្ងៃសៅរ៍ និងចូលមកដល់ថ្ងៃត្រង់ តែបានផ្ទុះអំពើហិង្សា នៅតាមតំបន់មួយចំនួន ដោយការប្រឈមមុខដាក់គ្នា រវាងក្រុមបាតុករ និងកងកម្លាំងនគរបាល។

អាជ្ញាធរយកអ្នកសារព័ត៌មាន ធ្វើជាមុខសញ្ញា…

ក្រុមនគរបាលបានប្រើឧស្ម័ន – គ្រាប់បែកបង្ហូរទឹកភ្នែក និងគ្រាប់បាញ់កៅស៊ូ ដើម្បីរារាំងបាតុករ មិនឲ្យបន្តដំណើរ ទៅកាន់តំបន់ ដែលគ្មានការអនុញ្ញាត។ កងកម្លាំងអាជ្ញាធរក៏បានប្រើវិធីសាស្ត្រនេះ ដើម្បីបំបែកជួរបាតុករ នៅវេលាល្ងាចឡើងដែរ។

ក្រុមបាតុករវិញ បានប្រើដុំថ្ម សំបកដប គុបសំដៅក្រុមនគរបាល។ តែនៅក្រោយការប្រឈមមុខដាក់គ្នានោះ បាតុកម្មបានបំបែកជួរ ចាប់ពីម៉ោង១៩យប់ថ្ងៃដដែល។

មានសេចក្ដីរាយការណ៍មកថា អ្នកសារព័ត៌មានជាច្រើននាក់ នៅទូទាំងប្រទេស ត្រូវបានក្រុមអាជ្ញាធរចាត់ជាមុខសញ្ញា ដោយធ្វើការឃាត់ខ្លួន និងបាញ់ឧស្ម័នបង្ហូទឹកភ្នែកដាក់។ មូលហេតុដែលឈានទៅដល់ ការឃាត់ខ្លួនអ្នកសារព័ត៌មាន មិនត្រូវបានឲ្យដឹងទេ៕



You may also like

កម្រមាន

បារាំង៖ យុវតី​ជំទង់​ម្នាក់​រង​ការសង្ស័យ​ថា បានគ្រវាត់​ទារកខ្លួន​តាមបង្អួច

បារាំង៖ ទារកតូចមួយ ដែលទើបនឹងកើត ត្រូវបានរកឃើញស្លាប់ នៅក្នុងសួនច្បារ នៃសង្កាត់មួយ ក្នុងក្រុង​ «Martinet» ដែលស្ថិតក្នុងតំបន់ «Gard» ភាគខាងត្បូង ប្រទេសបារាំង។ សារព័ត៌មានប្រចាំតំបន់ ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...
ដំណឹង

ភេរវកម្មនៅស្ត្រាស្បួរ៖ ជនរងគ្រោះទី៤ ទើបនឹងផុតដង្ហើម

បន្ទាប់ពីស្ថិតក្នុងការសង្គ្រោះបន្ទាន់ អស់រយៈពេល៣ថ្ងៃ បន្ទាប់ពីហេតុការណ៍ភេរវកម្មបាញ់ប្រហារ ទៅលើហ្វូងមនុស្ស កាលពីយប់ថ្ងៃអង្គារ នាផ្សារលក់ទំនិញ ណូអែល ក្រុងស្ត្រាស្បួរ៍ (ភាគខាងកើតបារាំង) ជនរងគ្រោះមួយរូបទៀត បានផុតដង្ហើមនៅយប់ថ្ងៃសុក្រនេះ។ ជនរងគ្រោះរូបនោះ ជាអ្នកសារព័ត៌មានជាតិអ៊ីតាលី ឈ្មោះ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...