កំសាន្ដវីដេអូ ពីនេះពីនោះ

ត្រាំ ដេញ​នាយកខុទ្ទកាល័យ​ចេញពី​បន្ទប់ ព្រោះ…«ក្អក»

បើគ្មានសុខភាព«មាំមួនពេញបរិបូរណ៍»ទេ ចូរកុំនៅក្បែរលោក ដូណាល់ ត្រាំ (Donald Trump) ឬបើមិនដូច្នេះទេ ឬហ៊ាន«ក្អក» នឹងត្រូវប្រធានាធិបតីអាមេរិករូបនេះ បណ្ដេញចេញពីបន្ទប់ ដូចករណីរបស់លោក «Mick Mulvaney» នាយកខុទ្ទកាល័យស្តីទី ម្នាក់នេះជាដើម។

ហេតុការណ៍នេះ កើតឡើងក្នុងកិច្ចសម្ភាសមួយ ជាមួយបណ្ដាញទូរទស្សន៍ «ABC» ដែលត្រូវបានទូរទស្សន៍នេះ យកមកចាក់ផ្សាយ កាលពីថ្ងៃអាទិត្យម្សិលម៉ិញ។ កិច្ចសម្ភាសនោះ ធ្វើឡើង ក្នុងការិយាល័យប្រធានាធិបតី នៃសេតវិមាន។

នៅខណៈពេលលោក ដូណាល់ ត្រាំ កំពុងឆ្លើយទៅនឹងសំនួរ របស់អ្នកសារព័ត៌មាន លោក «George Stephanopoulos»… រំពេចនោះ ស្រាប់តែលោក «Mick Mulvaney» បានក្អក«ឃូសៗ»ឡើង។ ដោយទំនងជាមិនអាចទ្រាំទ្របាន ប្រធានាធិបតីនៃប្រទេសមហាអំណាច បានផ្អាកបទសម្ភាស ដោយថ្លែងឡើងថា៖

«ឈប់… សុំចាំមួយភ្លែត! យើងនឹងធ្វើ​[បទសម្ភាស]​ឡើងវិញ។ គាត់ [Mick Mulvaney] បានក្អក នៅពេលខ្ញុំកំពុងឆ្លើយនឹងសំនួរ។ ខ្ញុំមិនចូលចិត្តរឿងបែបនេះទេ មិនចូលចិត្តទាល់តែសោះ។»

បន្ទាប់មក លោក ត្រាំ បានងាកទៅរកនាយកស្ដីទី នៃខុទ្ទកាល័យប្រធានាធិបតី ដោយបន្លឺពាក្យស្ដីបន្ទោសដូច្នេះថា៖

«បើអ្នកឯងត្រូវក្អក សូមអ្នកឯងចេញពីបន្ទប់។ អ្នកឯងមិនអាចគ្រាន់តែ… អ្នកឯងមិនអាចក្អកបានទេ។»

សារព័ត៌មានអាមេរិក បានអះអាងថា លោក «Mick Mulvaney» ត្រូវបង្ខំចិត្តចេញពីបន្ទប់ពងក្រពើ របស់ប្រធានាធិបតីអាមេរិក ដើម្បីឲ្យកិច្ចសន្ទនារវាងលោក ត្រាំ និងអ្នកកាសែត អាចបន្តដំណើរទៅមុខ៕



លំអិតបន្ថែមទៀត

ដំណឹង

ដូណាល់ ត្រាំ នឹង​ចូលគាល់​អធិរាជជប៉ុន ណារូហ៊ីតូ ដំបូងគេ

ប្រធានាធិបតីអាមេរិក លោក ដូណាល់ ត្រាំ (Donald Trump) បានមកដល់ប្រទេស​ជប៉ុន កាលពីថ្ងៃសៅ៍ ដើម្បីដំណើរទស្សនកិច្ចផ្លូវការ ដែលមានរយៈពេល៤ថ្ងៃ ក្នុងប្រទេសអាស៊ីខាងកើតមួយនេះ។​ ជាដំណើរលើកទីពីររបស់លោក ត្រាំ ...
ដំណឹង

Covid-19 ៖ រង​ការរិះគន់​ធ្ងន់ពេក ដូណាល់ ត្រាំ ប្រតិកម្ម​តបទៅ អូបាម៉ា

បន្ទាប់ពីអតីតប្រធានាធិបតី លោក បារ៉ាក់ អូបាម៉ា (Barack Obama) បានរិះគន់ធ្ងន់ៗ អំពីវិធានការគ្រប់គ្រង ការរាតត្បាតនៃជំងឺ «Covid-19» ដែលហាក់មិនមានប្រសិទ្ធិភាពនោះ លោកប្រធានាធិបតី ដូណាល់ ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...