ដំណឹងពិភពលោក

អ្នករៀបចំ​អង្គប្រជុំ​ឃោសនា​របស់ ត្រាំ ចំនួន​​៦នាក់ បានឆ្លង​«Covid-19»

សមាជិក៦រូប នៃអ្នករៀបចំអង្គប្រជុំឃោសនាបោះឆ្នោត របស់លោកប្រធានាធិបតី ដូណាល់ ត្រាំ (Donald Trump) កាលពីថ្ងៃសៅរ៍ ក្នុងរដ្ឋ «Oklahoma» ត្រូវបាន​ធ្វើ​តេស្ដិ៍ ដឹងលទ្ធផលថា បានឆ្លងមេរោគ «Covid-19»។

គឺក្រុមការងារឃោសនាបោះឆ្នោត របស់លោកប្រធានាធិបតីផ្ទាល់តែម្ដង ដែលបាន​បង្ហើប​​ករណី​រកឃើញ​ខាងលើ ឲ្យដឹងជាសាធារណៈ នៅមុនអង្គប្រជុំមួយនេះ ដែលជា​ការជួបជុំដ៏ធំ ជាលើកដំបូង នៅក្នុងសាលបិទទ្វា ខណៈការរាតត្បាតនៃជំងឺ «Covid-19» កំពុងមានឥទ្ធិពលខ្លាំង ក្នុងសហរដ្ឋអាមេរិកនៅឡើយ។

ស្រង់សំដី​ដោយទីភ្នាក់ងារ​ព័ត៌មានបារាំង «AFP» លោក «Tim Murtaugh» ប្រធាន​ក្រុមការងារ​ឃោសនាបោះឆ្នោត របស់លោក ដូណាល់ ត្រាំ បានថ្លែងឲ្យដឹងថា៖

«សមាជិក៦នាក់ នៃក្រុមអ្នករៀបចំអង្គប្រជុំ ត្រូវបានធ្វើតេស្ដិ៍ រកឃើញលទ្ធផលវិជ្ជមាន នៅ​ក្នុងយុទ្ធនាការធ្វើតេស្ដិ៍ ជាទូទៅ ទៅលើបណ្ដាជន ជាច្រើនរយនាក់។ បន្ទាប់ពីបានរកឃើញ វិធានការចត្តាឡីស័ក ក៏ត្រូវបានដាក់ឲ្យធ្វើ ជាបន្ទាន់ដែរ។»

ការជួបជុំដ៏ធំ ជាលើកដំបូងនេះ ធ្វើឡើងជាមួយអ្នកគាំទ្រ ប្រមាណជា២០ ០០០នាក់ នៅក្នុងក្រុង «Tulsa» នៃរដ្ឋ «Oklahoma» (កណ្ដាលសហរដ្ឋអាមេរិក)។ លោក «Tim Murtaugh» បន្តទៀតថា៖

«គ្មានអ្នកជំងឺណាម្នាក់ ឬនរណាផ្សេង ដែលមានទំនាក់ទំនងផ្ទាល់ ជាមួយអ្នកជំងឺ នឹង​មានវត្តមាន នៅក្នុងអង្គប្រជុំ ឬនៅក្បែរអ្នកចូលរួម – ក្រុមអ្នកតំណាងរាស្ត្រ​ ឬក្រុម​ព្រឹទ្ធសមាជិក​នោះឡើយ៕»



លំអិតបន្ថែមទៀត

កម្ពុជា

Covid-19 ៖ កម្ពុជា​រកឃើញ​អ្នក​ឆ្លងរោគ កើនឡើង​ជិត១០០នាក់

តួលេខកំពុងបោះពួយ ទៅមុខ គួរឲ្យព្រួយបារម្ភ។ មកដល់ម៉ោងនេះ ក្រសួងសុខាភិបាលកម្ពុជា បានអះអាងបានរកឃើញ ករណីឆ្លងជំងឺ«Covid-19» កើនឡើង​ជិត១០០នាក់ (៨៤នាក់) បន្ទាប់ពីក្រសួងបានរកឃើញ មនុស្ស៣១នាក់ បានឆ្លងជំងឺនេះ បន្ថែមពីលើតួលេខ ...
កម្ពុជា

មូលដ្ឋានទ័ពចិន៖ អាមេរិក​«ចាប់»​កម្ពុជា ឲ្យ​គោរព​ការប្ដេជ្ញា​ចិត្ត​របស់​ខ្លួន

សម្រាប់លោកសាស្ត្រាចារ្យ អៀ សុផល មកពីសាកលវិទ្យាល័យមួយ នៃសហរដ្ឋអាមេរិក បានពន្យល់ថា ការអះអាងចុងក្រោយបំផុត របស់រដ្ឋមន្ត្រី​ការ​បរទេស​អាមេរិក​ ស្វាគមន៍ការបដិសេធរបស់កម្ពុជា ចំពោះវត្តមានមូលដ្ឋានយោធាចិន នៅខេត្តព្រះសីហនុនោះ មានលក្ខណៈជាការ«ចាប់»កម្ពុជា ឲ្យត្រូវតែគោរព«ការប្ដេជ្ញាចិត្តរបស់ខ្លួន»។ ...
ដំណឹង

នគរបាលអន្តរជាតិ​ ដាក់ស្ត្រី​​ការទូត​អាមេរិកាំង​ម្នាក់ ចូល​ក្នុង​បញ្ជីក្រហម

ក្រុមគ្រួសារជនរងគ្រោះ បានអះអាងថា នគរបាលអន្តរជាតិ (Interpol) ដែលមានទីស្នាក់ការធំ ក្នុងក្រុងលីយ៉ុង (Lyon – បារាំង) បានដាក់អ្នកស្រី «Anne Sacoolas» ដែលជាអតីតមន្ត្រីការទូត ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.