ដំណឹង​ឬ​វីដេអូ​គ្មាន​ប្រភព​ស្ដីពី​​បារាំង ៖​ បាតុកម្មរបស់ក្រុមអាវកាក់លឿង នៅក្នុងប្រទេសបារាំង ដែលមានរយៈពេលច្រើនសប្ដាហ៍មកនេះ មិនមែនជារឿងថ្មីទេ។ ក្នុងប្រវត្តិប្រទេសបារាំង បាតុកម្មរបៀបនេះច្រើនណាស់ តែងត្រូវបានរៀបចំធ្វើឡើង ជាពិសេសដើម្បីប្រឆាំង នឹងកំណែទម្រង់ណាមួយ របស់រដ្ឋាភិបាល ដែលអាចប៉ះពាល់ ដល់ជីវភាព ឬការរស់នៅប្រចាំថ្ងៃរបស់ពលរដ្ឋបារាំង។

រាល់បាតុកម្ម ឬកូដកម្ម ដោយសន្តិវិធី ទោះជាមានការគ្រោងទុក ឬបានកើតឡើងភ្លាមៗ ដោយគ្មានការគ្រោងទុកក៏ដោយ សុទ្ធតែ​ត្រូវបាន​ចាត់ទុកថា ជាបាតុកម្មស្របច្បាប់ និងទទួលបានការគាំពារ ពីអាជ្ញាធរ ឬការដឹងឮ ពីរដ្ឋាភិបាលបារាំង ក្រោមគោលការណ៍​គ្រឹះ​ នៃនីតិរដ្ឋ ស្ដីពីសិទ្ធិសេរីភាព នៃការបញ្ចេញមតិ។

ផ្ទុយទៅវិញ កុបកម្មដែលប្រកបដោយអំពើហិង្សា មិនរាប់ចូលជាទង្វើស្របច្បាប់ទេ កុំថាឡើយ ទៅដល់សកម្មភាព​បំផ្លិចបំផ្លាញទ្រព្យសម្បត្តិ សាធារណៈ ឬឯកជន។ ជនឆក់ឱកាស​និយមជាច្រើន បានឆ្លៀតពេលបាតុកម្មស្របច្បាប់ របស់ពលរដ្ឋបារាំង ដើម្បីវាយកម្ទេច… ឬឈានទៅដល់ធ្វើការឆក់ប្លន់ នៅក្នុងហាងទំនិញជាដើម មុននឹងត្រូវអាជ្ញាធរចាប់ខ្លួនបាន យកទៅដាក់ឃុំ ឬបញ្ជូនខ្លួនឡើងតុលាការ ជាបន្តបន្ទាប់។

ដោយឡែក ក្រៅពីព័ត៌មានជាក់លាក់ ដែលគេគួរផ្សព្វផ្សាយ ប្រព័ន្ធផ្សព្វផ្សាយមួយចំនួន ដែលតាំងខ្លួនជាអ្នកសារព័ត៌មាន នៅក្នុងប្រទេសកម្ពុជា បានព្យាយាមយកព្រឹត្តិការណ៍នេះ យកទៅបង្វិល ឬបំភ្លៃ និងធ្វើអត្ថាធិប្បាយ យកទៅលាយឡំ ជាមួយនយោបាយក្នុងស្រុក បែបយ៉ាង «ប្រទេសដែលតាំងខ្លួន ជាបិតាលិទ្ធិប្រជាធិបតេយ្យ ហើយញុះញង់ប្រទេស​ដទៃ ឲ្យធ្វើតាមខ្លួន ឥឡូវកំពុងទទួលផលហើយ»។ អ្នកធ្វើអត្ថាធិប្បាយខ្លះ អះអាងទៀតថា បាតុកម្មអាវកាក់លឿងខាងលើ គឺជា «បដិវត្តន៍ពណ៌» ដែលបារាំងកំពុងរងគ្រោះ បន្ទាប់ពី «បានធ្វើទង្វើនេះ» ដាក់របបកាដាហ្វី នៃប្រទេសលីប៊ី (SIC)។

https://www.facebook.com/freshnewsasia/posts/1114445288727261
[FN = Fake News] ខុសពីការផ្សាយនេះទាំងស្រុង ព្រោះប្រធានាធិបតីបារាំង គ្រាន់តែប្រកាសអំពី សភាពបន្ទាន់ នៃការសង្គ្រោះសេដ្ឋកិច្ច និងសង្គមកិច្ចបារាំងប៉ុណ្ណោះ។ សារព័ត៌មាននេះ ក៏សរសេរដូច្នេះដែរ នៅក្នុងអត្ថបទ តែបានដាក់ចំណងជើង នៅលើបណ្ដាញសង្គម និងធ្វើអត្ថាធិប្បាយថែមថយ មានលក្ខណៈ​ផ្ទុយពីឃ្លាដើមទាំងស្រុង។

វាដូចជាគ្មានអ្វី ត្រូវទាក់ទងគ្នាសោះ! បាតុកម្មរបស់ពលរដ្ឋ ជាសិទ្ធិដែលមាន នៅក្នុងប្រទេសប្រជាធិបតេយ្យ ខណៈទង្វើបំផ្លិចបំផ្លាញ ជាឧក្រិដ្ឋកម្ម… មិនមែនក្រោមរូបភាពបាតុកម្ម ពលរដ្ឋមានសិទ្ធិ ប្រព្រឹត្តិការបំផ្លិចបំផ្លាញនោះទេ។ គេត្រូវបែងចែកឲ្យច្បាស់ អំពីបាតុកម្មរបស់ពលរដ្ឋ ដែលចង់ឲ្យរដ្ឋាភិបាល​ស្ដាប់ឮ នូវការទាមទាររបស់ខ្លួន និងអំពើហិង្សា ឬការឆ្លៀតឱកាស របស់ក្រុមជ្រុលនិយម។ ទង្វើទាំងពីរនេះ មិនដូចគ្នាទេ!

ម្យ៉ាងទៀត អំពើហិង្សា ដែលកើតមាន ក្នុងអំឡុងពេលធ្វើបាតុកម្ម មិនត្រូវបានអាជ្ញាធរបារាំង យកទៅលាបពណ៌ លើមេដឹកនាំបាតុករ ដើម្បីហាមឃាត់បាតុកម្មនោះទេ ដោយហេតុថា ក្រុមបាតុករមានបុព្វហេតុត្រឹមត្រូវ ស្របច្បាប់ របស់ពួកគេ ហើយអាជ្ញាធរបានបែងចែក និងបានដឹងពីភាពខុសគ្នា រវាងបាតុករ និងក្រុមឆ្លៀតឱកាសនិយម។

ផ្ទុយទៅវិញ រដ្ឋាភិបាលបារាំង ពិតជាមានអំណាច ដើម្បីប្រើប្រាស់ទិដ្ឋភាព នៃអំពើហិង្សាទាំងនោះ ដើម្បីហាមឃាត់ការធ្វើបាតុកម្ម។ នេះ បើតាមមន្ត្រីរដ្ឋាភិបាលបារាំងមួយរូប ដែលត្រូវបានស្រង់សំដី ដោយសារព័ត៌មាន​ក្នុងប្រទេសបារាំង។ ប៉ុន្តែមន្ត្រីរូបនោះ អះអាងបន្ថែមថា រវាងការហាមឃាត់ និងការគោរព​សិទ្ធិសេរីភាព​​ពលរដ្ឋ រដ្ឋាភិបាលបារាំង​បានជ្រើសរើស​ការគោរពសិទ្ធិ​​សេរីភាពព​លរដ្ឋ និងមិនធ្វើការ​ហាមឃាត់​បាតុកម្ម​ដាច់ខាត ប្រសិនជាមិនមានភាពចាំបាច់ខ្លាំង។

ប្រព័ន្ធផ្សព្វផ្សាយ នៅកម្ពុជាខ្លះ បានយកវីដេអូ ដែលខុសបរិបទ ខុសព្រឹត្តិការណ៍ ឬវីដេអូ ដែលគ្មានប្រភព យកមកបង្ហោះ និងសរសេរថា «នេះហើយ ជាប្រទេសបារាំង ក្នុងពេលបច្ចុប្បន្ន»។ ប្រព័ន្ធផ្សព្វផ្សាយខ្លះទៀត ថែមទាំងផ្សាយបំផ្លើសទៀតថា ក្នុងបាតុកម្មខាងលើ មានបាតុករស្លាប់ បួននាក់… ខណៈមកដល់ម៉ោងនេះ គ្មានរបាយការណ៍ផ្លូវការណាមួយ អះអាងពីចំនួនមនុស្សស្លាប់ទេ។ ក្រុមអ្នកជំនាញ នៅក្នុងប្រទេសបារាំង បានពន្យល់ថា បើសិនជាមានមនុស្សស្លាប់ នោះវានឹងកាន់តែដុតបញ្ឆេះ កំហឹងរបស់បាតុករទ្វេរឡើង។ ដូច្នេះហើយ ទើបរាល់ការបង្ក្រាបម្ដងៗ អាជ្ញាធរបានប្រយ័ត្នប្រយែង ធ្វើយ៉ាងណា កុំឲ្យរឿងរ៉ាវ ក្លាយជាការបង្ហូរឈាម៕



លំអិតបន្ថែមទៀត

ដំណឹង

Covid-19៖ ម៉ាក្រុង ត្រៀម​ឲ្យ​ប្រទេស​«ងើប​ឡើងវិញ»​ក្រោយថ្ងៃ​១១ឧសភា

វិធានការជាច្រើន នឹងត្រូវរដ្ឋាភិបាលបារាំង សម្រេចឲ្យអនុវត្ត ដើម្បីត្រៀមឲ្យប្រទេស​«ងើប​ឡើងវិញ» នៅក្រោយថ្ងៃទី១១ ខែឧសភា។ នេះ បើតាមប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ...
ដំណឹង

បារាំងបន្ត​ដាក់សម្ពាធ ខណៈ ត្រាំ ព្រមាន​បញ្ជូនទ័ព​ទៅ​វេណេស៊ុយអេឡា

បារាំងបន្ត​ដាក់សម្ពាធ ដោយបានរំឭកលោក នីកូឡា ម៉ាឌូរ៉ូ (Nicolas Maduro) ប្រធានាធិបតីវេណេស៊ុយអេឡា ក្នុងថ្ងៃអាទិត្យនេះ ជុំវិញឱសានវាទរបស់ខ្លួន ដែលបានដាក់ជាមួយប្រទេសជាច្រើន ក្នុងសហភាពអ៊ឺរ៉ុប កាលពីសប្ដាហ៍មុន។ សហរដ្ឋអាមេរិកវិញ ...
ដំណឹង

អាជ្ញាធរឱសថបារាំង ថា​វ៉ាក់សាំង​«AstraZeneca» ពិតជា​មានហានិភ័យ

អាជ្ញាធរជាតិផ្នែកឱសថ របស់ប្រទេសបារាំង ហៅកាត់ថា «ANSM» បានបញ្ជាក់នៅថ្ងៃសុក្រទី២៦ ខែមីនានេះថា វ៉ាក់សាំងបង្ការ​ជំងឺកូវីដ-១៩ របស់សហគ្រាសផលិតឱសថ «AstraZeneca» ពិតជា​មានហានិភ័យ ក្នុងការបង្ក​ឲ្យមានជំងឺ​ស្ទះសរសៃ​ឈាម បើទោះជាហានិភ័យ មានចំនួនដ៏តិចតួចក៏ដោយ។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...