កំសាន្ដវីដេអូ ពីនេះពីនោះ

ភាគខាងត្បូងបារាំង កំពុងធ្វើ​សង្គ្រាម​ប្រឆាំង… ឪម៉ាល់ !

ប្រសិនជាប្រទេសបារាំង បានងើបចេញ​ពីវិបត្តិ​ជំងឺរាតត្បាត «Covid-19» ជាបណ្ដើរៗ​នោះ តំបន់ជាច្រើន ស្ថិតនៅភាគខាងត្បូង នៃប្រទេសនេះ កំពុងប្រកាសសង្គ្រាម ទល់​នឹងការរាតត្បាតថ្មី គឺហ្វូងសត្វ«ឪម៉ាល់» ដែលមានប្រភពពីទ្វីបអាស៊ី ហើយដែល​កំពុង​តាំង​សម្បុករបស់ពួកវា នៅតាមព្រៃព្រឹក្សា និងបើសូម្បី នៅតាមសួនច្បាររបស់អ្នកស្រុក។

ដូចសេចក្ដីរាយការណ៍ជាច្រើន របស់សារព័ត៌មានបារាំង «La Dépèche» ដែលអះអាងថា អ្នកភូមិម្នាក់ ក្នុងក្រុង «Mirande (ភាគខាងត្បូង)» បានភ្ញាក់ខ្លួនក្រញាង នៅពេល​បាន​ប្រទះសត្វឪម៉ាល់ នៅប៉ុន្មានសង់ទីម៉ែត្រ ខាងក្រោយខ្នង។ អ្នកភូមិរូបនោះ បាន​តាមដាន​សត្វនេះ ក៏បានរកឃើញ សម្បុករបស់ពួកវា នៅលើដើមឈើមួយ ដែល​ស្ថិតនៅ​ជាប់​​ច្រកចូលផ្ទះរបស់គាត់។

អត្ថបទសារព័ត៌មានបានសរសេរ ព្រមានថា៖

«បើលោកអ្នកប្រទះឃើញសម្បុកឪម៉ាល់ ហាមធ្វើអន្តរាគមន៍ ដោយខ្លួនលោកអ្នកផ្ទាល់ ព្រោះសត្វឪម៉ាល់ នឹងព្រួតគ្នា​វាយប្រហារ​មកលើ​លោកអ្នក ប្រសិនជាពួកវាយល់ថា សម្បុក​របស់ពួកវា រងការគម្រាមកំហែង (ការទិចច្រើនដង ពីសំណាក់ឪម៉ាល់ អាចប៉ះពាល់​ដល់​ជីវិត)។ សូមរាយការណ៍ទៅសាលាក្រុង ឬហៅរកអ្នកជំនាញ!»

ដោយហេតុដូច្នេះហើយ ទើបនៅក្រុង «Castres» (ភាគខាងត្បូង​បារាំងដដែល) សាលា​ក្រុងបាន​បញ្ជាទិញ​ នូវ«សព្វាវុធ»​ដ៏ប្រល័យមួយគ្រឿង ដើម្បីបំពាក់ឲ្យអ្នកជំនាញ របស់​សាលាក្រុង នូវសមត្ថភាព​ក្នុងការ​កំទេចហ្វូងឪម៉ាល់ទាំងអស់ និងទាំងមូល​នៅក្នុង​សម្បុក​​របស់ពួកវា។

សព្វាវុធនោះ គឺកាំភ្លើងពិសេស ដែលអាចបាញ់ពីចំងាយ (រវាងពី៤០ ទៅ៥០ម៉ែត្រ) ដើម្បីបញ្ចៀស​ការចូលជិត​ហ្វូង​ឪម៉ាល់។ កាំភ្លើងនោះ នឹងបាញ់គ្រាប់ឃ្លីមួយគ្រាប់ ឬច្រើន​គ្រាប់ ចូលទៅក្នុង​សម្បុក​ឪម៉ាល់។ បន្ទាប់ពីចូល​ដល់​ក្នុងសម្បុករួច គ្រាប់ឃ្លីនោះ​នឹងផ្ទុះ​ឡើង ហើយបញ្ចេញម្សៅ (ឬផ្សែង​ចំហាយ) ដែលអាចសម្លាប់​សត្វដ៏ចង្រៃ នៅត្រឹមតែ​ប៉ុន្មាន​វិនាទី​ប៉ុណ្ណោះ។

ភ្នាក់ងារជួយសង្គ្រោះ (Pompiers) នៅតាមតំបន់ផ្សេងទៀត ក៏មានបំពាក់នូវ​កាំភ្លើង​ដូច្នេះដែរ។ ពួកគេបាន​កម្ទេចសម្បុករបស់សត្វឪម៉ាល់ បានជាច្រើនរួចមកហើយ។



You may also like

ដំណឹង

អតីតប្រធានាធិបតីបារាំង ទទួលមរណភាព​ដោយសារ​«Covid-19»

លោក វ៉ាឡេរី ជីស្កាដេស្ដាំង (Valéry Giscard d’Estaing) អតីតប្រធានាធិបតីបារាំង រវាងពី​ឆ្នាំ១៩៧៤ មកទល់នឹងឆ្នាំ១៩៨១ បានទទួលមរណភាព ក្នុងជន្មាយុ៩៤ឆ្នាំ កាលពី​យប់​ថ្ងៃពុធទី២ ខែធ្នូ ...
ដំណឹង

បាតុកម្ម«អាវកាក់លឿង»​ទី១៨៖ ធនាគារ តូប​​និង​ហាង​ជាច្រើន​​រងអគ្គិភ័យ

ចលនាទី១៨ នៃបាតុកម្មក្រុម«អាវកាក់លឿង»បារាំង បានយករដ្ឋធានីប៉ារីសធ្វើជាទិសដៅ ក្នុងថ្ងៃសៅរ៍ទី១៦ ខែមិនា ឆ្នាំ២០១៩នេះ ដើម្បីសំដែងកំហឹងរបស់បាតុករ ប្រឆាំងនឹងនយោបាយដឹកនាំដោយរដ្ឋាភិបាល របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel ...
ជីវិតប្រចាំថ្ងៃ

បារាំង៖ ថ្ងៃបុណ្យ​ដែល​ត្រូវ​ឈប់​សម្រាក ប្រតិទិន​ឆ្នាំ២០២០

ក្នុងប្រទេសបារាំង ថ្ងៃបុណ្យ​ដែល​ត្រូវ​ឈប់​សម្រាក មាន១១ថ្ងៃ ស្របតាមច្បាប់ការងារ ជាធរមាន របស់ប្រទេសនេះ។ ពីចំណោមនោះ ថ្ងៃបុណ្យចំនួន៥ គឺជាទិវាបុណ្យជាតិ-អន្តរជាតិ សម្រាប់ឧទ្ទិស​ឲ្យការរំលឹក​ឡើងវិញ នៃប្រវត្តិនានា ដែលជាការតស៊ូ ដើម្បីសេរីភាព ...

Comments are closed.

កំសាន្ដ

ហ៊ុន សែន ថាភរិយាលោក នៅចង់​តែងខ្លួន​ប្រណាំង​កូនចៅ​នៅឡើយ

កំសាន្ដ

កាត់ច្រមុះ​និងបបូរមាត់លើ ដើម្បីធ្វើខ្លួន​ជា… មនុស្ស​ភពក្រៅ

មនុស្ស​ភពក្រៅ មាននៅលើផែនដីយើងមែនឬទេ? ពិបាកឆ្លើយបន្តិច… តែបុរសជាតិបារាំង​ម្នាក់នេះ អាចឆ្លើយនឹង​សំនួរខាងលើបាន៖ មនុស្ស​ភពក្រៅ គឺជារូបគាត់នេះតែម្ដង។ លោក «Anthony Loffredo» ទើបនឹងបានកាត់ច្រមុះ និងបបូរមាត់​ខាងលើ របស់លោក ...
កំសាន្ដ

កំពុងជិះស្គី… ស្រាប់តែងាកក្រោយ ឃើញខ្លាឃ្មុំ កំពុងតាមប្រមាញ់

ក្នុងខណៈកំពុងជិះស្គី ចុះជម្រាលភ្នំយ៉ាងរំភើយ បុរសអ្នកលេងស្គីម្នាក់នេះ ត្រូវបានអ្នកនៅក្នុងហេតុការណ៍ផ្សេងទៀត ស្រែកប្រាប់ឲ្យដឹង… ពីវត្តមាននៃ«សត្វខ្លាឃ្មុំ»មួយក្បាល ដែល«កំពុងតាមប្រមាញ់»គាត់។ ហេតុការណ៍ បានកើតឡើងកាលពីចុងសប្ដាហ៍កន្លងមក ក្នុងក្រុង «Predeal» ដែលជាក្រុងនៅលើភ្នំ (ភាគកណ្ដាល) ...