ជារឿង ដ៏ហួសចិត្តមួយ ដែលទស្សនាវដ្ដីដ៏ធំ របស់បារាំង បានសរសេរឈ្មោះវាគ្មិនច្រឡំ នៅក្នុងអត្ថបទចុះផ្សាយ របស់ខ្លួន ដោយថា ប្រធានគណបក្សប្រឆាំង លោក កឹម សុខា បានភៀសខ្លួនទៅ ហ្វាំងឡង់ ហើយ។ ទស្សនាវដ្ដីឈ្មោះ «L’Obs» បានសរសេរឃ្លាមួយ មានន័យថា៖

«លោក កឹម សុខា ឥស្សរជននយោបាយប្រឆាំង ដ៏សំខាន់ម្នាក់ ដែលសព្វថ្ងៃបាននិរទេសខ្លួន នៅប្រទេសហ្វាំងឡង់… (Kem Sokha, figure de l’opposition aujourd’hui en exil en Finlande…)។»

កំហុសខាងលើ ជារឿងមួយ។ តែនៅមានកំហុសមួយទៀត៖ នោះ គឺអត្ថបទរបស់ «L’Obs» បានស្រង់សំដីវាគ្មិនរូបនោះ​មកបង្ហាញ ដោយបញ្ជាក់ថា ជាការអះអាងរបស់ «អតីតប្រធានគណបក្សសង្គ្រោះជាតិ របស់ប្រទេសកម្ពុជា ដែលត្រូវបានរំលាយ​ដោយ​លោក ហ៊ុន សែន (… a ajouté l’ancien président du Parti du sauvetage national du Cambodge, dissout par Hun Sen)»។

តាមទំនងមើលទៅ ឃ្លាទាំង​ប៉ុន្មាន​ខាងលើ ត្រូវបានទស្សនាវដ្ដី «L’Obs» ដកស្រង់​ចេញ​ពីសារព័ត៌មាន «New York Time» ដែលបានសម្ភាស​លោក គីម សុខ អ្នកវិភាគនយោបាយ ពីប្រទេស​ហ្វាំងឡង់ យកមកចុះផ្សាយ ​នៅក្នុងអត្ថបទមួយ ដែលនិយាយថា របបក្រុងភ្នំពេញសព្វថ្ងៃ ចូលចិត្ត«សម្ញែងខ្លួន» តាមរយៈការបំបែកឯកត្តកម្ម«ដែល​គ្មាន​ប្រយោជន៍​ជាដុំកំភួន» មានដូចជា ធ្វើនំ​អន្សម​ធំជាងគេ ក្រមាវែង​ជាងគេ និងចុងក្រោយ ទូកងវែងជាងគេនោះ ជាដើម។

ទស្សនាវដ្ដីមនោរម្យ.អាំងហ្វូ បានព្យាយាមសាកសួរ ទៅកាន់ «L’Obs» ដើម្បីចង់បានការស្រាយបំភ្លឺ តែមិនទាន់​ឃើញឆ្លើយ មកវិញនៅឡើយ។

យ៉ាងណា វាអាចត្រឹមជាកំហុស ដោយអចេតនា របស់អ្នកវាយអត្ថបទ ដែលជក់ដៃជាមួយឈ្មោះ លោក កឹម សុខា ប្រធានគណបក្សសង្គ្រោះជាតិ ដែលគេស្គាល់ច្រើន ជាជាងលោក គីម សុខ។

ម្ចាស់សំណេរ ដែលមិនត្រូវបាន “L’Obs” បញ្ចេញឈ្មោះនោះ ទំនងជាមិនគិតដល់ទេថា បើខ្លួនត្រូវ​សរសេរ​ពីលោក កឹម សុខា គឺម្ចាស់អត្ថបទកំពុងច្រឡំទាំងស្រុង ដោយហេតុថា ប្រធានគណបក្សប្រឆាំង កំពុងជាប់ឃុំ នៅក្នុងគេហដ្ឋានលោក ក្រោមការឃ្លាំមើល យ៉ាងតឹងតែង ពីអាជ្ញាធររបបដឹកនាំ​ក្រុងភ្នំពេញ នៅឡើយ៕



You may also like

វប្បធម៌ និងជីវិត

អារម្ភកថា​បង្កប់​ស្មារតី​ជាតិ​និយម​របស់ ប៊ុណ្ណចន្ទ ម៉ុល ក្នុង​សៀវភៅ “គុក​នយោបាយ”

សៀវភៅ “គុកនយោបាយ” ដែលនិពន្ធដោយ លោក ប៊ុណ្ណចន្ទ ម៉ុល បានពិពណ៌នាយ៉ាងលម្អិត អំពីស្ថានភាពនយោបាយស្រុកខ្មែរ នាសម័យអាណានិគមបារាំង។ តែនៅទំព័រដំបូង នៃសៀវភៅនេះ លោក ប៊ុណ្ណចន្ទ ...
កម្ពុជា

ហ៊ុន សែន ហៅអ្នកនិយាយ ពី«ការបិទក្រុង​ឬផ្នែកខ្លះ» ថាជា​មនុស្សអាក្រក់

អ្នកស្រង់សំដីរបស់លោក ហ៊ុន សែន យកមកផ្សាយបន្ត មានវាសនាមិនល្អទេ ព្រោះតែង​ត្រូវ​បានបុរសខ្លាំងរូបនេះ ចាប់ដាក់គុក ឬចាត់ទុក ថាជា​មនុស្សអាក្រក់ ជាដើម។ ហើយនេះ ជាវគ្គថ្មីមួយទៀត ដែលបុរសមានអំណាច ...
កម្ពុជា

កឹម សុខា ផ្ញើរសារ​ជូនពរ​ឆ្នាំថ្មី ឲ្យខ្មែរ​រួបរួម ដើម្បី​យកឈ្នះ​«Covid-19»

លោក កឹម សុខា ប្រធានគណបក្សសង្គ្រោះជាតិ ដែលត្រូវបានរបបក្រុងភ្នំពេញ រំលាយចោល កាលពីចុងឆ្នាំ២០១៧ បានយកឱកាស នៃការជូនពរឆ្នាំថ្មី របស់លោក ដើម្បីអំពាវនាវឲ្យមានការរួបរួម សម្រាប់ការយកឈ្នះលើជំងឺ «Covid-19» ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...