កម្ពុជាដំណឹង

Covid-19៖ កម្ពុជាមាន៥​ករណី​បន្ថែម ក្នុងនោះមន្ត្រី​ការទូត​អាមេរិក២នាក់

ក្នុងថ្ងៃសុក្រនេះ ប្រទេសកម្ពុជាបន្តរកឃើញ ករណីឆ្លងជំងឺ«Covid-19» ចំនួន៥នាក់​បន្ថែមទៀត ក្នុងនោះមន្ត្រី​ការទូត​អាមេរិក២នាក់ បន្ទាប់ពីពួកគេទាំងនោះ បាន​ធ្វើ​ដំណើរចូលប្រទេសកម្ពុជា តាមផ្លូវយន្ដហោះ។ នេះ បើតាមការអះអាងរបស់ ក្រសួង​សុខាភិបាល​កម្ពុជា នៅក្នុងសេចក្ដីជូនព័ត៌មានមួយ ដែលចេញផ្សាយ កាលពីមុននេះ​បន្តិច។

ក្រសួងសុខាភិបាល បានអះអាងថា មន្រ្តីការទូតជាន់ខ្ពស់អាមេរិក​ ទាំង២នាក់ បានមក​ដល់កម្ពុជា កាលពីថ្ងៃទី១៥ ខែកក្កដា​ តាមជើងយន្ដហោះ លេខ «KE689» របស់កូរ៉េ​ខាង​ត្បូង​ ​​ដែល​ផ្ទុកអ្នក​ដំណើរចំនួន​ ៩១នាក់។ នៅខណៈនេះ មន្ត្រីទាំងនោះ កំពុងស្ថិតនៅ​បន្ទប់ដាច់​ដោយ​ឡែក ​ក្នុងស្ថានទូត​អាមេរិក នៅរាជធានីភ្នំពេញ។

រីឯអ្នកដំណើរ​ដែលមានលទ្ធផលតេស្តអវិជ្ជមាន​ ត្រូវបានដាក់ដាច់ឡែក នៅមណ្ឌល​ចត្តាឡីស័ក​​ទ័ពអាកាស​ រាជធានីភ្នំពេញ ចំនួន១០នាក់ និងនៅសណ្ឋាគារមួយ ក្នុង​សង្កាត់​បឹងកេងកង១ ចំនួន៧៩នាក់ផ្សេងទៀត។

សម្រាប់អ្នកជំងឺ៣នាក់ទៀត ជាពលរដ្ឋខ្មែរ ក្នុងនោះ បុរសម្នាក់អាយុ ៣៥ឆ្នាំ កុមារាម្នាក់ (ដែលជាកូនប្រុសរបស់បុរស) អាយុ ៥ឆ្នាំម្នាក់ និងស្រ្តីម្នាក់ទៀត អាយុ ៦០ឆ្នាំ។ អ្នកទាំងបី បានធ្វើដំណើរត្រលប់ ពី​សហ​រដ្ឋអាមេរិក ​​​កាលពីថ្ងៃទី១៥ ខែកក្កដា តាមជើងហោះហើរ​លេខ «BR265» របស់ប្រទេសចិន ដែល​ផ្ទុកអ្នកដំណើរ​រួមសរុបចំនួន ៧៧ នាក់។

បច្ចុប្បន្នអ្នកជំងឺទាំង៣ខាងលើ កំពុងសម្រាកព្យាបាល នៅមណ្ឌលសុខភាពចាក់អង្រែក្រោម រាជធានីភ្នំពេញ ខណៈអ្នករួមដំណើរក្នុងយន្ដហោះ ត្រូវបានដាក់ ឲ្យនៅដាច់ដោយឡែក នៅមណ្ឌលចត្តាឡីស័ក្ដទ័ពអាកាស ចំនួន៨នាក់ និងនៅឯសណ្ឋាគារ អូខេប៉ាឡេស ចំនួន៦៦នាក់ទៀត។

ក្រសួងសុខាភិបាល បានអះអាងទៀតថា គិតត្រឹមព្រឹកថ្ងៃទី១៧ ខែកក្កដា ឆ្នាំ២០២០ ប្រទេស​កម្ពុជាមានករណី អ្នកផ្ទុកកូវីដ១៩ សរុបចំនួន១៧១នាក់ ដែលក្នុងនោះ​ព្យាបាលជាសះស្បើយ ចំនួន១៣៣នាក់៕



លំអិតបន្ថែមទៀត

កម្ពុជា

ហ៊ុន សែន ថា«ពាក់ម៉ាស់»ពេលជួបចៅ ដើម្បីការពារ​សុខភាពពួកគេ

មេដឹកនាំដ៏ចាស់វស្សា​នៅកម្ពុជា លោក ហ៊ុន សែន បានលើកឡើង នៅថ្ងៃនេះ ថាលោក បាន«ពាក់ម៉ាស់»​ នៅពេលលោកមកលេង ចៅទី២២ម្នាក់ ដែលទើបកើត​កាលពីសប្ដាហ៍មុន ដើម្បីការពារ​សុខភាព ចៅៗទាំងឡាយរបស់លោក។ ...
ដំណឹង

កូរ៉េខាងជើង​ស្នើឲ្យ​ដក​រដ្ឋមន្ត្រី​ការបរទេស​អាមេរិក ចេញ​ពី​ការចរចា

ប្រទេសកូរ៉េខាងជើង បានស្នើសុំកាលពីម្សិលម៉ិញ ឲ្យដកលោក ម៉ៃ ភមភីអូ (Mike Pompeo) រដ្ឋមន្ត្រីការបរទេស​អាមេរិក ចេញ​ពី​ការចរចា ស្ដីពីអាវុធនុយក្លេអ៊ែរ រវាងក្រុងវ៉ាស៊ីនតោន និងក្រុងព្យុងយ៉ាង។ សម្រាប់របបកុម្មុយនីស្ដិ៍ ...
កម្រមាន

Covid-19៖ ចាប់ខ្លួន​«គិលានុបដ្ឋាយិកា»​ម្នាក់​ ព្រោះ​លួចលុយ​អ្នកជំងឺ

ក្នុងពេលដែលវិបត្តិជំងឺ«Covid-19» កំពុងរាតត្បាតសហរដ្ឋអាមេរិក «គិលានុបដ្ឋាយិកា»​ម្នាក់ ត្រូវបានចាប់ខ្លួន កាលពីថ្ងៃព្រហស្បត្តិ៍។ មន្ទីរពេទ្យមួយក្នុងក្រុងញូយក បាន​ព្យួរ​ស្ត្រី​រូបនោះ​​ពីការងារ បន្ទាប់ពីរងការចោទថា បានលួចយកទៅប្រើប្រាស់ នូវ​ប័ណ្ណ​ឥណទាន (Credit Card) របស់​អ្នកជំងឺ«Covid-19»មួយរូប ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...