ដំណឹងបារាំង

កងទ័ពបារាំងប្រើយន្ដហោះ អ៊ែរប៊ូស ដើម្បីដឹកជញ្ជូនអ្នកជំងឺ«Covid-19»

កងទ័ពអាកាសរបស់ប្រទេសបារាំង បានប្រើយន្ដហោះប្រភេទធំ អ៊ែរប៊ូស (AirBus A330) ដើម្បីផ្ទេរអ្នកជំងឺ «Covid-19» ចេញពីមន្ទីរពេទ្យ ក្នុងតំបន់ «Alsace» ភាគខាងកើតបារាំង ទៅកាន់មន្ទីរពេទ្យផ្សេងទៀត ស្ថិតក្នុងភាគខាងត្បូងប្រទេស។

កាលពីយប់ថ្ងៃចន្ទទី១៦ ខែមីនា ឆ្នាំ២០២០ ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានប្រកាសបញ្ចេញកងទ័ព ដើម្បីជួយធ្វើអន្តរាគមន៍ ក្នុងយុទ្ធនាការប្រយុទ្ធប្រឆាំង នឹងមេរោគ«កូរូណា» ឬ «Covid-19»។ ក្នុងជំហានដំបូងនេះ កងទ័ពមានភារកិច្ច បង្កើតមន្ទីរពេទ្យពិសេស និងដឹកជញ្ជូន ឬផ្ទេរអ្នកជំងឺ។

អ្នកនាំពាក្យកងទ័ព បានថ្លែងប្រាប់ទីភ្នាក់ងារ រ៉យទ័រ ថា យន្ដហោះ អ៊ែរប៊ូស ខាងលើ ដែលហោះចេញពីមូលដ្ឋានយោធា «Istres» (ភាគខាងត្បូង) បានចុះចតនៅព្រលានយន្ដហោះ ក្រុង «Mulhouse» (ភាគខាងកើត) ដើម្បីបេសកកម្ម «ផ្ទេរអ្នកជំងឺ ចំនួន៦នាក់»។

យន្ដហោះខាងលើ ដែលមានឈ្មោះបច្ចេកទេស «MRTT Phénix» មានបំពាក់ឲ្យបរិក្ខាពេទ្យពិសេស សម្រាប់សង្គ្រោះ និងជម្លៀសយុទ្ធជន ដែលរងរបួសក្នុងសង្គ្រាម។ ហើយនេះ ជាលើកទីមួយហើយ ដែលយន្ដហោះប្រភេទនេះ បានដឹកជញ្ជូនអ្នកជំងឺ ជាជនស៊ីវិល។ 

អ្នកស្រី «Florence Parly» រដ្ឋមន្ត្រីទទួលបន្ទុកកិច្ចការកងទ័ព បានឲ្យដឹង តាមទំព័រទ្វីសធើរថា អ្នកជំងឺទាំង៦នាក់ ត្រូវបញ្ជូនទៅកាន់មន្ទីរពេទ្យយោធា ចំនួនពីរកន្លែង ស្ថិតក្នុងភាគខាងត្បូង នៃប្រទេសបារាំង ក្នុងល្ងាចថ្ងៃពុធនេះ។

តំបន់ «Alsace» ដែលស្ថិតនៅភាគខាងកើត នៃប្រទេសបារាំង ជាតំបន់ដែលរងការរាតត្បាតខ្លាំងជាងគេ ពីមេរោគ «Covid-19»។ រាល់មន្ទីរពេទ្យ នៅក្នុងតំបន់នោះ បានពេញព្រាត ដោយអ្នកជំងឺ ជាពិសេសអ្នកជំងឺ ដែលត្រូវសង្គ្រោះបន្ទាន់។ ដោយហេតុនេះ ទើបតម្រូវឲ្យមានការបែងចែក រវាងអ្នកជំងឺដែលត្រូវសង្គ្រោះភ្លាមៗ និងអ្នកជំងឺ ដែលអាចទទួលការព្យាបាល ក្នុងរយៈពេលវែងបាន៕



You may also like

ប្រាសាទអង្គរវត្ត ក្នុងខេត្តសៀមរាប ប្រទេសកម្ពុជា។ (រូបថត ប៊ុន ណារុន)
កម្ពុជា

Covid-19៖ សម្រាប់​ក្រុម​អ្នក​ទេសចរណ៍​បរទេស «កម្ពុជាតូច តែឫកធំ»

ទេ! មិនមែន«កម្ពុជាតូច តែបេះដូងធំ» ដូចការឃោសនារបស់លោកនាយករដ្ឋមន្ត្រី ហ៊ុន សែន និងក្រុម​អ្នក​ហែហម​ទេ។ ហើយមន្ទិលក៏កើតមាន កាន់តែខ្លាំងដែរ នៅចំពោះ​ការប្រកាសរបស់លោក ថោង ខុន រដ្ឋមន្ត្រីទេសចរណ៍ ...
កម្ពុជា

Covid-19៖ បុរសពីរនាក់ រត់ចេញ​ពីមណ្ឌល​ធ្វើ​ចត្តាឡីស័ក ក្នុង​ខេត្ត​ព្រៃវែង

ហេតុការណ៍បានកើតឡើង នៅវេលាម៉ោងប្រមាណជា ៤ល្ងាចថ្ងៃទី៣ ខែសីហា ឆ្នាំ២០២០​នេះ។ បុរសពីរនាក់ ម្នាក់មានអាយុ២១ឆ្នាំ និងម្នាក់ទៀតអាយុ៣២ឆ្នាំ បានរត់ចេញ​ពីមណ្ឌលធ្វើចត្តាឡីស័ក វិទ្យាល័យ​កំពង់លាវ ក្នុងខេត្តព្រៃវែង និងបានគេចខ្លួន​បាត់​ស្រមោល ខណៈក្រុម​អាជ្ញាធរ ...
ដំណឹង

អាជ្ញាធរ​បារាំង​​បង្ក្រាប​«ខ្មាន់កាំភ្លើង»​នៅ​ស្ត្រាស្បួរ៍​-ISIS ​ទទួល​ស្គាល់ភេរវកម្ម

បុរសឈ្មោះ «Cherif Chekatt» ជនសង្ស័យជា«ខ្មាន់កាំភ្លើង» ដែលបានបើកការបាញ់ប្រហារ ទៅលើហ្វូងមនុស្ស កាលពីយប់ថ្ងៃអង្គារទី១១​ ខែធ្នូ ឆ្នាំ២០១៨ ត្រូវបានកងកម្លាំងអាជ្ញាធរបាញ់សម្លាប់ ក្នុងយប់ថ្ងៃព្រហស្បត្តិម្សិលម៉ិញ នៅក្នុងសង្កាត់ «Neudorf» ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...