តន្ត្រីវប្បធម៌ និងជីវិត

ផ្សាយផ្ទាល់​ពី​កម្មវិធី​«One World: Together At Home»

ដើម្បីស្វែងរកមូលនិធិ ប្រយុទ្ធប្រឆាំង ទល់នឹងជំងឺ «Covid-19» កម្មវិធី «One World: Together at Home» មួយត្រូវបានរៀបចំឡើង ដោយរួមប្រជុំកំពូលតារាៗ ល្បីៗនៅក្នុងពិភពលោក ប្រមាណជា៧០នាក់។

កំពូលតារាទាំងនោះ មានដូចជា «Elton John» «Lizzo» «Rolling Stones» «Céline Dion» និង «Billie Eilish» ជាដើម បានឆ្លើយតប«វិជ្ជមាន» ចំពោះការរៀបចំ កម្មវិធីមួយនេះ ដែលផ្ដួចផ្ដើមឡើង ដោយកំពូលអ្នកចម្រៀងអាមេរិក នាង «Lady Gaga» ហើយរៀបចំធ្វើ ដោយអង្គការសុខភាពពិភពលោក (WHO / OMS) និងចលនាពលរដ្ឋ «Global Citizens»។

រាល់តារាទាំង៧០នាក់ នឹងចូលរួមក្នុងកម្មវិធី ដែលមិនគិតកម្រៃមួយនេះ ម្នាក់ម្ដងៗ ឬអាចចូលរួមរួមគ្នា តាមរយៈវីដេអូដែលថតចេញ ពីគេហដ្ឋានរបស់ពួកគេរៀងខ្លួន ដោយហេតុថា ពួកគេត្រូវសំងំ ដាក់ខ្លួននៅក្នុងផ្ទះ ដូចមនុស្សទូទៅ ដើម្បីបង្ការការឆ្លងជំងឺ «Covid-19» ដ៏ចង្រៃ។

បើតាមអ្នករៀបចំកម្មវិធី បានឲ្យដឹងថា ពួកគេបានរៃអង្គាសប្រាក់ បានប្រមាណជា ៣៥លានដុល្លារហើយ។ កម្មវិធីនេះ នឹងធ្វើការឧទ្ទិសទៅដល់ ក្រុមគ្រូពេទ្យដែលកំពុងធ្វើពលីកម្ម នៅប្រឈមទល់នឹងមេរោគដ៏ឬស្យា ដើម្បីថែរក្សាព្យាបាល ដល់អ្នកជំងឺទាំងឡាយ។

មកដល់ម៉ោងនេះ អ្នកឆ្លងជំងឺ «Covid-19» នៅជុំវិញពិភពលោក បានកើនឡើង ដល់ជាង ២លាន៣សែននាក់ ខណៈអ្នកជំងឺជិត ១សែន៦ម៉ឺននាក់ បានស្លាប់៕



You may also like

ដំណឹង

វីដេអូ​បង្ហាញ​ទិដ្ឋភាព​នៃ​ការបាញ់​បង្ក្រាប​ខ្មាន់កាំភ្លើង នៅ​«Dayton»

បុរសអាយុ២៤ឆ្នាំ ដែលមានពាក់អាវការពារគ្រាប់ និងប្រដាប់ដោយកាំភ្លើងវែងមួយដើម រួមនឹងបង់គ្រាប់ជាច្រើននោះ បានបើកការ​បាញ់ប្រហារ ទៅលើហ្វូងមនុស្ស នៅក្នុងសង្កាត់ «Oregon» នៃក្រុង «Dayton» រដ្ឋអូហៃយ៉ូ (Ohio) នៅវេលាម៉ោងប្រមាណជា ...
កម្ពុជា

បែកធ្លាយ ៖ ហ៊ុន សែន ឲ្យឆ្នៃសាលារៀន ធ្វើជា​មន្ទីរពេទ្យ​​«Covid-19»

បែកធ្លាយ ៖ នាយករដ្ឋមន្ត្រី នៃរដ្ឋាភិបាលឯកបក្ស នៅកម្ពុជា លោក ហ៊ុន សែន បានបញ្ជា ទៅគណៈអភិបាលខេត្តក្រុងទាំងអស់ (លើកលែងតែរាជធានីភ្នំពេញ) ឲ្យជ្រើសរើសយកសាលារៀន ដើម្បីកែឆ្នៃធ្វើជាមន្ទីរពេទ្យ ...
កម្ពុជា

ថិក គ្រូស ថ្លែង​ពីភាពចាំបាច់​ ដែល​អាមេរិក​ត្រូវ​សើរើ​ការអនុគ្រោះពន្ធពីកម្ពុជា

សមាជិកព្រឹទ្ធសភាអាមេរិក ដ៏ល្បីឈ្មោះ លោក ថិក គ្រូស (Ted Cruz) បានបញ្ចេញប្រតិកម្មរបស់លោក តបនឹងនាយករដ្ឋមន្ត្រីកម្ពុជា ដែលបានគម្រាម កាលពីប៉ុន្មានថ្ងៃមុន ថានឹងកម្ទេចគណបក្សប្រឆាំងចោល ប្រសិនណាជាសហគមន៍អន្តរជាតិ ...

Comments are closed.

តន្ត្រី

អ៊ីតាលី ឈ្នះពាន​មហោស្រព​ ប្រឡងចម្រៀង «EuroVision 2021»

តន្ត្រី

EuroVision 2021 ៖ ផ្សាយផ្ទាល់​ពីរាត្រី​ផ្ដាច់ព្រ័ត្រនៃ​មហោស្រព

២៦ប្រទេសចុងក្រោយ ពីក្នុងចំណោមប្រទេសចូលរួមទាំងអស់ ៤១ប្រទេស នឹងត្រូវបញ្ចេញសមត្ថភាព តាមរយៈ​អ្នកចម្រៀងជម្រើសផងខ្លួន នៅក្នុងរាត្រីផ្ដាច់ព្រ័ត្រ នៃ​មហោស្រព​ប្រឡង​ចម្រៀង «EuroVision 2021» ដែលជា​ព្រឹត្តិការណ៍​ប្រចាំឆ្នាំ នៅទ្វីបអ៊ឺរ៉ុប ដោយមានការចូលរួម ពីបណ្ដាប្រទេសជាសមាជិក ...
តន្ត្រី

ពេជ្រ សោភា ចេញចម្រៀង​«រួមគ្នា​ប្រឆាំង Covid-19»

តារាចម្រៀងល្បី របស់ផលិតកម្ម ហង្សមាស កញ្ញា ពេជ្រ សោភា បានចេញចម្រៀងថ្មីមួយ ដើម្បីចូលរួមក្នុងយុទ្ធនាការ ប្រឆាំងនឹងមេរោគ «កូរូណា» ឬ«Covid-19»។ បទនោះ សរសេរទំនុកច្រៀង ...