តារាចម្រៀងល្បី របស់ផលិតកម្ម ហង្សមាស កញ្ញា ពេជ្រ សោភា បានចេញចម្រៀងថ្មីមួយ ដើម្បីចូលរួមក្នុងយុទ្ធនាការ ប្រឆាំងនឹងមេរោគ «កូរូណា» ឬ«Covid-19»។ បទនោះ សរសេរទំនុកច្រៀង ដោយរូបនាងផ្ទាល់ និងមានចំណងជើងថា «រួមគ្នាប្រឆាំង Covid-19»។
ចម្រៀងនេះ ដែលមានទំនុកបទភ្លេង «ពាក់កណ្ដាល RAB» បានចាប់ផ្ដើមដោយទំនុកច្រៀងទីមួយ ដូច្នេះ៖
«រួមគ្នាការពារទប់ស្កាត់ ចេញក្រៅប្រយ័ត្ន គិតដល់អ្នកផ្ទះផង។
បើអ្នកប្រហែស នោះអ្នកនឹងឆ្លង នឹងអាចចម្លង ពេញមួយគ្រួសារ។»
ហើយ តារាចម្រៀង ពេជ្រ សោភា នៅមិនបានភ្លេចផងទេ ទៅដល់បណ្ដាគ្រូពេទ្យ ដែលកំពុងធ្វើពលិកម្មផ្ទាល់ខ្លួន និងគ្រួសារ ដើម្បីនៅថែរក្សា និងព្យាបាលអ្នកជំងឺរលាកផ្លូវដង្ហើមប្រភេទថ្មី ដែលមកដល់ពេលនេះ នៅមិនទាន់មានថ្នាំព្យាបាលនៅឡើយ។
តារាចម្រៀងបានច្រៀងថា៖
«អរគុណទឹកចិត្តថ្លាថ្លៃ ពួកយើងគ្មានអ្វី ក្រៅពីពាក្យអរគុណ។
លះបង់គ្រួសារ បំពេញកាតព្វកិច្ចខ្លួន មើលថែបងប្អូន ដែលផ្ទុកមេរោគកូរូណា៕»
សូមទស្សនា និងស្ដាប់ចម្រៀងថ្មីមួយនេះ ដូចតទៅ៖
