ដំណឹងអាស៊ី-ប៉ាស៊ីភិក

មេរោគ​«កូរូណា»៖ បាត់ខ្លួន គីម ជុង-អ៊ុន ជិត​បី​សប្ដាហ៍​ហើយ

មេដឹកនាំកូរ៉េកុម្មុយនីស្ដិ៍ លោក គីម ជុង-អ៊ុន (Kim Jong-un) បានបាត់ខ្លួនយ៉ាងអាថ៌កំបាំង ក្នុងប៉ុន្មានថ្ងៃចុងក្រោយ ខណៈមេរោគ«កូរូណា»ថ្មី កំពុងបន្តចម្លង យ៉ាងរីករាលដាល នៅក្នុងប្រទេសចិន និងក្នុងតំបន់។ ជាការបាត់ខ្លួន ដែលបង្កមន្ទិល ព្រោះបើសូម្បីក្នុងទិវាបុណ្យជាតិ ដ៏សំខាន់មួយ របស់កូរ៉េខាងជើង ក៏គេមិនបានឃើញលោក គីម បង្ហាញវត្តមានដែរ។

ប្រទេសកូរ៉េកុម្មុយនីស្ដិ៍ ដែលបិទទ្វាជិតឈឹង ចំពោះពិភពលោក មិនបានបង្ហាញឲ្យដឹងថា ក្នុងប្រទេសខ្លួន មានករណីឆ្លងមេរោគខាងលើ ឬយ៉ាងណទេ។

សម្រាប់ទីភ្នាក់ងារព័ត៌មាន «Yonhap» របស់កូរ៉េខាងត្បូង បានរាយការណ៍ថា ការបាត់ខ្លួនរបស់លោក គីម ជុង-អ៊ុន អាចបណ្ដាលមកពីការភ័យខ្លាច ចំពោះការរីករាលដាល នៃមេរោគដ៏ប្រល័យ នេះតែម្ដង។ 

លោក គីម បានបង្ហាញខ្លួន លើកចុងក្រោយបង្អស់ និងជាសាធារណៈ នៅថ្ងៃទី២៥ ខែមករា កន្លងមក ក្នុងរដ្ឋធានីព្យុងយ៉ាង សម្រាប់ឱកាសនៃបុណ្យចូលឆ្នាំ ប្រពៃណីចិន។ តាំងពីពេលនោះមក គេមិនឃើញ​លោក​មានវត្តមាន​ជាថ្មីទៀតទេ ជាពិសេស​មេដឹកនាំរូបនេះ មិនត្រូវបាន​ទីភ្នាក់ងារ​ព័ត៌មាន​ផ្លូវការ របស់ប្រទេសកូរ៉េខាងជើង ស្រង់សំដី ឬថតរូប យកមកចុះផ្សាយ ដូចរាល់ដងឡើយ។

អវត្តមាននេះ ជារឿងដ៏កម្រ សម្រាប់របបកុម្មុយនីស្ដិ៍ ដែលចាំបាច់ត្រូវបង្ហាញ ពីរូបភាពឬសារឃោសនា នៃមេដឹកនាំខ្លួន ឲ្យបានញឹកញាប់បំផុត។

កាលពីថ្ងៃសៅរ៍ ចុងសប្ដាហ៍កន្លងមក លោក គីម បានអវត្តមាន ក្នុងទិវាបុណ្យជាតិដ៏សំខាន់មួយ ហៅថា ទិវារំលឹកខួបថ្ងៃបង្កើតកងទ័ព របស់របបក្រុងព្យុងយ៉ាង។ អវត្តមាននេះ មានទម្រង់ខុស ពីទម្លាប់របស់អគ្គមគុទេសន៍ វ័យក្មេង ដែលតែងបង្ហាញខ្លួន ជាមួយកងទ័ព សឹងជារៀងរាល់ឆ្នាំ។

បើតាមប្រព័ន្ធផ្សព្វផ្សាយរដ្ឋ ឈ្មោះ «Rodong Sinmun» បានអះអាងថា ផ្ទុយទៅវិញ លោក គីម គ្រាន់តែបានផ្ញើរកម្រងផ្កា មកអបអរទិវាខាងលើប៉ុណ្ណោះ។

របាយការណ៍បានសរសេរថា លោក គីម បានបញ្ជាពីចំងាយ ឲ្យថ្នាក់ដឹកនាំកងទ័ព ត្រូវទៅសំដែងគារវកិច្ច នៅចំពោះរូបសំណាកនានា ដែលត្រូវបានសាងសង់ឡើង ដើម្បីឧទ្ទិសដល់លោក គីម អ៊ីល-ស៊ុង (Kim Il-sung) និងលោក គីម ជុង-អ៊ីល (Kim Jong-il) ដែលត្រូវជាជីតា និងឪពុករបស់លោក។

យ៉ាងណា ទីភ្នាក់ងារព័ត៌មាន «Yonhap» បានអះអាងថា ប្រទេសកូរ៉េកុម្មុយនីស្ដិ៍ បានចាត់វិធានការគ្រប់លទ្ធភាព ដើម្បីរារាំងមេរោគ«កូរូណា»ថ្មី កុំឲ្យឆ្លងចូល មកក្នុងទឹកដីរបស់ខ្លួន។ វិធានការមួយ ពីក្នុងចំណោមនោះ គឺរបបក្រុងព្យុងយ៉ាង បានបញ្ជាឲ្យបិទគ្រប់ច្រកព្រំដែនទាំងអស់ ដែលប្រទេសកូរ៉េ មានជាមួយប្រទេសចិនកុម្មុយនីស្ដ៍ ក្នុងប្រវែងប្រមាណជា ១៤០០គីឡូម៉ែត្រ៕



You may also like

ដំណឹង

Covid-19៖ ម៉ាក្រុង ត្រៀម​ឲ្យ​ប្រទេស​«ងើប​ឡើងវិញ»​ក្រោយថ្ងៃ​១១ឧសភា

វិធានការជាច្រើន នឹងត្រូវរដ្ឋាភិបាលបារាំង សម្រេចឲ្យអនុវត្ត ដើម្បីត្រៀមឲ្យប្រទេស​«ងើប​ឡើងវិញ» នៅក្រោយថ្ងៃទី១១ ខែឧសភា។ នេះ បើតាមប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ...
កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

សហរដ្ឋអាមេរិក​នឹងផ្ដល់វ៉ាក់សាំងបង្ការជំងឺកូវីដ-១៩ (Covid-19) ប្រភេទ«Johnson&Johnson» ប្រមាណ​ជាង១លានដូស ជូនដល់ប្រជាជន​កម្ពុជា ក្នុងពេលឆាប់ៗខាងមុខនេះ។ នេះ បើតាមសំណេរជូនដំណឹង របស់​ភ្នាក់ងារ​រដ្ឋាភិបាលអាមេរិក «USAID» នៅលើទំព័រហ្វេសប៊ុក​ផ្លូវការ​របស់ខ្លួន។ ភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិ ...
កម្ពុជា

សម រង្ស៊ី ថា ហ៊ុន សែន រង់ចាំ​ដល់ថ្ងៃ​៣១កុម្ភៈ ទើបហ៊ាន​ចាក់​វ៉ាក់សាំងចិន

«ហ៊ុន សែន រង់ចាំ​ដល់ថ្ងៃ​៣១កុម្ភៈ ទើបហ៊ានចាក់វ៉ាក់សាំង របស់ចិន» នេះ ជាការចំអកឡើង របស់លោក សម រង្ស៊ី មេដឹកនាំប្រឆាំង នៅចំពោះផ្លាស់ប្ដូរ​ជំហររបស់នាយករដ្ឋមន្ត្រីកម្ពុជា ដែលបានសម្រេចថា ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...