កម្ពុជាដំណឹង

សម រង្ស៊ី ថាបើ អ៊ូ ច័ន្ទរ័ត្ន មិនចេះខ្មាស មក​ចូលរួម​បាតុកម្មភ្លើង​ទៀន​ចុះ

ការមិនស្វាគមន៍លោក អ៊ូ ច័ន្ទរ័ត្ន និងមន្ត្រីមួយរូបទៀត របស់គណបក្សសង្គ្រោះជាតិ ដែលទើបនឹងទទួលបានសិទ្ធិ ធ្វើនយោបាយឡើងវិញ ពីព្រះមហាក្សត្រ តាមការស្នើសុំ ពីលោកនាយករដ្ឋមន្ត្រី ហ៊ុន សែន នោះ ត្រូវបានលោក សម រង្ស៊ី អះអាងដោយផ្ទាល់ នៅថ្ងៃសុក្រ ទី១៩ ខែមេសា ឆ្នាំ២០១៩នេះ។

លោក អ៊ូ ច័ន្ទរ័ត្ន និងលោក ជីវ កាតា ក្នុងខណៈនេះ កំពុងមានវត្តមាន នៅក្នុងប្រទេស​កូរ៉េខាងត្បូង តែគេមិនឃើញពួកលោក ចូលរួមក្នុងកម្មវិធីសមាជអ្នកប្រជាធិបតេយ្យ ដែលជាកម្មវិធីទីមួយ រៀបចំឡើងដោយក្រុមយុវជនគណបក្សប្រឆាំង និងអង្គការក្រៅរដ្ឋាភិបាលមួយ នៅកូរ៉េខាងត្បូងនោះឡើយ។

នៅចំពោះការរំពឹងថា លោក អ៊ូ ច័ន្ទរ័ត្ន និងលោក ជីវ កាតា អាចនឹងចូលរួមបាតុកម្មភ្លើងទៀន នៅរសៀលថ្ងៃស្អែក ក្រោមការដឹកនាំរបស់លោក សម រង្ស៊ី នោះ មេដឹកនាំប្រឆាំងរូបនេះ បានថ្លែងឡើង តាមរយៈកិច្ចសម្ភាស​ក្នុងវិទ្យុអាស៊ីសេរី ពីប្រទេសកូរ៉េខាងត្បូងមកថា៖

«ជាសេរីភាពរបស់បុគ្គលម្នាក់ៗ អ្នកឯងចង់មក ក៏មកទៅ គ្មាននរណាឃាត់ឃាំងទេ។ គ្រាន់តែគេមិនមើលមុខ គ្រាន់តែគេមិននិយាយរក គ្រាន់តែគេមិនឲ្យតម្លៃ។ អញ្ចឹងបើខ្លួនឯងអត់មានភាពថ្លៃថ្នូ អត់ចេះខ្មាស មកក៏មកទៅ។»

លោក សម រង្ស៊ី បានបន្ទោសក្រុមមន្ត្រីគណបក្សទាំងនេះ ដែលបានដាក់ពាក្យ ស្នើសុំសិទ្ធធ្វើនយោបាយ ពីលោក ហ៊ុន សែន កាលពីខែមិនាកន្លងទៅ។ លោក រង្ស៊ី ថ្លែងដោយប្រើពាក្យសង្កត់ធ្ងន់ថា៖

«យើងដឹងហើយ… រឿងអីទៅសុំសិទ្ធិធ្វើនយោបាយពី ហ៊ុន សែន ក្នុងខណៈដែលគណបក្ស ត្រូវគេរំលាយលើក្រដាស (…) ក្នុងខណៈដែលប្រធានរបស់យើង លោក កឹម សុខា ជាប់ឃុំឃាំង?»

លោកបានចាត់ទុក ក្រុមអ្នកទៅសុំសិទ្ធិធ្វើនយោបាយ ពីលោកនាយករដ្ឋមន្ត្រី ហ៊ុន សែន ថាជាមនុស្ស «មិនចេះគិត ឬគិតរាក់កំផែល ឬមួយចង់ស៊ីលុយ បានលុយពីគេ ដើម្បីលក់ឧត្ដមគតិ»។ លោកពន្យល់ថា៖

«ទៅសុំសិទ្ធិធ្វើនយោបាយពី ហ៊ុន សែន មានន័យយ៉ាងម៉េច? ទៅធ្វើនយោបាយជាមួយនរណា បើប្រធានយើងជាប់គុក? ទៅធ្វើនយោបាយយ៉ាងម៉េច បើគណបក្សយើង ត្រូវគេរំលាយលើក្រដាស? អញ្ចឹងមានតែធ្វើនយោបាយ ជាមួយ ហ៊ុន សែន? មានតែទៅបម្រើប្រយោជន៍ ហ៊ុន សែន? អញ្ចឹងមានន័យថា ខ្លួនឯងវាចាកចេញដោយខ្លួនឯង ពីគណបក្សសង្គ្រោះជាតិហើយ។»

«អ្នកដែលគាំទ្រគណបក្សសង្គ្រោះជាតិ ត្រូវទាមទារឲ្យដោះលែង ប្រធានគណបក្ស លោក កឹម សុខា ត្រូវទាមទារឲ្យគណបក្សសង្គ្រោះជាតិ ដំណើរការឡើងវិញសិន មុននឹងយើងទៅធ្វើនយោបាយ។ ហើយយើងមិនចាំបាច់ ទៅសុំសិទ្ធិធ្វើនយោបាយទេ ព្រោះសិទ្ធិនេះសិទ្ធិរបស់យើង។ ហ៊ុន សែន ប្លន់សិទ្ធិពីយើង ដោយខុសច្បាប់ រឿងអីយើងទៅសុំសិទ្ធិនេះពី ហ៊ុន សែន?»

មិនអាចទាក់ទងលោក អ៊ូ ច័ន្ទរ័ត្ន ដើម្បីសុំប្រតិកម្មបានទេ ក្នុងពេលភ្លាមៗនេះ។

កាលពីមួយថ្ងៃមុន ក្រុមអ្នករៀបំកម្មវិធី នៅប្រទេសកូរ៉េ និងអ្នកស្រី មូរ សុខហួ អនុប្រធាន​គណបក្សប្រឆាំង បានប្រកាសជំហរមិនស្វាគមន៍ មន្ត្រីសុំសិទ្ធិធ្វើនយោបាយទាំងនោះ នៅក្នុងកម្មវិធីរបស់ពួកគេទេ។

យ៉ាងណា លោក ឡៅ ម៉ុងហៃ បានហៅលោក អ៊ូ ច័ន្ទរ័ត្ន និងមន្ត្រីគណបក្ស៤នាក់ទៀត ដែលបានសុំសិទ្ធិធ្វើនយោបាយទាំងនេះ ថាជា«ហង្សថ្មី»។ អ្នកវិភាគវ័យចំណាស់ បានយល់ឃើញថា អស់លោកទាំងនេះ ជាសត្វហង្សដែល «កើតហើរចេញ ពីអដ្ឋិធាតុហង្សចាស់ ដែលត្រូវបានដុតរំលាយទាំងរស់ ក្នុងភ្លើងដែលកំពុងឆេះទ្រលោម ដូចក្នុងរឿងសត្វហង្សកើតហើរចេញ ពីអដ្ឋិធាតុសត្វហង្សចាស់ ពីដើមមួយ»៕

ឯកឧត្តម អ៊ូ ច័ន្ទរ័ត្ន និងថ្នាក់ដឹកនាំ៤រូបទៀតនៃសង្គ្រោះជាតិ ជាហង្សថ្មី ដែលកើតហើរចេញពីអដ្ឋិធាតុហង្សចាស់…

Publiée par Mong Hay Lao sur Jeudi 18 avril 2019


លំអិតបន្ថែមទៀត

កម្ពុជា

ហ៊ុន សែន ថា«កំពុង​ជិះឡាន»​ខណៈ​​មិនបានបង្ហាញខ្លួន​តាំងពី​ច្រើន​សប្ដាហ៍

លោកនាយករដ្ឋមន្ត្រី ហ៊ុន សែន បានអះអាងនៅថ្ងៃនេះ ថាលោក​«កំពុង​ជិះឡាន»​ធ្វើ​ដំណើរ​នៅតាមដងផ្លូវ ដោយអើត«មើលពីក្នុងរថយន្ដ» ឃើញប្រជាពលរដ្ឋកម្ពុជា ខិតខំ​ប្រឹងប្រែងធ្វើការងារ។ ប៉ុន្តែអវត្តមានរបស់លោក ដែលមិនបាន​បង្ហាញខ្លួន​ជា​សាធារណៈ តាំងពីច្រើនសប្ដាហ៍មកនោះ បានបង្កមន្ទិល ជុំវិញ​បញ្ហាសុខភាព​របស់​លោក។ ...
កម្ពុជា

Covid-19៖ ហ៊ុន សែន ឲ្យធ្វើតេស្ដិ៍សិន មុននឹង​ទៅជួប​លោក

មុននឹង​ទៅជួប​លោក ហ៊ុន សែន ដោយផ្ទាល់ បណ្ដាជនទាំងឡាយ ត្រូវធ្វើតេស្ដិ៍ជាមុនសិន។ នេះ ជាបញ្ជារបស់​នាយករដ្ឋមន្ត្រីកម្ពុជា បន្ទាប់ពីលោកបានធ្វើចត្តាឡីស័ក សម្រាប់រយៈពេល១៤ថ្ងៃ ជាលើកទី៣ ខណៈរូបលោក​ទទួលបាន ការចាក់វាក់សាំង ...
កម្ពុជា

សម រង្ស៊ី ព្រមាន​ពី​អស្ថិរភាព បើ ហ៊ុន សែន បាញ់​សម្លាប់​រង្គាល​នៅ​ព្រំដែន

មេដឹកនាំប្រឆាំង លោក សម រង្ស៊ី បានបញ្ចេញប្រតិកម្មនៅថ្ងៃនេះ ចំពោះការគម្រាមប្រើកាំភ្លើងយន្ដ ចេញពីលេណដ្ឋាន បាញ់រូបលោក ប្រសិនជាលោកវិលចូលប្រទេសវិញ តាមព្រំដែនគោក។ ប្រធានស្ដីទីគណបក្សប្រឆាំង បានហៅចំណាត់ការរបស់លោក ហ៊ុន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...