ដំណឹងពិភពលោក

ចូ បៃដេន កំពុងឈ្នះ ត្រាំ ក្នុងការបោះឆ្នោត​​ប្រធានាធិបតី​អាមេរិក២០២០

ការរាប់សន្លឹកឆ្នោត​បន្ថែមទៀត ក្នុងថ្ងៃពុធទី៤ ខែវិច្ឆិកានេះ បង្ហាញទំនោរថា លោក ចូ បៃដេន (Joe Biden) បេក្ខជន​ពីគណបក្សប្រជាធិបតេយ្យ ទំនងជាឈ្នះលោក ដូណាល់ ត្រាំ (Donald Trump) ក្នុងការបោះឆ្នោត​ប្រធានាធិបតី​អាមេរិក ឆ្នាំ២០២០។

អ្នកឆ្លើយឆ្លងព័ត៌មាន របស់ទស្សនាវដ្ដីមនោរម្យ.អាំងហ្វូ បានធ្វើសេចក្ដីរាយការណ៍ជូន ពីករណីនេះ ផ្ទាល់ពី​សហរដ្ឋអាមេរិក។

មកដល់ម៉ោងនេះ លទ្ធផលស្ទាបស្ទង់ នៃការរាប់សន្លឹកឆ្នោត នៅក្នុងរដ្ឋជាច្រើន បានបង្ហាញថា លោក បៃដេន ទទួលបាន ២៣៨សម្លេង នៃតំណាងម្ចាស់ឆ្នោត ខណៈលោក ត្រាំ ទទួលបាន ២១៤សម្លេង នៃតំណាង​ម្ចាស់ឆ្នោត។

នៅសហរដ្ឋអាមេរិក ប្រព័ន្ធបោះឆ្នោតប្រធានាធិបតី តាមរយៈតំណាងម្ចាស់ឆ្នោត តម្រូវឲ្យបេក្ខជន ត្រូវទទួល​សន្លឹកឆ្នោត យ៉ាងហោច ២៧០សម្លេង នៃតំណាង​ម្ចាស់ឆ្នោត (ពីក្នុងចំណោម ៥៣៨តំណាងម្ចាស់ឆ្នោត) ដើម្បីឈ្នះ​ក្លាយជា​ប្រធានាធិបតី នៃប្រទេស​មហាអំណាច។

ដូច្នេះ បើយោងតាមក្រិត្យក្រម និងតួលេខខាងលើ លោក ចូ បៃដេន ត្រូវការ​៣២សម្លេង​បន្ថែម ខណៈលោក ដូណាល់ ត្រាំ ត្រូវការរហូតដល់ ៥៦សម្លេង ដើម្បី(បន្ត)ក្លាយជាម្ចាស់សេតវិមាន សម្រាប់៤ឆ្នាំទៅមុខ។

តាំងពីយប់ថ្ងៃអង្គាមកម្លេះ សេចក្ដីរាយការណ៍ពីបណ្ដារដ្ឋភាគច្រើន ឲ្យដឹងថា ការរាប់​សន្លឹកឆ្នោត  ដែលត្រូវ​បាន​​បោះផ្ទាល់ នៅនឹងមណ្ឌលនានា ទំនងជា​ត្រូវបាន​បញ្ចប់ទាំងស្រុង​ហើយ។ លើកលែងតែរដ្ឋចំនួន ៧ (ពីចំណោមរដ្ឋទាំង៥០) ដែលនៅសល់​សន្លឹកឆ្នោត​ជាច្រើនលាន និងរាប់មិនទាន់ចប់។

ហេតុអ្វីក៏សល់សន្លឹកឆ្នោត ច្រើនយ៉ាងនេះ?

សន្លឹកឆ្នោតទាំងនោះ ត្រូវបានពលរដ្ឋអាមេរិក បោះទុកជាមុន និងផ្ញើរទៅតាម​ប្រៃសណីយ៍ ដើម្បីបង្កាការរាតត្បាត នៃជំងឺ «Covid-19»។ សារព័ត៌មាន​អាមេរិក​ធំៗ បានអះអាងថា ពលរដ្ឋអាមេរិក​ ដែលបានបោះឆ្នោត ទុកជាមុននេះ  មានប្រមាណ​ជា៦០លាននាក់។

ហើយដំណឹង ដែលផ្ដល់ការខកចិត្ត សម្រាប់ក្រុមលោក ត្រាំ និងអ្នកគាំទ្រនោះ គឺការរាប់​សន្លឹក​ឆ្នោត​ទាំងនេះ កាន់តែច្រើនឡើងកាលណា គឺលទ្ធផលបានផ្ដល់ទំនោរ កាន់តែខ្លាំង​ឡើង សម្រាប់លោក បៃដេន ជាពិសេសនៅក្នុងរដ្ឋ «Nevada» រដ្ឋ «Wisconsin» និងរដ្ឋ «Michigan» ដែលមានតំណាងម្ចាស់ឆ្នោតសរុប ៣២សម្លេង (៦+១០+១៦) ដែលគ្រប់សមល្មម តាមតម្រូវការ ដើម្បីឲ្យបេក្ខជនពីគណបក្ស​ប្រជាធិបតេយ្យរូបនេះ ទទួលបាន២៧០សម្លេង។

នៅនាទីមុន ការចេញផ្សាយនៃអត្ថបទនេះ រដ្ឋ «Wisconsin» បានចេញលទ្ធផល​ស្ទាបស្ទង់ បង្ហាញថា លោក បៃដេន ឈ្នះលោក ត្រាំ រួចជាស្រេចហើយ ដែលធ្វើឲ្យសម្លេង​សរុប នៃអ្នកតំណាងម្ចាស់ឆ្នោត សម្រាប់លោក បែដេន កើនឡើងដល់២៤៨សម្លេង។

ដូច្នេះ អ្វីដែល​គេកំពុងទន្ទឹងរង់ចាំ ក្នុងប៉ុន្មានម៉ោងខាងមុខ គឺលោក បៃដេន ទំនងជាក្លាយ​ជា​​ប្រធានាធិបតីអាមេរិក បន្តពីលោក ត្រាំ ក្នុងអាណត្តិក្រោយនេះ៕



You may also like

ដំណឹង

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន ...
ដំណឹង

ហ្គូហ្គ័ល និងហ្វេសប៊ុក ស្នើឲ្យ​បុគ្គលិក​ខ្លួន​ធ្វើការ​«ពីផ្ទះ» រហូតដល់​ឆ្នាំ​២០២១

បើទោះ​ជា​ទីស្នាក់ការ​នានា របស់មហាយក្សទាំងពីរ គ្រោងនឹងបើកឡើងវិញ នៅរដូវក្ដៅ​នេះ​ក៏ដោយ តែការធ្វើការ«ពីផ្ទះ» នៅតែជាជម្រើសដ៏ល្អ សម្រាប់រយៈពេល ពីពេលនេះ រហូតដល់​ចប់ ឆ្នាំ២០២០។ លោក «Sundar Pichai» ...
កម្ពុជា

ទិវាកុមារ៖ ហ៊ុន សែន អំពាវនាវ​៦ចំណុច ដើម្បីការពារ​កុមារ​ពី​«Covid-19»

ក្នុងនាមរដ្ឋាភិបាល គណបក្សប្រជាជនកម្ពុជា ដែលដឹកនាំប្រទេសកម្ពុជា តាំងពី​ជាង​៤០ឆ្នាំ លោកនាយករដ្ឋមន្ត្រី ហ៊ុន សែន បានធ្វើការ«អំពាវនាវ​៦ចំណុច» ក្នុងកាលៈទេសៈ នៃ​ការរាតត្បាត នៃជំងឺ«Covid-19» ដើម្បីអ្វីដែលលោក ហៅថា ...

Comments are closed.

កម្ពុជា

ក្រុងភ្នំពេញដេញ​អ្នកកាសែតចិនម្នាក់ ព្រោះផ្សាយ​ថា កម្ពុជាលក់វ៉ាក់សាំង

កម្ពុជា

ព្រឹត្តិការណ៍២០កុម្ភៈ៖ ករណីឆ្លង​ក្នុងសហគមន៍ កើនដល់​១០៣នាក់

មកដល់ម៉ោងនេះ ករណីឆ្លង​ក្នុងសហគមន៍ នៃអ្នកជំងឺកូវីដ-១៩ (Covid-19) ត្រូវបានរកឃើញ កើនឡើង​ដល់​ចំនួន​សរុប ១០៣នាក់។ ខាងក្រោមនេះ ជាតួលេខត្រួសៗ បង្ហាញពីការរកឃើញប្រចាំថ្ងៃ នៃករណីឆ្លងក្នុងសហគមន៍ រាប់ចាប់ពី​ថ្ងៃទី២០ ខែកុម្ភៈមក៖ ...
លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...