កម្ពុជាដំណឹង

សម រង្ស៊ី បង្ហាញ​មូលហេតុ ៣យ៉ាង ដែល​អាចការពារ​កម្ពុជា ពី​«Covid-19»

លោក សម រង្ស៊ី បានបង្ហាញ ពីលទ្ធភាព«៣យ៉ាង ដែលជួយការពារប្រទេស ស្ថិតនៅ​តំបន់អាស៊ី​ភាគអាគ្នេយ៍ ដូចប្រទេសកម្ពុជា» ពីការរាតត្បាតនៃជំងឺ«Covid-19»។

មកដល់ថ្ងៃនេះ របបក្រុងភ្នំពេញបានបញ្ចេញ «តួលេខផ្លូវការ» ថាកម្ពុជា​មាន​ករណី​ឆ្លងជំងឺ «Covid-19» នៅត្រឹម ១២២នាក់ ដែលជាតួលេខរកឃើញ តាំងពី​ច្រើនសប្ដាហ៍មុន។ ក្រសួងសុខាភិបាលកម្ពុជា បានអះអាងថា អ្នកជំងឺ​ដែលបាន​ជាសះស្បើយ មានចំនួនកើនឡើង ដល់១២០នាក់។

សម្រាប់លោក សម រង្ស៊ី បានលើកឡើង ពីមូលហេតុ ៣យ៉ាង ដើម្បីសាកល្បងពន្យល់ថា ការ​រាតត្បាតជំងឺកូវីត-១៩ មានភាពធ្ងន់ធ្ងរ តែចំពោះប្រទេសមួយចំនួន ប្រៀបធៀប​ទៅ​នឹង ប្រទេសមួយចំនួនទៀត។

ប្រធានស្ដីទីគណបក្សសង្គ្រោះជាតិ បានសរសេរ ពីមូលហេតុទាំងនោះ នៅក្នុង​បទវិភាគ​ខ្លីមួយ ដែលលោកបង្ហោះ នៅលើបណ្ដាញសង្គម ដូចការដកស្រង់​ទាំងស្រុង ខាងក្រោម៖

១- កំដៅធាតុអាកាស

មេរោគកូវីត-១៩ លូតលាស់ និងផ្សព្វផ្សាយយ៉ាងងាយ ក្នុងសីតុណ្ហភាព ពី ១០ ទៅ ១៥ អង្សារ C។ នៅតំបន់យើង សីតុណ្ហភាពខ្ពស់ជាងនេះ គឺ ២០ ទៅ ៤០ អង្សារ C។ មេរោគ​កូរ៉ូណាវីរុស វានឹងស្លាប់ទាល់តែចាប់ពី ៦០-៧០ អង្សារ C ឡើងទៅ។ ក្រោមនេះ វាមិន​ទាន់​ស្លាប់ទេ តែកំដៅកម្រិតនេះ មិនសូវអំណោយផល ឲ្យវាទេ។

២- ជំងឺកូវីត-១៩ រាតត្បាតយ៉ាងងាយស្រួល ចំពោះមនុស្សចាស់ មនុស្សប្រុស និងមនុស្ស​ធាត់

នៅតំបន់យើង ជាពិសេស នៅប្រទេសកម្ពុជា ពលរដ្ឋភាគច្រើន ជាមនុស្សក្មេង មនុស្សស្រី និងមនុស្សស្គម។ យ៉ាងដូច្នេះហើយ បានជាកម្មការិនី នៅតាមរោងចក្រ មិនសូវ​រងគ្រោះ​ប៉ុន្មានទេ។

៣- ប្រទេសណា ដែលធ្លាប់ប្រឈម នឹងជំងឺគ្រុនចាញ់ ហាក់ដូចជាមានភាពសុាំ (immunity) ខ្លះ ចំពោះ​ជំងឺកូវីត-១៩

សូមមើលផែនទី ភ្ជាប់មកជាមួយនេះ ដែលបង្ហាញថា ប្រទេសដែលអត្រាអ្នកស្លាប់ ខ្ពស់​ជាងគេ (ចាប់ពី ២០០ នាក់ឡើងទៅ លើពលរដ្ឋ ១ លាននាក់) គឺស្ថិតនៅទ្វីបអឺរ៉ុប​ខាង​លិច និងទ្វីបអាមេរិកខាងជើង ដែលមិនស្គាល់ ជំងឺគ្រុនចាញ់សោះ៕

០៨ ឧសភា ២០២០ / 08 May 2020ហេតុអ្វីបានជាការរាតត្បាតជំងឺកូវីត-១៩ មានភាពធ្ងន់ធ្ងរតែចំពោះប្រទេសមួយចំនួន…

Gepostet von Sam Rainsy am Freitag, 8. Mai 2020


លំអិតបន្ថែមទៀត

កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...
កម្ពុជា

Covid-19៖ ហ៊ុន សែន ថាវិស័យ​ហិរញ្ញវត្ថុកម្ពជា មានស្ថានភាព​ល្អប្រសើរ

លោក ហ៊ុន សែន នាយករដ្ឋមន្ត្រីចាស់វស្សា នៅកម្ពុជា បានអះអាងថា ប្រទេសកម្ពុជា មានស្ថានភាព​ល្អប្រសើរ លើវិស័យហិរញ្ញវត្ថុ ក្នុងសម័យកាល នៃការរាតត្បាតជំងឺ «Covid-19»។ ការថ្លែងរបស់បុរសខ្លាំង ...
កម្ពុជា

ក្រសួងមហាផ្ទៃថា អ្នកជាប់ឃុំម្នាក់​​ត្រូវបាន​រកឃើញ​«វិជ្ជមានកូវីដ-១៩»

ក្រសួងមហាផ្ទៃកម្ពុជា បានអះអាងថា អ្នកជាប់ឃុំម្នាក់ ត្រូវបានធ្វើតេស្ដិ៍ បង្ហាញលទ្ធផល«វិជ្ជមានកូវីដ-១៩» ពីក្នុងចំណោមការធ្វើតេស្ដិ៍ ទៅលើអ្នកជាប់ឃុំ​ជាង១០០នាក់ ដែលបានសង្ស័យថា បានជាប់ពាក់ព័ន្ធនឹងករណីលោក ឆែម សាវុធ អគ្គនាយក​នៃអគ្គនាយកដ្ឋាន​ពន្ធនាគារ ដែលត្រូវបានរកឃើញ«​វិជ្ជមានកូវីដ-១៩» ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...