កម្ពុជាដំណឹង

អ.ស.ប នៅកម្ពុជា ប្រាប់​កុំឱ្យ​រើសអើង​អ្នកជំងឺ​«Covid-19»

នៅចំពោះការហក់ឡើង នៃការរីករាលដាល នៃអ្នកជំងឺ«Covid-19» នៅក្នុងប្រទេស​កម្ពុជា ការិយាល័យទទួលបន្ទុកសិទ្ធិមនុស្ស នៃអង្គការសហប្រជាជាតិ (អ.ស.ប) ប្រចាំ​នៅរាជធានីភ្នំពេញ បានបង្ហោះសារមួយបញ្ជាក់ថា មិនត្រូវបញ្ឆេះ​​ឲ្យមានការរើសអើង​ក្នុងសង្គម ជុំវិញជំងឺ«Covid-19»នេះឡើយ។

សាររបស់ការិយាល័យ តំណាងអង្គការសហប្រជាជាតិ ធ្វើឡើងនៅលើបណ្ដាញសង្គម (ទាំងហ្វេសប៊ុក និងទ្វីសធើរ) ដោយមានន័យ​ជាអាទិ៍ថា៖

«ការមាក់ងាយ​ក្នុងសង្គម ក្នុងបរិបទសុខភាព គឺជាការផ្សារភ្ជាប់​ទំនាក់ទំនងអវិជ្ជមាន រវាងមនុស្សម្នាក់ ឬក្រុមមនុស្ស ដែលមានចរិតលក្ខណៈមួយចំនួន ទៅនឹងជំងឺ​ជាក់លាក់​មួយ។ បញ្ហានេះ អាចនាំឱ្យមានការរើសអើង និងអាចជះឥទ្ធិពលមិនល្អ ដល់អ្នក​ដែល​មានជំងឺ អ្នកថែទាំ គ្រួសារ មិត្តភក្តិ និងសហគមន៍របស់ពួកគេ។»

ការិយាល័យទទួលបន្ទុក«សិទ្ធិមនុស្ស» របស់អង្គការ​ពិភពលោក​មួយនេះ បានបន្តថា៖

«សូមកុំបញ្ឆេះ ឲ្យមានការមាក់ងាយ​ក្នុងសង្គម ជុំវិញជំងឺ កូវីដ-១៩ នេះឲ្យសោះ។ យើងរួបរួមគ្នា យើងកាន់តែរឹងមាំ។»

(English version below) – SOCIAL STIGMA ASSOCIATED WITH COVID-19 ការមាក់ងាយក្នុងសង្គមក្នុងបរិបទសុខភាព…

Posted by United Nations Human Rights in Cambodia on Wednesday, March 18, 2020


មកទល់នឹងម៉ោងនេះ ប្រទេសកម្ពុជា បានបញ្ចេញតួលេខផ្លូវការ អះអាងថា អ្នកឆ្លង​មេរោគ «Covid-19» បានកើនឡើង រហូតដល់៣៧នាក់ ពីក្នុងចំណោម​បណ្ដាជន ​ជាង១១០០នាក់ ដែលទទួលបាន​ការធ្វើតេស្ដិ៍។

យ៉ាងណា អ្នកស្រី ឱ វណ្ណឌីន អ្នកនាំពាក្យ​ក្រសួងសុខាភិបាល បានសំដែងក្ដីបារម្ភថា ចំនួនអ្នកឆ្លងមេរោគដ៏ចង្រៃ អាចមានចំនួនលើសនេះ ៣ដង បើគ្រាន់តែគណនាថា គ្រួសារមួយ​នៃអ្នកជំងឺម្នាក់ មានសមាជិកយ៉ាងហោច ៣នាក់ ដែលប៉ះពាល់ផ្ទាល់ ជាមួយអ្នកជំងឺ៕

រហូតម៉ោង​ ១០:៣០យប់ ថ្ងៃទី​ ១៨​ មីនា​ ២០២០​ យេីងរកឃេីញអ្នកជំងឺ​ COVID19-19 សរុបទាំងអស់ចំនួន​ ៣៧ករណី​,​…

Posted by នាយកដ្ឋានប្រយុទ្ធនឹងជំងឺឆ្លង CDC on Wednesday, March 18, 2020


You may also like

កម្ពុជា

ហ៊ុន សែន៖ «កម្ពុជា​ត្រូវតែមាន​សន្តិភាព​ជានិច្ច​»

នាយករដ្ឋមន្ត្រីកម្ពុជា បានអះអាងឡើងវិញថា ប្រទេស​«កម្ពុជា​ត្រូវតែមាន​សន្តិភាព​ជានិច្ច​» ហើយលោកបានអំពាវនាវ ឲ្យរួមគ្នាថែរក្សា​ការពារ​សន្តិភាពនេះ ឲ្យខាងតែបាន និងបញ្ចៀសប្រទេស កុំឲ្យវិលធ្លាក់ទៅក្នុងភ្នក់សង្គ្រាមជាថ្មី។ ជាមួយនឹងរូបថតច្រើនសន្លឹក ក្នុងនោះមួយសន្លឹក បង្ហាញពីភាពបាក់បែក នៃអគារ​ធនាគារ​ជាតិ កណ្ដាលរាជធានីភ្នំពេញ ...
កម្ពុជា

ហ៊ុន សែន លេងបាន​តែកីឡា​កូន​គោល ខណៈ សម រង្ស៊ី លេងកីឡាជាច្រើន

លោកនាយករដ្ឋមន្ត្រី ហ៊ុន សែន បានអះអាងថា លោកមកដល់វ័យនេះ លេងកីឡាបានតែកីឡាវាយកូនគោលមួយប៉ុណ្ណោះ បើទោះជាលោកចូលចិត្តកីឡាទាំងអស់យ៉ាងណាក៏ដោយ។ កាលពីប៉ុន្មានថ្ងៃមុន លោក សម រង្ស៊ី ដែលមានអាយុច្រើនជាងលោក ហ៊ុន ...
ដំណឹង

អាល្លឺម៉ង់ថា​ចិន​ដាក់សម្ពាធ ឲ្យ​និយាយល្អ ពី​ប៉េកាំង​ជុំវិញ​​«Covid-19»

មន្ត្រីការទូតចិន បានជួបជាមួយ​អ្នកទទួលខុសត្រូវមួយចំនួន នៃរដ្ឋាភិបាលអាល្លឺម៉ង់ ដើម្បីបញ្ចុះបញ្ចូលអ្នកទទួលខុសត្រូវទាំងនោះ ឲ្យ​និយាយល្អ អំពីការគ្រប់គ្រង របស់ក្រុងប៉េកាំង ទៅលើការរាតត្បាត នៃជំងឺ«Covid-19»។ នេះ បើតាមការអះអាង របស់ក្រសួងមហាផ្ទៃអាល្លឺម៉ង់ តាមរយៈលិខិតមួយ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...